ايه اللى رماك على المر اللى امر منه  

الثلاثاء، 10 مارس 2009


هى دى بقا الجمله اللى بقوله وانا ماسكه اى كتاب


يعنى الشى لازوم الشى ( الصراحه مش عارفه انا جايبه الجملتان دى منين بس مش موضعنا )


الموضوع بقا يامدونتى ياحببتي ياللى انا مش ساله فيكى بقالى كتير و مش هسال فيكى خالص الفتره الجايه


بعيد عن السمعين والقراين وكل اللى موجدين امتحانتى عليه 3 شهور واكيد انتو مجربين وعارفين اد ايه


ال 3 شهرو بيعدو فى ثانيه يعنى انا مثلآ ممكن قبل مكمل اللى انا بكتبه ده الاقى الامتحانات جيت ( دمى تقيل مش كده ههههههههه)


الايام بتعدى بسرعه خطيره فعشان حضرتى السنه اللى فاتت جايبه مجموع لااحسد عليه


المفروض احسن السنادى شويه عايز فى 3 الشهور دول تدعولى


وتقول ربنا يصلح حالك يامقهوره وتذكرى و تجبى مجموع كويس


ومعدتش تتقهرى تانى ابدآ


وكمان مش اول ما تمسكى االكتاب المفعول يشتغل وتنامى


كنت مفكره ان المنوم ده فى كتب الحكمومه بس ( كنت مفكرها حركه من حركات سياسه التعليم ) لكن الحقيقه ظلمتهم


طلع المذاكرات كمان فيها منوم مش عارفه والله الواحد يعمل ايه



ياااااااااااااااااااااااااارب خلينى ذى البت الموس دى ومش تخلينى ابدآ ذى الواد المعفن ده

ياريت تدعولى ان ربنا يعديها على خير السنادى ومش تنسو المدونه بتاعتى

هتوحشونى او ى

امضاء

طالبه مقهوره لسه على الامتحانات بتاعتها مفيش

AddThis Social Bookmark Button


13 التعليقات: to “ ايه اللى رماك على المر اللى امر منه

  • مـجـنـووون
    10 مارس 2009 في 2:13 م  

    يشرفني أني أكون أول تعليق عندك

    المهم
    ربنا يوفقك يا رب وخدي بالك من نفسك

    وعلي فكرة دمك زي العسل

    تقبلي مروري
    مجنووون

  • حـــلـــم كـــان
    10 مارس 2009 في 2:43 م  

    وانا يشرفنى انك تكون اول تعليق عندى

    ويارب بس ربنا يوقف معانا وليك عليا ياسيدى اجدع صوره لاحلى حاجه ساقعه
    عشان بس تقول انى مش حرامك من حاجه

    وحكايه دمى بقا اهو هو ده اللى مشكوك فيه هههههههههه

  • مـجـنـووون
    11 مارس 2009 في 2:47 ص  

    فين الحاجه الساقعه ؟؟

    والا ناويه تكليها علينا

  • حـــــروف متــبعترة " عــمرو الشــايب
    11 مارس 2009 في 3:53 ص  

    ربنا يوفقك يا ميوي و يارب تنجحي يا تتحاية و تجيبي مجموع قد الدنيا يدخللك كلية محترمة كدة عشان لما تتجوزى تربي اولادك تربية حلوة و تفحري جوزك يارب كدة و تسعديه قولي يارب و ان شاء الله هتزاكري اا كان بمزاجكك يا ميوي او غب عنيكي يا ميوي و اكيد فاهمة كلامي و هتعرفى هتاكري ولا هتبقى زى الواد المعفن و ساعتها هتبقى ايامك فلة ههههههههههه

  • حـــــروف متــبعترة " عــمرو الشــايب
    11 مارس 2009 في 3:54 ص  

    و لما تنجحي هنشرب ناس كير حاجة ساقعة ع حسابي يا ستى ههههههههههه

  • الشاعر الحزين
    11 مارس 2009 في 1:36 م  

    السلام عليكم

    أول تعليق ليا فى مدونتك
    الجميله اللى دمها خفيف قوى
    وعلى فكره أنا عندى نفس مرض المنوم ده
    اه والله كل ما أمسك كتاب أو مصحف ألاقى عنيا هربت منى
    ومش عرف راحت فين

    على العموم يارب يارب يارب
    وكمان يارب تنجحى وبتفوق
    واحنا معاكى يارب

    وتقبلى فائق احترامى وتقديرى

  • elsha3er
    11 مارس 2009 في 10:40 م  

    ربنا يكرمك ومستنينك بعد 3 ثانوى وشدى حيلك واحنا طبعا عارفين الثانوية العامة وأرفها بس اية اللى رماك على المر ههههههههههه

    ربنا يكرمك واحنا سنظل فى انتظارك


    تحياتى

    احمد الشاعر

  • غير معرف
    12 مارس 2009 في 3:41 ص  

    ربنا معاكي ياقلبي

    ان شاء الله تنجحي و ترفعي راسنا وتجيبي مجموع عالي والا ... <<< تهديد صريح ههههههههه

    خدي بالك من نفسك ومن دراستك

    وان شاء الله خير ^ـ^

  • Ahmed Mohamed
    12 مارس 2009 في 5:24 ص  

    ان شاء الله ترجعي لنا بالسلامه
    وتشيلي بقي لقب مقهوره دا خالص

    ربنا يكرمك يارب

  • ع نوتة
    12 مارس 2009 في 5:27 ص  

    ربنا يارب يقدرك على كترة الموضوعات الجميلة دى بجد انا مبسوط اوى اخوكممنشد اسلامى من البحيرة

  • دعاء مواجهات
    13 مارس 2009 في 4:28 م  

    اية يابنتى اجمدى شوية

    دا احنا مكوناش طلبة بقى

    ...

    بيس ياقمر

  • marmarmarmora
    15 مارس 2009 في 3:45 م  

    ربنا يوفقك وتخلصي من الثانوية العامية على خير ان شاء الله

    ويا بنتي متخافيش دا الشاعر بيقول :

    من طلب العلا نام الليالي

    وشد البطانية وقال انا مالي

    ودي نصيحة( بس اوعي تاخدي بيها ) من واحدة لسه طالعة من التجربة

    ههههههههههههههه

    يلا ربنا يوفقك وبجد كنت سعيدة اوي بزيارة مدونتك اللي دمها خفيف جدا

  • قلبى مكسور
    5 أغسطس 2009 في 4:29 م  

    جميل اوى موضوعك يامى
    حلو اوى ان اللى مجروح يخرج اللى جواه
    والطبيعى ان فى جراح بتعدى وتتنسى لكن فى جراح مبتتنسيش زى جرحى كده
    انا بااختصار حبيت اوى وكمان اتجرحت اوى
    حبيت انسان سنين طويله ومكنتش متوقعه ابدا انى اهون عليه ويجرحنى
    كنت بديه كل حاجه حلوة بدون مقابل ويوم ما لقيت مقابل لقيته جرح
    وجرح كبير اوى
    جه عليه كتير وانا فضلت متمسكه بيه كان يجرحنى وانا اسامح كان يكدب وانا اصدق كان هو يفرح وانا ازعل كان يوعد وميوفيش وانا اوعد واوفى
    كان يبيعنى وانا اشتريه...ماعلينا
    كسرنى وجرحنى ودمرنى ورجعلى يقولى سامحينى وسامحته علشان بحبه ومقدرش على بعده ورجع تانى يخدعنى


    انا هرجعلكوا تانى احكيلكوا حكايتى بالتفصيل بس انتوا ادعولى لان محتاجه لدعاكوا لانى حاسه ان معدليش حد وانى لوحدى فى الدنيا دى

 

Design by Amanda @ Blogger Buster