عـ ـ ـ ـ الـ ـ ـ ـ مــكــ ـ ـ ـ ـ شـ ـ ـ ـ وفـــ  

الاثنين، 27 يوليو 2009

تحديث هااااااااام
الموضوع ده
على لسان عمار هو اللى قال ع الفكره والكلام
على لسانه اينعم الفكره انا سبقته فيها وعملتها بس على منتدى مش
مدونه بس هو اللى فكر فى انى اعملها على المدونه وانا خليته هو اللى يكتب الموضوع
( يلا اهو برضه غلبان )
::::::::::::::::::::::::::::::::::::::::::::::::::::::::::::::::::::
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى

مابتقفش الدنيا وادى ناس بتيجى بتروح .. يعنى جرح بجرح عادى ومين فى الدنيا مش مجروح

ناس كتير كانوا فى حياتى والنهاردة فاضلى ايه .. الفراق بقى زى عادة وقلبى متعود عليه
نص عمرى فات وادينى مفتكرش فرحت فيه ..نفسى اعرف مالها بيا الدنيا دية عليا ليه
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى

فى الحياة لو اسمى عايش حتى لو من غير حرير .. مش هموت واانا لسة عايش والفراق قسمة ونصيب

هخسر ايه تانى فى حياتى ولا ايه هندم عليه زيى واكتر الف واحد عاش مابين الناس غريب
ساعااااااات الجرح بيريح ساعات الدمع بيهدى وليـــــــــه على ايه هنتألم ماهو كله بيمشى ويعدى
هاى ازيكو يا احلى شباب وبناااااااااات
اخباركو اية
انهاردة جايبلكوا موضوع جديد وجامد طحن
هنتكلم انهادرة عن الجرح
مش عاوز حد يكون وقع ولا حاجة او اتعور وييجى يقولى انة انجرح
:):)
انا قصدى مجروح من جوا
من قلبة
حد جرحة
حبيب لية
صديق لية
الاهم والاهم اللى هنتكلم عنة هوا جرح الحبيب
اكيد كل واحد فينا لية قصة عاشها
عاش تجربة
لية أغنية محددة ممكن اما يسمعها يعيط
انا جبتلكوا الاغنية دى بتاعة حمادة هلال ( سعات )
عشان الموضوع دا بالذات
انا حاسس ان اى حد مجروح الاغنية دى هتعبر عنة
واكيد فى اغانى تانية كتير غيرها
المهم منطلعش عن الموضوع
ممكن تكون بنت جرحتك
ولد جرحك ( فى كسرة على الحاء ) :)
الموضوع هيتكلم عن قصة كل حد فينا
يدخل يحكى اللى حصلة
واية اللى خلا حبيبة او ( حبيبتة ) تجرحة
والموضوع يا جماعة اسمة ( على المكشوف )
سواء المجروح كان ولد او بنت
يلا اسيبكوا بقا
ومعلش لو طولت عليكو
يعنى كل واحد هيدخل باسمة
وهيكون فى ناس متخصصة فى الحاجات دى هتدخل ترد على قصة كل واحد
عشان يخلى بالة لو ارتبط مرة تانية لو غلط
وعلى فكرة
احنا ممكن نكون اول ناس تحط الفكرة دى فى بلوج
وعاوزين فية نشاط جامد
اة صح عشان منساش
ياريت كل واحد اما يحكى حكايتة
يهدى أغنية للشخص اللى جرحة
يلا

AddThis Social Bookmark Button


26 التعليقات: to “ عـ ـ ـ ـ الـ ـ ـ ـ مــكــ ـ ـ ـ ـ شـ ـ ـ ـ وفـــ

  • smong
    27 يوليو 2009 في 7:35 م  

    هاى يا جماعة
    ازيكوااا
    هيا اة كانت فكرة مى على المنتدى
    بس دلوقتى انا اللى جبتلها الفكرة
    وحتى اسم الموضوع
    يلا بالعند فيكى :-p

    دا شرف ليا اكيد انى اكون اول واحد يحط كومنت

    بصوا انا ممكن ارغى كتير بس اعذرونى

    انا ممكن حبيت قبل كدة كتير
    لكن اول مرة احب فى حياتى بجد كانت من سنتين باظبط
    ممكن قبل ما اسافر بكام شهر ..
    اسافر فين ؟؟

    اة صح نسييت ان فى ناس مش اعرفها ممكن تكون هنا :):)

    قبل ما اسافر السعودية

    المهم ........


    واول حب دا انا اللى فنشتة
    يعنى انا اللى جرحتها
    مع انى عارف ان هيا كانت بتحبنى مووت
    بس انا كنت غبى وقتها
    ما علينا
    ممكن هيا تدخل ف يوم من الايام وتحكى قصتها هيا كمان

    المهم
    انا كنت عايش ف قصة حب جامدة
    ممكن احلى بكتييييير من الاولى
    من شهر 3 كدة
    انا قلتها كلام عمرى ما قلتة لاى حد

    وهيا بردة نفس الشعور
    اول مرة تحب حد الحب دا وتقولة كلام ما قالتوش لاى حد قبل كدة

    واكيد مكنتش انا اول حب ف حياتها

    عشنا ايام جميييييييلة
    كان فى خلافات بسيطة زى ما انتوا عارفين
    خلافات بتحصل بين اتنين بيحبوا بعض !!

    الكلام اللى هقولة دا حصل من بتاع اسبوعين كدة

    انا كنت بكلمها فى الموبايل
    ف مش عارف لقيتها متغيرة
    اكيد الواحد بيعرف صوت حبيبة متغير ولا لا

    بقولها مالك فى اية
    بتقولى اسألك سؤال وتجاوبنى بصراحة
    اوك اتفضلى !!

    بتسألنى .. انتا بتكلم واحدة اسمها دينا
    - دينا دينا اة اة اشمعنا
    بس انا بكلمها من قبل ما اعرفك اصلا
    وبعدين علاقتى بيها صحاب وبس

    - لا مش صحاب انا عارفة ان انتا بتحبها ولسة بتحبها

    - طب عرفتى ازاى يا بنت الحلال
    - انا عرفت وخلاص

    - يعنى اية يعنى عرفتى وخلاص مش تتأكدى من الكلام اللى بتقولية دا
    مش ممكن فى حد عاوز يوقع بينى وبينك
    لقيتها سكتت فجأة
    قلتلها يعنى اية ؟؟؟؟؟؟؟
    مردتش
    قلتلها قشطة بصى خدى وقتك وفكرى براحتك
    وفكرى فى الكلام اللى قلتهولك وردى عليا بليل ....
    واستنى بليل ييجى
    وبتاع ابعت مسجات ردى ومش بترد
    يعنى اية الحوار انتى هتفضلى معلقانى كدة
    يبقا اكيد فى حد عجبك او انتى حبتية وعايزة تفنشى ....

    بعتلها الكلام دا فى مسجات
    وهيا شارية دماغها ومنفضة

    ومن يومها وانا مجروح ومش عارف اية نهاية القصة دى
    يا ترى هنكمل مع بعض ولا ؟؟
    وبعدين هيا لية مش ردت عليا وقالتلى
    او حتى قالتلى انا سمعت انك بتكلم واحدة وتعاتبنى
    ولا هما كدة كل البنات ؟؟؟؟

    يبقا هيا اللى عايزة تفنش اكييد
    طب لية مردتش عليا وقالتلى خلينا اصحاب وبس ....

    اانا قلت كل حاجة على المكشوف زى ما قلتلكوا فى الموضوع

    ويا رب الاقى حد يدر عليا يقولى اعمل اية ؟
    انساها ...
    بس مش هقدر عشان الانسانة دى بجد بجد حبيتاه من كل قلبى
    وبردة هيا نفس الشعور

    وعاوز اهديلها أغنية ( مظلوم )
    لمحمد محي

    ويلا اشوفكوا على خير

    عاوز اشوف كومنتات جامدة

    سؤال بس اخير
    ( لية البنات غدارين كدة ) ؟؟؟

  • Unknown
    27 يوليو 2009 في 11:16 م  

    ده انتي جيتي ع الوجيعة يا ضاحبة الحلم الذي كان
    طب أقول ايه .. بلاش أقول كان ايه بالظبط بس خلينا نقول اني مكنتش بحب تامر عاشور بس من بعدها وانا حبيت أغنية باينه باع وبالأخص الجزء بتاع ( الحلم الي بدايته بحبك تبقى نهايته وداع)

    أنا هكون هنا علطول ده أنا جمبك هنا في المنصورة مش بعيد يعني

    أحلى تحية لبنت بلدي
    سمعني سلام عروس النيل يا بلدي

  • حـــلـــم كـــان
    28 يوليو 2009 في 2:34 م  

    - يامرحب يامرحب قيس ابن عمى عندنا
    منتا كنت البوست اللى فات عنتر


    - بالنسبه للموضوع بالعند فيا ده فمش هرد عليك

    - اما بالنسبه للسعوديه اللى عامله ليك عقده دى فانا مبسوطه فيك

    - عند تعليق بسيط انت قولت انا ممكن حبيت قبل كدة كتير
    لكن اول مرة احب فى حياتى بجد كانت من سنتين باظبط
    فى خلال السنتين دول حبيت كتير
    مش عارفه ازاى خلال سنتين حبيت كتير
    مش مشكله هنعديها

    - حبك الاول طالما انت اللى فنتشته
    تبقا يمكن تكون مش بتحبها من اصله
    عشان مكنش ينفع تكون بتحبها وتجرحها
    مع انك بتقول بتحبنى موت
    لاما انت كنت غبى وفتها زى ماقولت
    سورى يعنى بس انت اللى بتقول بس برضه غبائك مش مبرار

    - حبك اللى هو من 3 شهور
    انت قولت انها كانت احسن بكتير من الاولى وكمان كله حاجه كانت تمام ماعدا بعض المشاكل البسيطه ودى عادى ع مااعتقد فى اى قصه يعنى مش شكله
    لحد ما المشكله دى حصلت
    انا شايفه ان انتو الاتنين غلطنين

    - انت المفروض كنت تقولها ع كل حاجه
    مش بقولك قولها على كل حاجه عملتها قبل ماحبتها بس ع الاقل قولها على كل حاجه من يوم ماحبتها على كل حاجه ( مع ان لو قلتها يبقا احسن )
    هى ممكن تكون شايفه ده من وجهه نظرها خاينه وكمان مكنش المفروض تبعتلها الرساله بتاعت عجبك حد دى مش صح انك تبعتها معنها انك بتشك فيها

    - هى غلطانه عشان مش اتنقشت معاك ومش كلمتك ولا قالتلك عرفت منين ولا ترد عليك الصراحه انا لو مكانها كنت سبتك ترن شويه وطلعت عنيك شويه وبعدين رضيت

    - بس انا بقول ان الغلط الاكبر عليك انت
    عشان مكنش المفروض تخبى عليها حاجه ذى دى
    وطبعآ مش تنساها طالما بتحبها كده وهى كمان بتحبك كده حرام تنساها
    حاول تكلمها وتقولها على الصراحه

    - اما عن السوال الاخير فمش كل البنات غدارين

    يمكن يكون ربنا باعتها ليك عشان تحبها اوى كده وهى تفنش حبك ده وتسبها وتجرحك مع انها حبتك ذى مابتقول وترجع تقول انا كنت غبيه ذى ماانت عملت فى حبك الاول بالظبط
    يعنى يمكن يكون تخليص حق

  • حـــلـــم كـــان
    28 يوليو 2009 في 2:39 م  

    براهيم انا اللى قصدى اشيل الالف
    هههههههههههههههه

    حلوه ضاحيه اللى الحلم اللى كان دى جامده

    بما انى جيت ع الوجعيه فانا عايزه اعرف ايه الوجعيه فضول بقا تقول ايه

    لا قول بلاش تقول ليه احكى احكى

    وبالنسبه للتامر عاشور والحته دى بالذت الحلم الي بدايته بحبك تبقى نهايته وداع)
    تبقا انت اللى جيت ع الوجعيه لانى بعشق الحته دى

    وبما انك من المنصوره فكل يوم الاقى تعليك هنا فى المدونه لحسن انت حر
    مستنيه تحكى

    وتحيه منى ليك سلام عروس النيل يابلدى

  • Ahmed Mohamed
    28 يوليو 2009 في 3:40 م  

    قبل ما اقول اي حاجه احب اهدي اغنية متقلبش المواجع القلب لسه واجع لمي او عمار او اي حدعايز يفكرنا بالماضي السحيق الي ربنا ميرجعهوش تاني
    اصلا الواحد ما بيصدق ينسي
    يفتكر تاني لالالا استحاله
    والي هقدر اقوله
    ربنا يخليها ليه وميبعدناش عن بعض
    ان شاء الله
    وبس

  • حـــلـــم كـــان
    28 يوليو 2009 في 4:25 م  

    ايه يااحمد الكلام المستخبى ده احنا عايزين ع المكشوف يلا احكى
    وكمان علق عى حكايه عمار

    يلا مستنايك

  • الشاعر الحزين
    28 يوليو 2009 في 6:29 م  

    يااااااااااااااااااااااه

    جراح ؟؟؟؟؟؟؟؟

    دى الحياه كلها جراح

    لو حكيت على اللى فات

    ازاى هحكى على اللى حاضر

    وياترى هلحق أحكى على اللى جاى ؟؟؟

    أنا بعتذر قوى جدا خالص لأنى غصب عنى مش هقدر أحكى

    وعشان خاطرى متضغطيش عليا لأنى بجد صعب قوى أحكى أى حاجه

    لأن أساسا جراحى من الزمن مش من البشر

    دمتى بكل خير

  • حـــلـــم كـــان
    28 يوليو 2009 في 8:21 م  

    ماشى ياااااااشاعر

    مش هضغط عليك
    بس كان بودى اسمع منك واعرف ايه اللى يخلى اسمك الشاعر الحزين

    وعموما الجرح واحد سواء من البشر او من الزمن
    كله جرح

  • حـــــروف متــبعترة " عــمرو الشــايب
    29 يوليو 2009 في 6:45 ص  

    حكايتي تتلخص ف كام جملة

    انا الاول كنت اصاحب بس احب لا كانت نظريتي خلينا صحاب و بس زى ما ام تى ام قالوها ف الاغنية

    فجاءة و بدون داعي زى ما برضة الناس بتقول شوفت واحدة الكلام دة من اكتر من سنتين حبتها و هي حبتني كانت مخليانى مش محتاج حاجة و كنت بحبها و زى ما بتقولوا اول كلمة بحبك تقولها و الكلام دة و المهم حصلت خلافات بينا برضة كالعادة بين اى اتنين بيحبوا بعض و كانت بتعدي عادي و ربنا سترها لحد ما جة وقت كدة عليا غير الدنيا كلها معايا حصلت ليا حاجة كدة حادثة يعني المهم ان البينت دي وقفت جمبي وقفة ملهاش حل بجد بجد وقفت معايا بجد بقلبها و عقلها و روحها كنت بقولها كلام ميتقلش لحد و كنت اعتقد انها هى الحب الاول و الاخير لحد ما بدئت اقوم بالسلامة بعد 6 شهور من الى حصلي واحد اعرفة وقع بينا و ربنا اراد الخير لينا اننا مش نكمل و طبعا قعت اقول مش هحب ولا عاوز احب و الحورات دي و كنت برضة اصاحب بس

    و بعد مدة طويلة كدة اتعرفت على انسانة عجبتني و كنت الى عاوزة ف واحدة لاقتها حبتها عشقتها نستني الحب الاول مع ان كان من الصعب انساه غيرت من نفسي و غيرت من كل حاجة حوليا علشان حبيتها مش رديت اجرحها ف يوم لاو اقولها حاجة ف يوم بس زي منتوا عارفين كلكم الواحد لما يحب يختار حاجة مش بيلاقيها و القدر اقوى من اى حاجة حصلت لي حاجة برضة هتبعدني عن الى بحبها و الى عمري ما هحب بعدها و الدنيا بقت اسود من الاول بكتير سوبر دارك ف تفييم العربيات و الاخير هنقول الحمد لله يارب و قعت مع نفسي ف اصعب لحظات حياتي و قولت لو ربنا اردا خير هنبقى مع بعض بس خلاص و احب اديها اغنية انا لك ع طول

  • رحلتنا في الحياة
    29 يوليو 2009 في 1:38 م  

    بصراحة مش هقدر اقول اى موقف حصل لى علشان الحمد لله الحمد لله انا تخصص جرح ناس منى فى امور الحب دى هههههههه
    لا بجد مجربتش الحب قبل كدا علشان اقولك اتجرحت لانى مش بحط الموضوع دا فى دماغى اصلا علشان مش عايزة اتجرح زى ما بتقولى كدا بس يمكن اللى بيجرحنى الناس اللى بستغل طيبتك ومشاعرك الطيبة وتفاهمها غلط
    مرسيى لزيارتك المدونة

  • رحلتنا في الحياة
    29 يوليو 2009 في 1:43 م  

    ايه دا كلهم شباب مجروحين مفيش بنت واحدة تيجى تقول مجروحة دا يثبت ان البنات مفترية ههههههههه اقولكم نصيحة والله بجد ابعدوا عن الحب وغنوا له اكيد هترتاحوا اكتر
    بس عارفة لما بسمع حد جرح حد او اشوف قصة من بتيجى فى ودنى اغنية نجاة لا يارب فى يوم ما تندم حب وافرح بس اوعى تانى تجرح دا التسامح اللى نقول عليه :)

  • حـــلـــم كـــان
    29 يوليو 2009 في 3:24 م  

    سـنوات الضيـــاع ويبقى الحلم الجميل


    بالنسبه للجبك الاول فحكايه ان حد يوقع دى بتحصل كتير وبتكون نهياتها مش حلوه

    وبالنسبه سوبر دارك

    فربنا يبعد عنك
    الدارك ده خالص
    وان شاء الله يكون خير
    وتكمل ع خير

  • حـــلـــم كـــان
    29 يوليو 2009 في 3:26 م  

    والله انتى جامده ياايوشه

    محنا شايفيين اللى حابوا اهم

    كلهم عايشين فى تعب يمكن يكون

    تعب اللى مش بيحب اقلل

  • حـــلـــم كـــان
    29 يوليو 2009 في 3:27 م  

    ايوشه بالحق اقولك حاجه

    ادخلى قولى تجربه اى حد تعرفيها

    مش لازام تقولى اسمه بس احكى القصه

    بما انك عارفه كتير

  • غير معرف
    30 يوليو 2009 في 12:42 ص  

    حلو البوست ده..بس انا للآسف لا اتجرحت و لا عمرى حبيت اصلا :)

  • حـــلـــم كـــان
    30 يوليو 2009 في 9:08 ص  

    انا ودماغى

    قول للاسف مش حبيت

    لكن اكيد مش للاسف انك مش اتجرحتى

    نورتى ياقمر

  • مي
    30 يوليو 2009 في 10:04 م  

    هههههههه موضوع رائع الواحد يحكى ايه ولا ايه بس يا بنتى بس ممكن تقولى ان الواحد ممكن يوهم نفسه لسنين انه حب وبعدين يكتشف لالالالا ممكن انسان تانى يظهر فى حياتك وينسيكى الجرح
    اما عنى فبلاش كسوف ههههه بصى انا ممكن احب بجنون وبتضحية بس لو لقيت اللى ادامى مش بيقدرنى برحل فى صمت ولو حب يرجع لى ابداااااااااااا بختفى من حياته وبرفض رجوعى مهما كان حتى لو لسه بموت فيه
    تحياتى ليكى يا قمر

  • Unknown
    31 يوليو 2009 في 1:25 ص  

    السلام عليكم
    تحية طيبة
    الزيارة دي مش خاصة قوي متأسف لو مش بتحبي الإعلان جوة التعليقات بس ده أمر مهم وخاص جدا
    دي دعوة لمتابعة الإقتتاح الجديد لمجلة رؤية مصرية يوم السبت 1/8/2009
    roaua.com
    هتنور المجلة بوجودك
    محتاج رأيك ومشاركتك معانا ولو عاوزة تنضميلنا تعالي يلا معانا
    مستنيكي
    خالص تحياتي

  • زهرة الحب
    31 يوليو 2009 في 12:05 م  

    والله الموضوع ده جميل جداً بس انا بصراحه مجربتش الجرح ده لسه وبعدين اللى بيقولوا بيتصاحبوا بس ازاى البنات ترضى على نفسها انها تتصاحب مع شباب انا اعتقد ان ده امر خطا


    تحياتى ليكى

  • حـــلـــم كـــان
    31 يوليو 2009 في 1:03 م  

    بما انك مى واسمك هو اسمى

    اكيد انتى مقلدنى طبعآ

    هههههههههههههههههه

    فانا مبسوطه جدآ انك هنا فى مدونتى

    _ بالنسبه تحكى ايه ولا ايه فحكى كل اللى نفسك فيه

    _ فبالنسبه للموضوع الوهم ده عشته انا مع واحده صحبتى كانت عايشه سنتن وهم وانا كنت عايشهم معاها وزى ما الوهم ده تعبها تعبنى اكتر منها هتقولى ازاى هقولك هبقا اقولك بعدين

    - حكايه انك تلاقى حد بيحبك بجد فدى مش عارفه بتلاقيهم فين

    بجد سعيييييييييده بزيارتك

  • حـــلـــم كـــان
    1 أغسطس 2009 في 9:22 ص  

    كاتب مصرى

    والله ياابراهيم انادخلت ع لينك المجله

    اول ماشوفته بس هو كان لسه مش شغال

    ولا مش محتاج تاسف المدونه دى بتاعتك التانيه

    والله انا بكلمك الوقتى وفاتحها

    ان شاء الله هتكون جامده

    ومن ناحيه اضملكم بتهايقلى منفعش

    مش نجيب محفوظ انا يعنى انا ع ادى

  • حـــلـــم كـــان
    1 أغسطس 2009 في 9:24 ص  

    زهره الحب

    ربنا يارب يبعد عنك الجرح

    وحكايه بنصحاب بنت معانها بنتسلى مع بنت
    بس هما بيقولها بطريقه شياك بس


    اسعدنى مرورك

  • blue-wave
    1 أغسطس 2009 في 12:04 م  

    مستنى زيارتك فى مدونتى الجديدة

  • حـــلـــم كـــان
    1 أغسطس 2009 في 12:52 م  

    blue-wave

    ان شاء الله هتلاقنى هناك

    بس يلا خلينى اشوف تعليقك ع البوست

  • اقصوصه
    1 أغسطس 2009 في 4:16 م  

    طيب واللي معندوش حكايات ""؟

  • حـــلـــم كـــان
    1 أغسطس 2009 في 5:12 م  

    اقصوصه

    يقول حكايه استفاد منها

    حكايه اى حد يعرفه

    ولو مفيش يبقا نور

 

Design by Amanda @ Blogger Buster