الزوجه الثانيه افضل من الصديقه  

السبت، 27 سبتمبر 2008

كنت فاتحه الفيس بوك النهارده رغم انى مش بحب افتحه المهم بقلب فى الجروبات
لقيت جروب اسمه الزوجه الثانيه افضل من الصديقه
كان مكتوب فى اول جروب حبه الكلام اللى هما بيقوله ايه فكره الجوب
والكلام اللى كان مكتوب هو
إلى كل زوج محترم ناجح و عادل ( خد بالك انت من محترم وناجح وعادل دول ) .. تزوج مره أخرى
إلى كل فتاه تعبت من البحث عن زوج محترم ورجل حقيقى .. لا تقفلى بابك أمام الرجل المتزوج
إلى كل زوجه .. انادى فيكى الإنسانه التى تسمو فوق حب الأنا .. إقبلى ما قبل به أفضل نساء العالم ..
لن أجادل فى أن هذا صعب وجارح ( ياراجل قول كلمه غيرده دى سهله خالص ذى شكت الدبوس )
ولكنه ضرورى وما أبيح شىء إلا لضرورة أو حاجه .. فما خلقت الدنيا عبثاً وكل شىء فيها يخضع للقانون الإلهى
والله الراجل ده تمام عايز يحل مشكله الزواج فى مصر والله ياعم انت عدك العيب وازح وجه عليا
انا نفسى اعرف ايه الكلام الفاضى اللى بيتقال ده انا شبه كان هيجلى شلل نصفى وانا بقرا الكلام ده
ازاى واحد يروح يتجوز على مراته ولما تقوله اتجوزت ليه يقوله عشان اساعد فى المجتمع لان مصر
محتاجه ان كل واحد يتجواز تانى عشان يحل مشكله العنوسة انا الصراحه لو فى مكانها عمرى ماهوافق
اخد فيه اقل من اعدام . انا مش بقول ان الجواز مره تانيه حرام لا ده حلال وربنا قال كده فى القران الكريم كده
بس خد بالك معايا من الايه وركز معايا
بسم الله الرحمن الرحيم
وءاتوا اليتامى أموالهم ولا تتبدلوا الخبيث بالطيب ولا تأكلوا أموالهم إلى أموالكم إنه كان حوبا كبيرا
،وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم
ألا تعدلوا فواحدة أو ما ملكت أيمانكم ذلك أدنى ألا تعولوا
اظن الايات واضحه
يعنى لما تتجوز واحده و انت فى اول حياتك تقف جمبك وتساعدك
وتعمل كل حاجه علشانك ولما تقف على رجلك وتشد حيلك تروح تتجوز
تبقا انت كده ظالم ولا بتساعد فى حل مشكله العنوسه .
وبعدين عنوسه ايه ياعم الكلام ده على طنط برضه طب لما هى العنوسه بجد
ماتب على الصوره الزوجه التانيه افضل من الصديقه ليه ؟ عشان تعرف
انها مش حكايه عنوسه ده العنوسه دى ستاره بتستخبه وراها
طب مانت ممكن تتبرع بفلوسك لاى شاب وتساعده وتخليه يتجوز
وتبقا برضه سهمت فى حل المشكله من غير ممتجوز تانى
ياجماعه اللى يفكر فى حاجه ذى يبقا بيساعد ان يهدم بيته والمجتمع
اللى عايش فيه وبيظلم انسانه واقفت جمبه وبيقوله بساعد الناس
قول رايك فى الموضوع كلامة صح ولا كلام الاخ اللى عامل الجروب ده ؟
مستنيه الرد

AddThis Social Bookmark Button


6 التعليقات: to “ الزوجه الثانيه افضل من الصديقه

  • elsha3er
    27 سبتمبر 2008 في 6:43 م  

    السلام عليكم اولا هو فى لبس حصل فى الموضوع اولا هو كلامه غلط بكل المقاييس العنوان نفسه شبهه بس الراجل مسمحله انوا يجوز على مراته واية يعنى انا شايف ما فيهاش مشكلة انا واحد من الناس لو ربنا كرمنى اجوز واحدة واتنين دة بجد مش بهزر بس مش بعد ما اكبر اروح اجوز واحدة اصغر منى بعشرين سنة لا اجوز واحدة تانية ارمل عندها اولاد مطلقة واحدة كبرت على الجواز كدة يعنى انا شايف ان دة قمة الحق للرجل

    اة على فكرة انا بكره جدا كلمة عانز دى

    احمد الشاعر

  • Ahmed Mohamed
    28 سبتمبر 2008 في 4:24 م  

    ايوه كده أكتبي كتيره وخليكي نشيطه
    .....
    موضع اني اتجوز مرتين عشان اقلل من حدة العنوسه في البلد فدا شئ مش منطقي أكيد والمنطقي زي ما حضرتك قلتي اني اساهم في مساعدة شاب مقبل علي الزواج افضل

    بس عشان نعرف ان تعدد الزوجات مكنش لافراط في شهوة الرجل ولكبح جماحه انما كان في العصور الاخري الحرب يموت الرجال وتبقي النساء اكثر وهذا من (ضمن) اسباب تعدد الزوجات بجانب وجود مرض عندها او عيب (مثل عدم الانجاب)

    يعني التعدد مكنش عشان الراجل مزواج وبيحب النساء ودي طبيعته لاء ابدا الموضوع مش كده ولا موضوع مقدره ولا غيرو

    موضوع الزوجه الثانيه افضل من الصديقه
    دي حقيقه
    بالمعني البلدي انا موافق عليه
    بدل ما يكون ليك صديقه يمارس معها ما حرمه الشرع فليكن وجودها معه في حلال الله
    يعني ممكن نقول ان الراجل ده أخطاء في الاولي واصاب في الثانيه

  • حـــلـــم كـــان
    1 أكتوبر 2008 في 6:25 ص  

    منور ياشاعر والله انا برضه بكره كلمه عانس دى جدآ وبيبقا نفسى اضرب اللى بيقوله بس الصراحه انا مش معاك فى ان الواحد لما ربنا يكرمه يروح يتجوز واحده تانيه يعنى مش تكون فى واحده وقفت جمبه وعاشت معاه ايام صعبه وفى الاخر يسبها ويروح يتجوز واحد تانيه يعنى دى المكافاه بتاعته ده طبعآ مع احترامى لرايك

  • حـــلـــم كـــان
    1 أكتوبر 2008 في 6:32 ص  

    ان شاء الله هتشوف النشاط ده علطول يااحمد بس انت ادعلى

    انا معاك ان موضوع الزوجه الثانيه افضل من الصديقه

    بس الواحد يعنى مش يكون رايح يتجوز عشان هو عاوز كده ويقولك لا دانا رايح اتجوز عشان المجتمع والعوانس

    منور دايممآ كالعاده

    بس قولى لو ربنا كرمك وبقيت حاجه كبيره هتروح تتجوز تانى ؟

  • Ahmed Mohamed
    5 أكتوبر 2008 في 2:24 م  

    ربنا لو شاء يكرمني ,يكرمني بزوجه صالحه
    والحمد لله اوي علي كده

  • حـــلـــم كـــان
    7 أكتوبر 2008 في 3:55 ص  

    ربنا يهديك يااحمد ده الكلام اللى انا عايزه اوصله من الصبح

 

Design by Amanda @ Blogger Buster