وداعـــــــــآ مــــــــــــى و نــــلــــتــقـــى فــــى الــــجـــــنــــه  

السبت، 4 أبريل 2009

وداعآ يـــامـــى

هى مى رضا 21 سنه مخلصه كليه السنادى لسه مخطوبه قريب والنهارده يوم وفاتها

انا مش عارفه اى حد بيكون بيكتب عن حد مات بيكتب ازاى انا مش عارفه اكتب ولا عارفه اقول ايه

اللى عارفه انى روحت الدرس وجيت لقيت مى جاراتنا وصحبتى ماتت روحت وجيت لقيت ميتمها موجود

مع انها هى اللى نشر هدومهم الصبح فى البلكونه وهى اللى كانت معايا فى الفرح يوم الخميس وهى اللى لسه

بتحلم بعريس ويكون لها فرح وانها تبقا فى يوم ام زى اى بنت

مكانتش تعرف انها فى لحظه واحده هتدوخ وتقع ومش هتقوم تانى

مكانتش تعرف ان فستان فرحها الابيض هيتحول لكفن وبرضه لونه ابيض

مكانتش تعرف ان كلمت انا دايخه ياماما اخر حاجه هتقولها لمامتها

مكنتش تعرف ان الفرح اللى هتروحه بليل مش هتلحق تروحه

ان الى الله وان اليه راجعون

مش هنساكى يامى ولاهنسا كلامنا اللى كنا بنقوله سوا

لحد الوقتى مش مصدقه بجد انى مش هشوفك تانى بس صورتك مش راحه من قدام عينى

فراقك صعب عليا اوى

بس ربنا اللى ارد ومحدش يقدر يقوله لا

يــــارب يرحـــمــــك يــــــــامـــــــى

ويغفر ليك كل ذنبك و ينور قبرك و تكونى من اهل الجنه ويصبرنى ويصبر اهلك

ياربت كل اللى يقرا يدعى لها بالرحمه ياريت ياجماعه

وداعـــــــــآ مــــــــــــى و نــــلــــتــقـــى فــــى الــــجـــــنــــه

AddThis Social Bookmark Button


13 التعليقات: to “ وداعـــــــــآ مــــــــــــى و نــــلــــتــقـــى فــــى الــــجـــــنــــه

  • Kiara
    4 أبريل 2009 في 3:00 م  

    البقاء لله

    انا لله وانا اليه راجعون

  • محمد عبدالرحمن شحاته
    5 أبريل 2009 في 3:25 م  

    انا لله وانا اليه راجعون
    ربنا يتغمضها برحمته
    وانا شاء الله تنال كل ماتمنت في الجنه بإذن الله

  • king_somya
    5 أبريل 2009 في 3:52 م  

    البقاء لله
    اول مره اشعر ببدني وهو يقشعر من احاسيسك المؤثرة وكلماتك التي تهز المشاعر
    رحم الله صديقتك وستزف عروسا الي الجنه

  • حـــــروف متــبعترة " عــمرو الشــايب
    6 أبريل 2009 في 2:24 ص  

    البقاء لله و ان لله و ان الية راجعون

    ربنا يصبر اهلها و يصبر اخواتها و اهلها كلهم

    اصعب حاجة لما تلاقي حد لسة نايم و بيصحوا يلاقوة مات و اصعب حاجة كمان لما تصح من النوم الصبح و رايح جمعتك ترجع تلاقي صحبك مات و اصعب حاجة كمان لما تلاقي الى انتا بتحبة ميت جمبك و انتا مش عارف تعمل لة حاجة و اصعب حاجة لما تسمع اخر كلمة خلى بالك من ابني و متسبوش مهما حصل و تموت اة الكلمة دي سمعتها من ام واحد صاحبي و اخر كلمة قالتها كانت ليا خلاي باللك من ابني و صاحبنا مات وسطنا و محدش عامل لة حاجة و اخت صاحبنا اهي ماتت و فجاءة و التانية نامت و مصحتش على الله نتتعظ كلنا يارب اغفر لنا و لوالدينا يا الله

    رنا يصبرك يا مقهورة و يجعل اخر الاحزان ان شاء الله

  • حـــلـــم كـــان
    6 أبريل 2009 في 3:54 ص  

    كيار ادعى لها بالرحمه

  • حـــلـــم كـــان
    6 أبريل 2009 في 3:55 ص  

    ربنا يعوضه خير فى الجنه يارب يامحمد

    وتيقا من الحور العين

  • حـــلـــم كـــان
    6 أبريل 2009 في 3:58 ص  

    والله ياسوميا انا لو اساسا مكنتش عارفه اتكلم لو لاعارفه اقول ايه
    هى زى انا وكانها انا بالظبط
    حتى اسمى هو اسمها
    ولما اتقال مى اختا منار ماتت
    الناس فكرت انا لانى برضه مى اخت منار
    ربنا يصبرنى ويصبر اهلها

  • حـــلـــم كـــان
    6 أبريل 2009 في 4:02 ص  

    وهى دى رضه اعده مع مامتها وفى ثانيه ماتت ادمها ماتت بنتها اللى اغلى حاجه ليها ومقدرتش تعمل حاجه امها اللى ممكن كانت تضحى هى بعمرها عشان بنتها تفضل عايشه ومقدرتش تعمل حاجه اخوتها سابو البيت ورجعوا لقوا اختهم ماتت ربنا يصبرنا يارب نتعظ ذى مابتقول ياعمرو يارب

  • مـجـنـووون
    6 أبريل 2009 في 6:12 ص  

    الله يرحمها ويسكنها فسيح جناتها

  • saragebaly
    12 أبريل 2009 في 2:36 ص  

    إنا لله وإنا اليه راجعون

    لله ما اعطى ولله ما أحذ

    ربنا يرحمها برحمته ويسكنها فسيح جناته

    يارب ألهم اهلها واحبابها الصبر والسلوان واجعلها من اهل الجنة ياااارب

  • Darsh Basha
    21 أبريل 2009 في 8:41 ص  

    رحمها الله وغفر لها ذنوبها
    هو فعلا الواحد لما يفقد شخص
    بيبقى مش عارف يقول اية ..ومش قادر يستوب الامر..ولكن صبرم الله وصبر اهلها ورحمها...وكما قلتى فالقاء فى الجنة ان شاء الله..
    انا لله وانا الية راجعون

  • مهندس / على درويش
    4 مايو 2009 في 5:40 م  

    ربنا يرحمها

    انا لله وانا اليه راجعون

  • MaNoO
    29 مايو 2009 في 5:58 م  

    ربنا يرحمها ويصبر اهلها ولا نملك الا الدعاء لها يااارب ارزقها اهلا خير من اهلها ودار خير من دارها فى جناتك يارب العالمين

 

Design by Amanda @ Blogger Buster