شكرآ سياده المفتى  

الأحد، 8 نوفمبر 2009


سالخير عليكم


ازيكم ياخونا عاملين ايه


بعيد ان جايه اطلع لسانى متر ونص لكل مدون ومدونه محضرش اللقاء


واقول لكل حد حضر بجد كنت فرحانه بوجودى معاكم كلكم


وبجد كان يوم جامد جدددددددددددددددآ ياريت يتكرار


جاى اقولكم على حدث حصل المفروض انه مهم


فانه فى يوم \ 8 -11 -2009


الموافق \اول امبارح


الزمان \ الساعه 12


المكان \ بكليه التربيه جامعه المنصوره تحديدآ مدرج خير الله


الحدث \ كان هناك سياده مفتى الديار المصريه كان فى المنصوره فى ندواه دنيه


اللى حصل بقا ايه ؟



اقولك انا بس الكلام ده مش على لسانى الكلام ده على لسان سياده المفتى

وانا كنت بكتب اللى بيقوله كانى كنت فى محاضره



ام هند بدات الندوه بعد الترحيب والسلامات كان بدايه الحوار عن التعليم

وان كل واحد بياخد على ا دمابيدى وان مقوله فالطح تنجع غلط وفال كمان

اللى بيقول من سهر الليالى بات للعام التالى ولا يبالى ده غلط



بعد حاجه جيت فقره الاسئله وقبل اى سوال قال العميد للمفتى انه يتكلم عن النقاب

والصراحه انا زى اى حد كان موجود كنت مستنه الكلام عن النقاب

كلام المفتى عن النقاب هو اللى جاى ده بالظبط



النقاب اخد اكبر من حجمه فهو ليس واجب وعند مالك كده برضه وان الامام مالك قال انه

عاده فقط وفالنقاب من قبيل المسائل وليس القضايا التى تشغل هذه المساحه من الجدل فان

النقاب اذا اعتبرنه حريه شخصيه فهناك حريه للجهات الاسلاميه فى الاسلاموهناك زى للمسلمات

وبعدين لكل عمل شروط يمكن يكون خلع النقاب واحده منها فهنا يجب احترامها فالحريه لها حدود

وحدها عند الشرط ال condation ياخونا

وان شكسبير مره انا عارف ان فى ناس كتير مش هيعجبها الكلام عشان مش بقول قال الله وقال الرسول

شكسبير مره كان قاعد وفى واحد جمبه حط صبعه فى مناخير شكسبير وقاله انا حر انا احط فى اى حته انا عايزها

فرد شكسبير وقاله حريتك تقف عتد طرف انفى فمن ناحيه هل يجوز للمستشفى ان تمنع النقاب للشوط العمل داخله؟

الاجابه نعم فالحريه تنتهى عند طرف انفى تروح تلبس النقاب قى الشارع وتخلعه فى المهنه وتلبسه وهى مروحه

فى مكان فيه شروط عمل تخلعه

متجيش بقا المنقبه تقولى انت ملكش حق تتداخل فى حريتى فده مينفعش فى المدارس والمستشفيات فالعصب فى هذه

القضيه والشرع لم يلزمها بهذا

فقال رسول الله :"يا أسماء ،إن المرأة إذا بلغت سن المحيض لم يصلُحْ أنْ يُرى منها إلا هذا وهذا وأشار إلى وجهه وكفيه"

هما بيقول ان الحديث ده ضعيف من قال هذا حديث ضعيف من الذى ضغفه طب انا بقا وابوداود بنصحح المعلومه دى

فين الحديث اللى بيقول ان المراه لو كشفت وجه تبقا فى النار الامام مالك بيقول ان النساء اتعودو على كده النقاب ثوب شهره

ونهى الرسول عن الرسول عن ثوب الشهره

فالرسول كان يلبس البياض يعنى اللون الابيض وفى عصر ابن تميه اتخذو جماعه من الفاسدين الون الابيض ملابس لهم

حتى سار شعار لهم وهنا قالو يحرم لبس البياض

حتى ثوب الرجل اتغير والعادات اتغيرت فارجوا ان تاخذ هذا كمساله وليست ككقضيه و ان نلتزم بشوط المكان وبلاش الجدل

السخيف ده فهو عاده وليس عباده فلو المنقبه ظنت انها افضل من التى كشفت وجها فهذا كبر والكبر حرام احنا هنفضل معجن

فى المعجون ونخبز فى المخبوز

ياجماعه العاقل خصيم نفسه والحكيم خصيم نفسه



الصراحه انا قمت راحه امشى لقيت ناس كانت ماشيه والامن والاتحاد قفل الابواب عشان محدذ يخرج عشان خاطر المظر العام

بس بعدها بخمس دقايق قدرت اخرج مع واحده من الاتحاد مهى كوسه بقا ( فيس بيطلع لسانه ) وخرجت فعلآ سياده المفتى بيتريق

وبيضحك واحده يتسال ان كان لبس البنطلون على حاجه طويله حرام ولا حلال ؟



اما تعليقى على الكلام

فانا دمى محروق ومن كتر الكلام مبقاش عندى حاجه تتقال

اينعم انا مش منقبه بس اتمنى اكون منقبه

والعجين والخبيز ياسياده المفتى لما يكون غلط

نبقا لازام نعجن ونخبز من تانى



AddThis Social Bookmark Button


29 التعليقات: to “ شكرآ سياده المفتى

  • حـــــروف متــبعترة " عــمرو الشــايب
    10 نوفمبر 2009 في 12:44 م  

    الحمد لله انى اول تعليق

    الظاهر ان كل واحد ف البلد الغريبة دي بيقول الى على مزاجة

    و للاسفف كل واحد من المفتيين الى بيجوا بسميه مفتي حكومي رئاسي تبع الحكومة و الرئاسة يعني اية تخل النقاب و تلبسة و هي مروحة طب ما تقلعة مرة واحدة و بس

    النقاب حشمة يا ححضرة المفتي الكاجول انت و انت بتقول اية يا عم اسمك اية ما الجواز العرفي حللتة و شوية شوية هتقول الىيشرب تلات سجاير و هو صايم ما يفطروش بس تلات سجاير على 15 نفس يعني كل سجارة على 5 انفاس

    انت بتقول اية يا مفتي الجمهورية دي ي اية جمهورية ولا حرية انتا منكووا لله كلكم يا بتوع الداعة انتوا ما كل واحد يقول الى ف نفسة و خلالالاص و شوية شوية يطلع واحد و يقوللك اعمل الى تعوزة ما ساعة لقلبك و ساعة لربك دنا لما بشوف بنت منقبة نقاب صح بفرح منك لله الله يحرق دمك ز ما حرقت دمي دنتوا شيوخ كاجول فعلا

  • رحــــيـل
    11 نوفمبر 2009 في 10:12 ص  

    هههههه الواحد يابنتى مبقاش يستغرب اى كلام بجد من اى حد فى البلدى

    حاجه تفقع المرارة انا بطلت اتفرج على التلفزيون وبطلت اقرا جرايد
    عشان ميجراليش حاجه بجد

    يارب تكونى بخير
    :))

  • اعشق فى الليل ضوء القمر
    11 نوفمبر 2009 في 2:58 م  

    الراجل ده للاسف فعلا من العلماء الذين يعدو من العلماء

    لكن تبقى مقولة

    ذلت العالم لا تغتفر

  • mohamed ghalia
    11 نوفمبر 2009 في 5:09 م  

    نقول ايه بس
    ربنا يهدى

  • blue-wave
    12 نوفمبر 2009 في 4:01 ص  

    هيا دى مصر يا عبله:))

  • Unknown
    12 نوفمبر 2009 في 4:39 م  

    انا شوفت البوست بالصدفة عندى
    فى الريدر
    و الحقيقة انا متفق مع كل كلمة قالها المفتى بعيداً عن انه لا يتكلم عن باقى اشكال الزى و يهاجمها
    الا انه كلامه شىء يفرح بجد

  • أميرة علي كوكب مهجور
    13 نوفمبر 2009 في 7:34 ص  

    معلش انا شايفه كلامه كويس هو منتقدش ولا قال حرام او حلال هو اتكلم من منطق الحريات كل واحد حر يعمل اللي هو عايزه بس ميجيش يقولي يصح وميصحش علشان لابس نقاب وانا لا
    ومتفقه مع مقوله شكسبير جدا

  • ابتسامة حزن
    14 نوفمبر 2009 في 12:56 ص  

    انا بقى كمان مع المفتى طبعا من غير التريقه على المنقبات ولا التقليل منهم
    من باب بس الحريه الشخصيه زى ما من حقها تتنقب
    من حقى انى اعرف انا بتعامل مع مين
    ومين الشخص اللى قدامى وبعدين بعد كده ترجع تتنقب
    مع اعتقادى الكامل ان المنقبات افضل من الجينس والبادى
    بس برده النقاب بيحصل من وراه بلاوى
    وانتى ادرى
    معايا ع الخط

  • حنين الذكريات
    14 نوفمبر 2009 في 10:12 ص  

    فيه حاجات كتير أهم من مظهر المسلمه لابد نعرف الدين على حق وتسود المحبه بين الاخوه المسلمين ونعامل الأخرين بالحسنه أيه يعنى تلبسى النقاب وتربى لحيه وأخوك يسكن معك فى بيت واحد وتخاصمه والمسلم كمان لايكذب فى زمن أصبح النفاق فيه سمه الاسلم مش لبس فقط الاسلام حياة لو كل مسلم طبق دينه كما انزله الله وطبق السنه الحقيقية مش فى اللبس بس العالم الاسلامى هيكون أرقى عالم ومش هيكون فيه حقد ولاحسد ولخصام بين الاخوه وقطع رحم أمرالله بأن نصله الدين المعامله مش المظهر

  • Darsh Basha
    15 نوفمبر 2009 في 6:50 ص  

    كلامة عرفتة قبل كدة
    وفى ناس بتوفقوا جدا من التعليقات واولهم بدراوى لانى انا عارف راية من قبل كدة

    قبل انا اتكلم احب ان اقول ان هذا امر دينى ..وعندما نتحدث عن الامر الدينى نتحدث بدليل قاطع ..فنحن اذا اردنا ان نعرف هذا من الدين ام لا ..نرجع الى المصادر الرئيسية للشئ
    اى القرأن ثم السنة ثم اقوال الصحابة والتابعين والعلماء.

    واذا كان هناك رايان مختلفان فى الدين ..أخذ باللى ادلتة اقوى
    اولا المفتى لم يذكر دليل واحد يثبت كلامة بأن النقاب عادة وليس من الدين

    ولكن عندما بحثت عن هذا الموضوع .. وجدت ان ابن عباس فسر اية يدنين عليهن من جلابيبهن ..اى المقصود بها النقاب ..وكذلك فسرها شيخ الازهر محمد سيد طنطاوى فى كتاب التفسير الذى يدرس فى الازهر الان .

    واحاديث كثيرة فى هذا الامر مثل ..لا تنتقب المراة المحرمة ..وهذا دليل على وجود النقاب فى الدين .

    واختلف العلماء فى انة فرض ام فضل ام سنة ..ولكنهم جميعهم اتفقوا على انة من الاسلام .
    الامة الاربعة قالوا بهذا ..فقال الشافعي ومالك والابى حنيفة بانة سنة ..وقال احمد بن مالك انة فرض .

    وقولة الذى استدل بة عن الامام مالك ..قول مدسوس على الامام مالك.

    هذة من الناحية الدينية ..اما موضوع الحرية فهو امر اخر يحتاج الى تفصيل

  • مشخبطاتي
    15 نوفمبر 2009 في 11:52 ص  

    كلام من دماغه..وهو قالها:

    مابئولش قال الله وقال الرسول..

    طالما مفتي ومابيقولش قال الله وقال الرسول فالرد عليه بالمثل:

    رأيك انت حر فيه وحريتك تقف عند حدود أنفي.

    تحياتي:)

  • Ahmed Mohamed
    16 نوفمبر 2009 في 6:22 م  

    بصي ومن الاخر
    عايزه تتنقبي براحتك بس مش تقوليلي دا من الدين ولا تدين ولا من الاسلام

    وعلي فكره انا مش شفت غير الغير المحجبات بتدافع عن النقاب يعني عايزين يوجدولهم دافع للتبرج تحت مسمي الحريه الشخصيه
    مفيش حد يقدر يجبرني اني اكلمه وانا مش شايفه
    تخيلنا ان نص المجتمع اتنقب والنص التاني رافض الكلام معاه
    والي بيقول ان النقاب حشمه فأنا اقسم بربي العظيم ان تسعين في الميه من الناس
    دي نساء اهلهم غير منقبات من الاصل

    من امتي النقاب في مصر اصلااااااا
    ولا احنا اكتشفنا النقاب في الاسلام الايام دي ومكناش واخدين بالنا
    دا مد سلفي افهمو بقي

  • NilE_QueeN
    16 نوفمبر 2009 في 7:37 م  

    انا محاولتش احضر

    دا اخر واحد افكر اسمعله
    دا اسلوب كلام انسان متحضر عالم دين لما المفتى يستشهد بشكسبير احنا نستشهد باللمبي بقي

    حاجه تحرق الدم فعلا دول شيوخ السلطة و ماشيين ورا هوا اللى على الكراسي

    انا زمايلي اللى حضروا حكولى على اللى حصل و القدوة الحسنة اللى قدمها
    يقول حافظوا على اللغة و عمال يحشر كلام انجليزي ف كلامه

    انا كنت هتكب توبك عن الموضوع بس مكانش عندى نت

    بس محدش ابدا من كل اللى كلمونى عن الموضوع عجبه اللى قاله

    دا حتى المعيد بتاعنا كان حكلنا عن موقف شهده
    انه كان حاضر ندوه ليه و جاله سؤال عن الخمر وانها حرام وليه بتتباع ف مصر

    قاله ايه
    قال ان الخمره احنا بنبعها عشان السياحه و المصريين مش المفروض يشربوها
    فا صاحب السؤال قاله و ان كان تلت اربع اللى بيشربوها مصريين
    قاله واحنا نعمل ايه مش ذنبنا دا يبقي حرام عليهم هما

    تعقيبا على الكلام دا
    فى مهرجان القاهره السنيمائي الدولى اللى فات كانوا بيقدموا مشروبات روحيه دى كانت للخواجات بس ولا كان الكل بيشرب

    ان كنا عايشين ف ديمقراطية مطاطية فاحنا بقينا بنشوف دين مطاطى كمان

  • حـــلـــم كـــان
    17 نوفمبر 2009 في 10:55 ص  

    3mr wa2el

    حلال عليك اول تعليق ياعمرو


    حلوه حكايه السجاير دلا ياعمرو هطبق SOON

    والله ياعمرو انت جامد

    تعاونت معايا فى حرقه الدم

    مش انا لوحدى اللى اتحرق دمى

  • حـــلـــم كـــان
    17 نوفمبر 2009 في 11:05 ص  

    رحيل

    والله ريحتى دماغك

    بلا حرقه دم

  • حـــلـــم كـــان
    17 نوفمبر 2009 في 11:06 ص  

    اعشق فى الليل ضوء القمر

    ذلت العالم تغتفر لما يرجع فيها ويحسن من اللى قاله

    لكن لما يصر يبقا لا تتغتفر

  • حـــلـــم كـــان
    17 نوفمبر 2009 في 11:11 ص  

    mohamed ghalia

    بس نفسنا نقول ربنا يهدى شبابنا وبناتنا مش شيوخنا
    عموما ربنا يهدى


    blue-wave

    وعبله مين هى لسه فيها عبله

  • حـــلـــم كـــان
    17 نوفمبر 2009 في 11:24 ص  

    بدراوى


    اختلف معاك

    انت لو شفت طريقته وهو بيتكلم تحس ان المنقبه دى واحده سافره
    او واحده مش كويسه
    فى طريقه احسن نقول بيها
    فى زى نقول ده هو الكويس
    فى حاجات كتير ممكن تتعمل

  • حـــلـــم كـــان
    17 نوفمبر 2009 في 11:46 ص  

    أميرة علي كوكب مهجور

    من ناحيه شكسبير فانا متفقه معاه

    بس من الافضل ان يقال الله وقال الرسول

    على الاقل ده دينا يعنى يقنع الناس بالدليل اللى فى دنهم

    مش بمقوله لشكسبير

    ده بس اللى انا عايزه اوصله

  • حـــلـــم كـــان
    17 نوفمبر 2009 في 11:49 ص  

    ابتسامة حزن

    معاكلى يابتسامه ان فى ناس بيعملو

    من وراء النقاب بلاوى بس فى الاصل دول مش بيبقو منقبين دول بياخدو النقاب وسيله للبلوه اللى بيعملوها وبعد كده خلاص فنش

    بس لو كان سياده المفتى قال

    النقاب حريه شخصيه ومش الزام من غير تريقه كان يبقا كويس
    لكن اللى يسمع الكلام على المنقبه يفكر انها واحده استغفر الله العظيم بتعمل كبيره من الكبائر

  • حـــلـــم كـــان
    17 نوفمبر 2009 في 11:54 ص  

    حنين

    معاكى فى كلامك بس برضه لبس الفتاه فى الاسلام امر لازام كلنا نقف عنده

  • حـــلـــم كـــان
    17 نوفمبر 2009 في 12:23 م  

    Darsh Basha

    مهو ده اللى منرفزنى يامصطفى

    ان المفتى مجبش اداله من الدين

    مقنعه
    اللى قاله راى شكسبير

  • حـــلـــم كـــان
    17 نوفمبر 2009 في 12:25 م  

    المشخباطتى


    رأيك انت حر فيه وحريتك تقف عند حدود أنفي


    جبت الخلاصه

  • حـــلـــم كـــان
    17 نوفمبر 2009 في 12:36 م  

    AhmeD 3llaM

    مع احترامى للرايك

    اختلف معاه

    الوقتى انا معاك ان النقاب مش فرض
    بش منهجموش اللى بتتنقب دى بتبقا عايزه تتضمن انها راضيه ربنا
    المفروض اللى احنا نساعدها على كده
    مش نهاجمها

  • حـــلـــم كـــان
    17 نوفمبر 2009 في 12:42 م  

    NilE_QueeN

    والله انا مرارتى اتقعت يومها

    بس الحمد لله بقيت تمام لما قبلتك اخيرآآآآآآآآ

  • غير معرف
    18 نوفمبر 2009 في 7:25 ص  

    أنا عاوزة أتواصل معاكي انتي والبنات كلهم والله

    ولقيتك انتي ورضوى,ضايفين بعض في المدونة :)

    إنتي كمان ضايفة رضوى ولا إيه :)

    مش عارفة يا بنات,أتواصل معاكم كلكم مش يوم اللقاء بس,ولا ايه :)

  • حـــلـــم كـــان
    18 نوفمبر 2009 في 11:41 ص  

    samamasr

    انتى عامله مدونتك بدعوه عشان كده مش بعرف ادخلها

  • E73
    29 نوفمبر 2009 في 6:12 م  

    أول ما قريت البوست زعلت قوي اني محضرتش
    بس لما كملت قراية للآخر حمدت ربنا لأني اتخنقت الصراحة جدا

    انا برضه مش منتقبة لكن محبش أبدا اللي يعرض رأي ويجحد بباقي الآراء

    العلماء اختلفوا يبقى من الأمانة العلمية تقول الرأي والرأي الآخر مش تمسك عاللي قال انها عادة

    حتى اللي طول عمري عارفة اختلافهم على انه سنة او فرض عمري ما كنت سمعت على حكاية عادة دي الا نادرا

    ومن امتى سوري يعني والنقاب لبس شهرة معلش يعني

    واللي مش لبس شهرة بقى هو بدل الرقص وقمصان النوم اللي البنات بتلبسها في "الحرم" الجامعي!!

    مانا من المنصورة ومن كلية تربية وشايفة وعارفة

    ولا هو ملمحش الناس بتلبس ايه

    ربنا يديله على قد نيته

    انا مملكش أنقد أو أتطاول على شيخ عالم دارس

    علشان ربنا أمرني بكدة

    لو عوزة أنقده بجد وأتكلم براحتي هعمل كدة وبكل ثقة

    بس لما أدرس الدين والفقه وأحفظ كتاب الله وأوصل للدرجة العلمية اللي هو وصلها

    لأني مبحبش أجادل عن جهل

    لكن ربنا خلق الانساسن على الفطرة

    وانا فطرتي وراحتي "استفت قلبك ولو أفتوك" مرتاح ان النقاب ليه فضل كبير

    ومعلش الحرية الشخصية بتتوقف عند حدود حرية الآخرين

    النقاب اللي الواحدة هتلبسه هيعور حد؟؟
    هيموت حد؟؟
    هيحط صباعها في مناخير حد؟؟
    اعتقد دا على وشها هي

    ولا إيييييييييييه!!!!!!!

  • حـــلـــم كـــان
    30 نوفمبر 2009 في 12:58 م  

    E73

    لا وازاى الوقتى بقا لبس شهره

    وبقا يع

    مش عارفه ليه

    وكل بقا كوم وحكايه المناخير ده كوم تانى

    دانا هتشل يامعتز

 

Design by Amanda @ Blogger Buster