عـ ـ ـ ـ الـ ـ ـ ـ مــكــ ـ ـ ـ ـ شـ ـ ـ ـ وفـــ  

الاثنين، 27 يوليو 2009

تحديث هااااااااام
الموضوع ده
على لسان عمار هو اللى قال ع الفكره والكلام
على لسانه اينعم الفكره انا سبقته فيها وعملتها بس على منتدى مش
مدونه بس هو اللى فكر فى انى اعملها على المدونه وانا خليته هو اللى يكتب الموضوع
( يلا اهو برضه غلبان )
::::::::::::::::::::::::::::::::::::::::::::::::::::::::::::::::::::
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى

مابتقفش الدنيا وادى ناس بتيجى بتروح .. يعنى جرح بجرح عادى ومين فى الدنيا مش مجروح

ناس كتير كانوا فى حياتى والنهاردة فاضلى ايه .. الفراق بقى زى عادة وقلبى متعود عليه
نص عمرى فات وادينى مفتكرش فرحت فيه ..نفسى اعرف مالها بيا الدنيا دية عليا ليه
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى

فى الحياة لو اسمى عايش حتى لو من غير حرير .. مش هموت واانا لسة عايش والفراق قسمة ونصيب

هخسر ايه تانى فى حياتى ولا ايه هندم عليه زيى واكتر الف واحد عاش مابين الناس غريب
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى
هاى ازيكو يا احلى شباب وبناااااااااات
اخباركو اية
انهاردة جايبلكوا موضوع جديد وجامد طحن
هنتكلم انهادرة عن الجرح
مش عاوز حد يكون وقع ولا حاجة او اتعور وييجى يقولى انة انجرح
:):)
انا قصدى مجروح من جوا
من قلبة
حد جرحة
حبيب لية
صديق لية
الاهم والاهم اللى هنتكلم عنة هوا جرح الحبيب
اكيد كل واحد فينا لية قصة عاشها
عاش تجربة
لية أغنية محددة ممكن اما يسمعها يعيط
انا جبتلكوا الاغنية دى بتاعة حمادة هلال ( سعات )
عشان الموضوع دا بالذات
انا حاسس ان اى حد مجروح الاغنية دى هتعبر عنة
واكيد فى اغانى تانية كتير غيرها
المهم منطلعش عن الموضوع
ممكن تكون بنت جرحتك
ولد جرحك ( فى كسرة على الحاء ) :)
الموضوع هيتكلم عن قصة كل حد فينا
يدخل يحكى اللى حصلة
واية اللى خلا حبيبة او ( حبيبتة ) تجرحة
والموضوع يا جماعة اسمة ( على المكشوف )
سواء المجروح كان ولد او بنت
يلا اسيبكوا بقا
ومعلش لو طولت عليكو
يعنى كل واحد هيدخل باسمة
وهيكون فى ناس متخصصة فى الحاجات دى هتدخل ترد على قصة كل واحد
عشان يخلى بالة لو ارتبط مرة تانية لو غلط
وعلى فكرة
احنا ممكن نكون اول ناس تحط الفكرة دى فى بلوج
وعاوزين فية نشاط جامد
اة صح عشان منساش
ياريت كل واحد اما يحكى حكايتة
يهدى أغنية للشخص اللى جرحة
يلا

AddThis Social Bookmark Button


وهــكــذا كـــانــــت نـــهـــيـاتـى  

السبت، 25 يوليو 2009


الــوحــده فــى مــنــتــصــف الــطــريــق

AddThis Social Bookmark Button


تـــغـــربـــده الــبــجــعــه  

الأربعاء، 22 يوليو 2009


تغريده البجعه دى روايه لمكاوى سعيد
بدات اقر فيها بعد الامتحانات يعنى
الوقت اللى مش بعد فيه نت
اكيد فى كتير سمع عنها وقرائها
هى الصراحه روايه جامده
مش مستنيه ان انا اعلق عليها
رغم ان فيها بعض المواقف والالفاظ
الخارجه شويه بس هى روايه ملهاش حل
كنت كل ماقرا فصل عايزه اقرا اللى بعده
الروايه كان فيها مصطفى بيحكى عن نفسه
فى الوقت الحالى وبيفتكر زكرياته
كانت الوايه بدور فى وسط البلد
وبتين حاجات كتير بتحصل فيه
والناس اللى عايشه فيه
حياه مصطفى
علاقه مصطفى مع مامته وانه بتمنى انها ترجع يوم واحد ويشلها ع ظهره ويلف العالم
وذكرياته فى بيت الهرم وايام الدراسه
وقصه حبه مع هند اللى مش قدر ينساها خالص حتى بعد 15 سنه وقصيده
لاتصالح بتاعت امل دانقل اللى بتعشقها هند ومصطفى ذى مانا بعشقها بالظبط
وشخصيه ياسمين اللى كان بيشوف فيها هند بكل صفاتها رغم فرق السن
وشخصيه زينب اللى مش عرف قمتها غير مامشيت وان كان ممكن يمنعها
لكن كبرياه مش سمحله
وحكايه مارشا الاجنبيه وصدقاتها اللى عايشين فى مصر
وشخصيه جوليا اللى بتقع من الدور 14 واحلامها فى الهجره لامريكا بتموت
وحكايه كريم ( من ولاد الشوارع ) الكلمه دى مصطفى مش بيحبها وطريقه تعامل كريم
مع اولاد الشوارع اللى بيشغلو تحت ايده وحب كريم لمصطفى
وحكايه عوض الاجنبى صاحب مصطفى اللى اسلام وغير اسمه واتجوز عايشه
و شخصيه احمد الحلو اللى كان جاره وعمل حاجه ذى تنظيم سياسى
وكان السبب فى سجن مصطفى فتره صغيره كمان بين حياته بعد ماتغيرت لما ساب شغله كامهندس
وحكايه حب عصام صاحب مصطفى و سامنتا اللى كان مصطفى مش طايقها وازاى كان نهايه الحب
ده دمرت عصام
ويوسف حلمى المنتج السينمائى وقسوه لزوجته اللى عرف حبه لها بعد مامتت
وابنه الشهيد وابنه المتطرف
مواقف كتير حصلت كانت سبب فى روعه القصه
الموقف اللى بيشيل اولاد الشوارع الصليب من ايد طفل بماء نار
وحرق مسرح بنى سويف
وحرب بيروت
وقصف غزه
وسجن ابو غريب و جوانتنامو
حاجات كتير عجبتنى فى الروايه دى واللى مش عجبنى فيها قليل
طولت مش كده

AddThis Social Bookmark Button


النتجه جيت  

الجمعة، 17 يوليو 2009




النتيجه جيت جيت النتيجه جيت


اكيد الكل عارف ان النتيجه ظهرت اول امبارح


و الحمد لله انا نحجت وبما انا انك تقول انا نحجت


وحد بسالك عملت ايه فى ثانويه عامه تبقا بتستهبل


هو اكيد قصده يسالك عن المجموع


ان الحمد لله احسن من السنه اللى فاتت مش كتير اوى


يعنى المجموع شغال مش حلو اوى ولا وحش اوى


السنادى 92 لو حد عايز يقول 93 انا معنديش مانع

على فكره انا كنت كاتبه انى جايبه 90فى الاول قبل ماعمل تحديث
اصل المشكله عندى بجاى اقول المجموع بتقص مع ان الناس بيزودو
السنتين على بعض 86 ونص لو حد عايز يقول 87 ف انا
برضه معنديش مانع

مش عارفه لسه هدخل ايه بس اول ماعرف ان شاء الله هقولكو
ودى كوكا من عندى عشان محدش يقولى عايز





AddThis Social Bookmark Button


اسفه يامدونتى ........  

الخميس، 9 يوليو 2009




اسفه يامدونتى انى خلصت امتحانات وسيبتك ومش عملت فيكى حاجه

مع انى كان نفسى اخلص امتحانات عشانك

واسفه كمان يامدونتى عشان عيد ميلادك الاول عده من غير مااحتفل بيه

بس والله انا مودى وحش وطهقانه شويه عشان كده مش عايزه اكتب فيك بعده المده دى كله

وانا مودى وحش كده اكيد انتى حاسه بيا
وفوق ده كله غيرت اسمك


ياريت تقبلى اعتذارى بس اوعدك هحاول فى اقرب وقت اكون معاكى علطول

AddThis Social Bookmark Button


 

Design by Amanda @ Blogger Buster