محاكمه ممدوح اسماعيل....... ضحك على الدقون
الخميس، 9 أكتوبر 2008
موضوع فات عليه حوالى سنتين لكن مش اتنسا الموضوع اللى كسر ضهر كل واحد
ووجع قلبه موضوع العباره رغم العدد الكبير من الحوداث اللى شغاله كل يوم
الا ان ده لسه فى دماغنا .
هتقولى بس دى حكايه قديمه شويه طب اكتبى عن الدويقه طيب . هقولك ليه انا كتبت عن العباره
صلى على النبى طب صلى على النبى كمان مره بس
انا كنت بذاكر امبارح بليل الساعه 2 كده المهم زهقت روحت فاتحه التلفزيون قولت الف لفه كده
انا كنت بذاكر امبارح بليل الساعه 2 كده المهم زهقت روحت فاتحه التلفزيون قولت الف لفه كده
على القنوات لقيت برنامح الحقيقه بعد قليل مع الاعلامى وائل الابراشى قولت استنى كده لما تشوفى
مصيبه ايه اللى عليه الدور النهارده البرنامج بدا ولقيته بيتكلم عن العباره قولت ياااااااااه دى حلقه قديمه اوى
هى فى الحقيقه قديمه بس مش اوى يعنى قولت مش مشكله اعدى نكدى على نفسك شويه مهو لهتذاكرى لهتشوفى البرنامج قولت اشوف البرنامج احسن وفجاه لقيت المذيع بيقول لا تنسوا هذا اليوم يوم الاحد 27\7\2008
(ينهار مش باين له لون هو عباره جديده ولا ايه ) لقيته بيقول يوم الحكم فى قضيه ممدوح اسماعيل
وهل ظهر فعلا ممدوح اسماعيل على مساعده من الحكومه والقضاء المصرى ؟
افتكرت من فتره انى سمعت ان الاخ ممدوح اسماعيل اخد براءه بس انا قولت اكيد اشاعه
براءه ليه هى مصر مفهاش قانون ولا ايه يقتل زياده عن 1350 عشان التعويض وفى الاخر يطلع براءه ؟
ده لو كان سرق حبل غسيل مكنش اخد براءه والمذيع طلع عامل حوار مع اهل الضحايا بس كان لى
تعليق على المذيع كان المفروض يقول انا عامل حوار مع الضحايا اهل الضحايا عشان اهل الضحايا
منهم اللى جه لها اهتزاز نفسى ومنها اللى ماتت حسره على بنتها ومنهم اللى جه له شلل
والباقيه تاتى اما بقا عن اول واحده اللى جه لها اهتزاز نفسى فدى هى اه نعم جلها اهتزاز نفسى
بس قالت كلام االقاضى اللى حكم فى القاضيه معرفش يقول ذيه الكلام طالع من قلبها مليان نار وحرقه
ورغم كل الدموع اللى بينزل منها الا اان برضه نار الكلام منطفاش الست كانت بتقول باعلى صوتها حرام
والله حرام طب انت عندك ام مصريه اكيد عندك ام بتحس يك ام بتشم رحتك لما تكون طالع على السلم
قوم تفتح ليك من غير متضرب الجرس . واالله حرام ده كان مودب بس صح المودب هو اللى بيحصل له كده
طب انت عارف انا عارفه انى اتجننت انا مش ست عقله بس ده ابنى انا مش عايشه الحاله الحزن ده ساعه
دانا عايشه كل ساعه الست قالت كلام انا مش قادره ومش عايزه افتكره اقالت كلام يوجع لواحد يهودى
مش مسلم ومصرى
اما بقا عن الست اللى ماتت بحسراتها على بنتها الممرضه اللى كانت بتشتغل على العباره
شفت جزء من العزه وبعدين بنتها جيت تتكلم بس الحقيقه هى بكت اكنر ماتكلمت لو قارنت بين
دموعها وبين الحروف هتلاقى الدموع اكتر قالت انا امى ماتت لكن اختى لا لا مش ماتت
اختى لسه عايشه انا اختى مخطوفه وانا عارفه ربنا ينتقم من ممدوح اسماعيل
ويحرق قلبه على اغلى من عنده طب ربنا يخليه طيب يرجع ليا اختى اتحايل عليه ربنا
ربنا يخليك رجع اختى
اما بقا عن الحاج اللى اتشل فانا الصراحه مش فهمت كلامه الا 3 كلمات هما الحكومه ممدوح اسماعيل
كلام فاضى
وبعدين المذيع جه وبيعرف الضيوف فبيقول واحد من اهل المفقود والد المفقود
الراجل قاله لا انا والد المخطوف
وجيت تسجلت قديمه والطفل محمد كلنا اكيد عارفين هو مين بيبكى والمذيع بيقوله ياريت يكون
ممدوح اسماعيل يكون شايفك عشان ميعرفش ينام
وجة شخص تانى بيقول يعنى هو مسمعش عن الغواص اللى شاف دم كتير راح عشان يشوف فية اية
لقا ولد صغير قرش وكلة والست الحامل اللى ماتت وابنها جواها صاحى وبتحرك .
طب بالذمه مش حرام كده طب بذمتك انت مش بتتقطع عشانهم طب تخيل كده ان الولد الصغير اللى
القرش اكلة يبقى اخوك الصغير اقولك حاجة احسن تخيل ان الست الميتة وابنها لسة صاحى جواها تبقى
مراتك والطفل دة ابنك طب اقولك حاجة احسن واحسن تخيل ان الست اللى اتجننت دى تبقى مامتك
طب اقولك حاجة احسن واحسن واحسن تخيل ان اللى الحاج اللى اتشل دة يبقى باباك
وكل ده وفى الاخر ممدوح اسماعيل الراجل الطيب اللى قتل حوالى 1350 واحد بس
(مهو عدد قليل برضه )
ياخد برأة اصلى دة يعين امة يعين امة غرق كل دة عشان التعويض مهو برضه التعويض بيجيب ميت
عبارة زى العبارة دى بالناس اللى عليها. تبقى الميت عبارة احسن ولا الناس اللى فوقها
اما بقا الاخ بتاع سانتى كاترين اخد 6 شهور ايون كدا لسة فيكى عدل يامصر
انا بصراحة زهقت ومعدش عندى كلام يتقال بس عندى حسرة وحرقت قلبى
واللى اكبر من كدا عندى ربى اقولة حسبى الله ونعم الوكيل على كل ظالم عتيد
9 أكتوبر 2008 في 1:21 م
كنت لسه هقولك الخط غامق
هقرا واجي
9 أكتوبر 2008 في 1:23 م
ممممممممممممممم
انتي عارفه ان واحده صحبتي كان اخوها وباباها فيها
وماتو وهي بقت وحيده في لحظه واحده
حسبي الله ونعم الوكيل
9 أكتوبر 2008 في 2:33 م
ما هيه المشكله الي هنا مشكله قانون
قانون مليان ثغرات
يجيب الحق بعد عشرين سنه
وينصر الظالم في يومين
حسبنا الله ونعم الوكيل
10 أكتوبر 2008 في 6:13 ص
اكيد ياكيارا انتى شوفتيها حياتها ادمرت ازاى بعدهم وحستى بها
يارب انتقم من الظالم
10 أكتوبر 2008 في 6:15 ص
بعد ايه يااحمد الحق يظهر
مهو كل واحد حق ضاع هيجبو هو لنفسه
مش هيسكت وبدل ميكون موجود فينا مجرم
هيبقا اتنين
11 أكتوبر 2008 في 7:46 م
لا حول ولا قوة الا بالله العلى العظيم
حسبنا الله ونعم الوكيل
لو فى عدل فعلا كانوا عملوا قانون زي قانون استثنائى لحالات مشابهه وتقدر بكلمت الشعب اللي انداس من كتر الظلم
يمكن كانوا لقوا شيء يصبرهم علي فراق حبايبهم وعلي ألمهم وحسرتهم عليهم
وكان كل طمعان وجبان وأنسان خساره تطلق عليه كلمة أنسان
لأن دى قلوب تجردت من اى معنى للأنسانيه
كانوا عرفوا ان فيه رادع ليهم وعقاب شديد ويمكن ساعتها كانوا يفكروا ألف مره قبل هدر حياة ملايين بالشكل دا
خالص احترامى وتحياتى
12 أكتوبر 2008 في 1:18 م
والله منظر الناس اهل الضحايا بعد الحكم يخلى الواحد يبكى
14 أكتوبر 2008 في 4:38 ص
السلام عليكم
الموضوع رائع
صراحة كدة ربنا يصبر كل ام فقدت اولادها او زوجها او كل اب فقد اولادة او زوجتة بس هنرجع ونقول ربنا مش بيسيب حد
وربنا ينتقم منك يا ممدوح بتاع انتة اشد انتقام ان كان خد براءة من الحكومة الفسكانة بتعتنا فهو لسة مخدش البراءة من ربنا
كل سنة وانتى طيبة
دمتى بود
تحياتى
14 أكتوبر 2008 في 6:45 م
هنقول ايه ...
حسبى الله ونعم الوكيل
وربنا يصبر اهاليهم
....شاكره زيارتك الكريمه ليا الف شكر يا جميله...
16 أكتوبر 2008 في 6:34 ص
السلام عليكم
عادى ابتسمى انتى فى مصر
حسبى الله ونعم الوكيل
وجزاكى الله خيرا
احمد الشاعر
19 أكتوبر 2008 في 6:56 ص
يارب ينقم منهم واحد واحد يامش لاقيه اسم ويحرق قلبهم على اغلى ما عندهم
19 أكتوبر 2008 في 7:03 ص
أزال المؤلف هذا التعليق.
19 أكتوبر 2008 في 7:04 ص
نفس الجمله اللى انت قولتها ياشاعر
ابتسم انت فى مصر
منور دايمآ
19 أكتوبر 2008 في 7:06 ص
كفايه عليهم اوى حسبى الله ونعم وكيل
ربنا قادر يخلصنا منهم ومن شرهم
محاسن
هلى شكر على واجب وبجد مدونتك تحفه