شكلها كده لحمه
الأربعاء، 2 ديسمبر 2009
هحكى ليكم حكايه قهوه مصريه
وهسالكم فى اخر الحكايه دى سوال
كان ياماكان
كان فى قهوه على ناصيه شارع
وكانت القهوه مخليه منظر الشارع
وحش اوى عشان مكنتش قهوه مصريه
من بتوع الناس المصرين الجد
مش قهوه اى واحد ينزل يقابل اصحابه
عليها كانت فقط للمشوبهين
عارفين ليه ياشاطرين ؟
عشان كانت بتبيع حاجات عيب
ايوه بالظبط بتبيع مخدرات بلاش
مخدرات ماشيها بانجو وحشيش
القهوه دى كان بيدخلها الناس
الى معاهم فلوس اوى والناس
الى مش معاهم فلوس اوى
بيدخلو بيعملو شوبنج
منهم بيدخولها بسبب ان ماما وبابا
من كتر دلعهم فيه بق عيل فاسد
ومنهم اللى بيروح عشان ملقاش
ماما وبابا يقول ان ده حرام وده عيب
تلاقى المنظر من دول نازل بيعمل شوبنج
وتلاقى واحد مش لاقى ياكل برضه نازل
يبضع مع ان ممكن يبقا مفيش فى جيبه نص
جنيه ولا فى بيته لقمه عيش بس نازل
برضه يشترى
المهم ان الشرطه عارفه ان كل ده بيحصل
فى القهوه وعامله نفسها مش واخده بالها
ولما الموضوع بقا اوفر قالو عاملنها مصيده
للناس
طب ماقبض على الكبير ميشتريش الصغير
المشكله بقا مش فده كله
الحاجات دى بقت عادى
المشكله ان القهوه دى عليها ضغط اليومين دول
فوق الفظيع
والله العظيم والله العظيم والله العظيم
بالطابور اه والله بالطابور
وتلاقى حوالين القهوه ناس كتير كده ذى مايكون
فى خناقه
لا وايه ياريت اصحاب القهوه حمدين ربنا
ده بيعملو اعلان لكل شخص داخل
المنطقه يمكن ابليس يلعب فى دماغه ويروح يعمل شوبنج
هو كمان
انا بقا عايزه اعرف ايه سر زياده العدد اليومين دول
هى القهوه بتوزع لحمه ولابتبيع بانجو ؟؟؟؟؟
3 ديسمبر 2009 في 9:55 ص
الحكايه دى يا مى اصبحت شئ عادى من زمان خالص
دا الجديد بقى دلوقتى ان فيه بلاد كامله متخصصه فى التجاره دى
هى تجاره مربحه بصراحه
_____________
ههههههههههههههه
لكن للاسف تلاقى المشكلات الاجتماعيه اللى احنا عايشين فيها هى اللى سببت دا كله
كل يوم طابور العاطلين بيزيد واحد والف كمان
والفراغ ممل وبيقتل الانسان اصلا وبيموت اى قيم
نصيحتى ليكى متزعليش من الكلام ده واتاقلمى معاه
وحاولى بعد عمر مديد انشاء الله تكونى عون لابنائك
وربنا يوفقك
3 ديسمبر 2009 في 1:50 م
ههههههههههههه
اكيد بتوزع لحمه لان البانجو بقى غالى تصورى باكيته البانجو بتعمل تلت سجاير وسمسون صغير بس فااكيد بتوزع لحمه
3 ديسمبر 2009 في 9:15 م
ههههه معقول في كده مناطق !
لا الحمد لله احنا عنا شبه منعدم
لدرجة انه اصبحوا يلاحقوا متعاطي التريمال
والتريمال هادا ماده علاجية مسكنه .
واصبح عليها رقابة شديدة فيما يتعلق ببيعها
3 ديسمبر 2009 في 11:44 م
الناس اول ماييجي العيد تفكر في اللحمه
طب ما تفكروا اخدتوا العيديه ولا لا
يالا
كل سنه وانتوا طيبين
4 ديسمبر 2009 في 12:46 ص
ليكي عندي تاج روحي خديه وسيبي 35 قرش
4 ديسمبر 2009 في 7:52 ص
ابقى شغليلهم ف البلكونه انا شارب سيجاره بنى وحاسس ان دماغى بتاكلنى
حاولى تسليهم عشان وقفة الطاوبير بتبقى رخمه
وخلى بالك من نفسك ياحبيبتى
لتجيلنا ف يوم من الايام مهيسه ولا مسطوله
4 ديسمبر 2009 في 10:00 ص
هههههههههههههههههههه
بجد رهيب التوبيك طريقته جنان
والله العظيم والله العظيم يبنتي انا مش عارفة ايه اللي بيحصل ده؟؟ حاسة ان الدنيا اتقلب رأسا على عقب ..هقول ايه زمن عجيب والله..
ربنا يسترها علينا وعلى المسلمين اجمعين
4 ديسمبر 2009 في 11:26 ص
سوالك الاخير ملوش اى معنى مش عشان سوال هايف ولا حاجه والله مش دا قصدى بس عشان السوال موجود جو البوست السوال موجود جوا كل شارع وجوا كل بيت موجود على ترابيزات مجلس الشعب وعلى مكاتب اقسام البوليس وكلو منفض قولى يا رب يبقى فيه لسه امل ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
4 ديسمبر 2009 في 10:01 م
انتشر الفساد فى البر والبحر
وربنا يستر
بس كل واحد لازم يعمل اللى علية
وعالاقل اتصلوا بالشرطة
.
5 ديسمبر 2009 في 3:06 ص
للأسف
زيادة ضغوط واعباء الحياة
بتخلى الناس تهرب للزفت دا
حسبى الله ونعم الوكيل فى كل حد وصل الناس ل كدا
5 ديسمبر 2009 في 6:06 ص
السبب ياقمر هو ان أكتر الشباب فقدو الامل فى ربنا والعياز بالله
كله دلوقت فى انو ينسا كلو بيهرب من المسؤليه او انو حتى يواجه نفسه
استغفر الله العظيم
دومتى بكل خير وحب
5 ديسمبر 2009 في 9:10 ص
شكلهم عاملين تنزيلات :)
5 ديسمبر 2009 في 11:35 ص
اتكلمتى صح حبيبتى
الدنيا بتتغير والاعباء بقت صعبة قووى بالحياة
ربنا يطمنى عليكى حبيبتى
6 ديسمبر 2009 في 7:12 ص
اكيد فى عرض يا مى
يعنى على كل قرش حشيش واحد تانى مجانى مثلا
هههههههههههههه
او على كل سجارتين واحده هديه
مش محتاجه مفهوميه يعنى
والله انا بهرج ومخنوقلك اوى
6 ديسمبر 2009 في 7:39 م
هههههههههههههه
مالك بس ومال البانجو يابنتى ابعدى عن القهوة انتى بس هههههههههههه
7 ديسمبر 2009 في 8:28 م
هههههههههههههههههههههه
ايه الحلاوة دى
على فكرة ياجدعان أنا عارف القهوه دى
وكمان عارف اسمها كمان
خليك ساكت يا بؤى خلاص خلاص
باختصار شديد
الناس زادت على القهوة
لان الفساد وقلة الادب والانحدار الفكرى والاخلاقى وصل لذروته
ربنا ينتقم من اللى كان السبب
9 ديسمبر 2009 في 7:38 ص
اخدتيتي بالتفكير لبعيد اوى
التوبك مليان كلام بين السطور
الاحوال المايله بقت ف كل مكان
انا انهارده كنت راكبه ميكروباص و فيه واحد حاول يسرق راجل كبير و محدش كلمه
هو اه معرفش يسرقه
بس الناس من خوفها منه سابته يمشي
و اكيد هيروح يدور على صيد تانى
10 ديسمبر 2009 في 6:28 م
عارفاها انا القهوه دي
ربنا يهدي وارجع واقول
لوكان فيه حاجه اسمها حكومه شايفه شغلها
مكنتش سمحت للكلام دا يحصل
وخصوصا انه على مرئى ومسمع
دا ولا طابور العيش
11 ديسمبر 2009 في 5:47 ص
ههههههههههه
لا دى مش لحمه دى كبسه
ام روز وفته
ههههههههههه
طب انتى غبتى وقولتى عدولى
ولا الريحه بتاعه اللحمه وصلت لكم
هههههههه
ياارب تكونى بخير
مستينك
تحياتى
رئيس الجمهوريه
13 ديسمبر 2009 في 2:24 ص
ههههههههههههههههههههه
لحمة و لا بانجو و لا حتي جرجير
هو يعني بيتوزع ببلاش المشكلة انك تلاقي ناس تروح تدفع فلوس في كلام زي ده و بيتها اولي بيه او ممكن يعمل بيه اي حاجة تانية
بس تقولي ايه
و علي فكره ده فيه من ده كتييييييييير انا كنت برده متفاجيئ بس في ناس ولاد حلال فتحوا عنيا برده كده قالولي يا عم ده بيتباع في الشوارع عادي
ههههههههههههههههههه
ربنا يهدي
و بوست جامد
دومتي مبدعه مبدعه
13 ديسمبر 2009 في 10:27 ص
عاوزين صووورة للمشهد ده (';')
13 ديسمبر 2009 في 1:06 م
ameen
دى مش عادى وبس ده فوق العادى بشويه
ويارب اكون اعون لابنائى وانت كمان عون لابنك
بس مين ابنائى خلى واحد يروح ناحيتهم وانا كنت اشرشبه والله
13 ديسمبر 2009 في 1:10 م
El_Tahan
ياعينى
ده حتى حرام
طب تخيل لو اربعه جايبين الباكته دى
قلى مين بقا اللى ياخد السمسون ده
13 ديسمبر 2009 في 1:11 م
Mr.Hazem
عقبال عندنا يارب
13 ديسمبر 2009 في 1:14 م
محمد عبدالرحمن شحاته
اخد التاج واسيب 35 قرش كمان
لا مانا لاخد لاسيب مينفعش الاتين مع بعض
هجاوب على التاج قريب
اسفه على التاخير
13 ديسمبر 2009 في 1:16 م
ابتسامة حزن
يابتسامه مانتى عارفه انا برجع عامله ازاى
بعمل دماغ على الريحه
13 ديسمبر 2009 في 1:28 م
Just Smile
المشكله انك لو اتكلمتىمع حد
يقولك عادى وفيها ايه
وتحسى انك انتى اللى غلطانه
13 ديسمبر 2009 في 1:33 م
amirelhob
يارب يكون فى لسه امل
ونشوف حاجه عدله بقا
,,,,,,,,,,,,,,,,,,,,,,,,
اللى موش عارف يتغير
طب لو كانت الشرطه عارفه نعمل
احنا بقا ايه
13 ديسمبر 2009 في 1:44 م
blue-wave
حسبى الله ونعم الوكيل فى كل واحد وصل الناس لكده واى واحد قادر يعمل حاجه وساكت
.......................
الحزين
اهى ناس مش عارفه بيفكرو ازاى
13 ديسمبر 2009 في 1:47 م
اقصوصه
صدقى ممكن
دسكوند العيد
,,,,,,,,,,,,,,,,,,,,,,
الأحــــــ إيناس ــــــزان
انوسه وحشتنى
حتى لو كانت الاعباء صعبه فده مش مبرر خالص
13 ديسمبر 2009 في 1:50 م
7akwena
والله بجد حاجه تغيظ
ده كفايه انى بلف من الشارع التانى عشانهم
13 ديسمبر 2009 في 2:02 م
mohamed ghalia
وده تجيى
تبقا حاجه اعرفها واسبها فى حالها
13 ديسمبر 2009 في 2:05 م
the one
بتفرح انت فى الحاجات دى
خليك ساكت يابوه
هههههههههههههه
13 ديسمبر 2009 في 2:09 م
NilE_QueeN
يابنتى بقا ه الطبيعى متستغربيش
14 ديسمبر 2009 في 9:57 ص
ده بقى طبيعى دلوقتى
الناس نست ربنا ويالعياذ بالله
ياريت نفوق بقى ونرجع لربنا محدش ضامن عمره