اتعلم عليا واتخبط على دماغى  

الأحد، 13 ديسمبر 2009





سالخير عليكم

ازيك يامدونتى
وحشتنى اوى

ازيكم يامدونين
انتو كمان وحشتونى كلكم

بعتذر عن غيابى بس ده

والله غصب عنى ده عشان
المد ترم وعمايله

الحمد انا حليت كويس

والامتحان اللى مش حليت

فيه كويس اتلغى

ومحدش فى الدفعه كلها هياخد

درجته كاسلوب من اساليب العقاب

بس والله الواحد مبسوط هيجب الزيرو

بكرامه شويه احسن ماكان يجيبه من غيرها
بقالى اسبوعين عامله اذاكر لما
ذى ماكون مخبوطه على دماغى


وفوق كل ده اتعلم عليا



عاااااااااااااااااااااااااااااا
موبيلى اتسرق
عااااااااااااااااااااااااااااا
ومنين ؟ من شنطتى

عاااااااااااااااااااااااااااا

وكمان من غير ماحس

عاااااااااااااااااااااااااااااا

اخر بصه ليا فى الموبيل

وانا داخله الموقف

وحطيته اخر حطه فى الشنطه
وكان الموقف زحمه طحن

واول ماركبت بطلع الموبيل مش لقيته

عااااااااااااااااااااااااااااااااا

قولت للبنت اللى كانت قدامى

ترن عليا البنت مكنش معاها

رصيد بس عملت معايا حركه مجدعه
واستلفت ال 3 جنيه ورنت عليا

لقيته مغلق

زمان البنت دى بعد ماحولت رصيد

وجالها رساله تم خصم ال 3 جنيه
فضلت تتدعى عليا

انا عارفه
المشكله بقا ان محستش مش عارفه
وطول السكه وانا مروحه عامله اقول

يارب اللى اللى سرق موبيلى موبيله وموبيل ابوه

وموبيل مامته وموبيل اخته لو عنده
وموبيل اخو لو عنده اخ وموبيل جوز اخته

لو اخته متجوزه وموبيل مرات اخوه لو اخوه

متجوز ينفجر مش يتسرق بس


بس رجعت زعلت تانى مش عشان دعيت عليه

عشان نسيت ادعى على موبيل مراته

روحت لقيت ماما بتقولى موبيلك برن مقفول
فصل شحن

قولتلها لا ياماما اتسرق بس

وبعد مباحثات اكتشفت انى فى واحده صحبتى كانت فى نفس
وفى واحد خبطها على دماغها وشد الموبيل من ادها وجرى

ومحدش لحقه واللى كانت واقفه معاها طلعت لها مياه من الشنطه

واتلبخت فيها ومقفلتش الازازه كويس راحت المياه جت على الموبيل

فباظ (ههههههههههههههههههههههههههههههههههههههه)


فهى كانت مافيا فى اليوم ده

المشكله ان الموبيل مكملش معايا 3 ايام
واتسرق

والقديم اللى لسه بياعه فضل معايا 3 سنين

من غير اصابات

فالحاجه اللى طلعت بيها من الموضوع ده كله

ان اللى يفرط فى موبيله اكنه فرط فى مناخيره

فنداء اللى كل من كان معايا رقمه يبعت الرقم فى رساله

او يكلمنى يعزنى على نفس رقمى انا رجعته

مش عايزه شماته كفايه اوى على الايميل قامو بالواجب

انا لسه عندى امتحانات ادعولى بقا


AddThis Social Bookmark Button


18 التعليقات: to “ اتعلم عليا واتخبط على دماغى

  • حـــــروف متــبعترة " عــمرو الشــايب
    13 ديسمبر 2009 في 3:12 م  

    ربنا معاكي

    اللهم لا شماتة بس نقول اية بقى

    اهماااااااااااااااااال ما بعدة اهماااااااااااااااااااااال

    الموبيل ف الجيب و جمب علبة السجاير احسن و أأمن مكان و بباس ورد احسن عشان لو اتسرق ولا يعرف يعملة و حطوا دنيمتة جمب البطارية عشان يفرقع

    ربنا يعوضك و الحمد لله

  • Unknown
    13 ديسمبر 2009 في 4:05 م  

    نحن السابقون وانتهم اللاحقون

    بس انا مش اتسرق لا حطيته فى جيبى و انا بجرى وعمل واحدة قفزت ثقة وانا طبعا مش واخد بالى فين ولا امتى ولا ازى

  • غير معرف
    13 ديسمبر 2009 في 4:49 م  

    أزال أحد مشرفي المدونة هذا التعليق.

  • مجرد حلم صغنتوت
    13 ديسمبر 2009 في 5:44 م  

    ربنا يعوضك عليكي يا مييووي
    معلش يا بنتي
    الدنيا فيها من ده كتير
    شدي حيلك في الامتحانات... عايزين نتايج مشرفة كده :)
    ربنا معاكي يا قمر

  • ameen
    14 ديسمبر 2009 في 4:05 ص  

    يااااااااه

    موبايل من 3 ايام

    ربنا يكون ف عونك صحيح والله ويعينك على المذاكره والطحن والفرم

    بس خدى بالك بعد كده وركزى ف الاماكن الزحمه

  • blue-wave
    15 ديسمبر 2009 في 4:10 ص  

    ربنا معاكى
    ومعلش
    فداكى مليون موبايل

  • El_Tahan
    15 ديسمبر 2009 في 10:49 ص  

    ربنا يوفقك فى الامتحانات اللى امتحنتيها واللى لسه هتمتحنيها ياحلم ويوفقنا كلنا
    وبعدين لازم تفكرينى بالذى مضى انا موبايلى اتسرق بس بطريقه اذكى شويه المشكله ان ولاد الذين الحراميه دول عليهم طرق مايحسسكش انه هيسرق الموبايل بس انا بقى مادعيتش عليه انا دعيت له وقلت ربنا يكون فى عونه اصل الموبايل كان رخيص هههههههههه

  • خابت بك ظنوني
    15 ديسمبر 2009 في 2:48 م  

    معلش معلش
    هو كل اللي يزعل فعلا أنه بقاله 3 أيام بس
    بس ولا يهمك وركزي في إمتحاناتك
    ربنا يوفقك

  • اللى موش عارف يتغير
    16 ديسمبر 2009 في 12:43 ص  

    ربنا معاكى وتنجحى نجاح يتعجب منه الناس
    مبهر
    ههههههههه
    والله زى العسل
    والموبايل اتسرق
    يلا
    احمدى ربنا انك مسلمة ومن المنصورة
    ههههههههه
    ..

  • NilE_QueeN
    16 ديسمبر 2009 في 10:05 ص  

    يا ساتر استر على موبايلات السامعين

    يجعلها اخر الاحزان يا مي

  • الشاعر الحزين
    16 ديسمبر 2009 في 4:01 م  

    أولا ربنا معاك يارب فى الامتحانات ويارب دايما بتفوق

    ثانيا من غير شماته ولا حاجه

    بجد الموضوع يضايق جدا وأنا بجد زعلت جدا

    ربنا يعوض عليك ويبارك فى اللى معاك

    دمتى بكل الخير

  • Cute Kitty **sookra
    17 ديسمبر 2009 في 8:10 ص  

    معلش يابنتى
    هههههههههههههههههه
    عادى احنا السابقون وانتى الحمد لله
    لحقتى بينا
    ههههههههههههههههههههههه
    ربنا يوفقك يارب فى امتحاناتك

  • حلم العمر
    18 ديسمبر 2009 في 5:36 ص  

    ههههههههههههههههههه

    معلشى تعيشى بس ماتخديش غيرها

    فوقى وانتى ماشية

    وركزى شوية يابنتى بلاش حالت التهيس اللى انتى بتبقى فيها دى

  • م/ الحسيني لزومي
    18 ديسمبر 2009 في 12:38 م  

    نحن مقبلون علي لحظات حرجه في تاريخ مصرنا
    انتخابات مجلس الشعب 2010
    انتخابات الرئاسه 2011
    هل اعددت نفسك لتقول كلمتك
    هل سجلت نفسك في الجداول الانتخابيه
    اذا كنت قد سجلت نفسك ادعو غيرك
    الحمله الشعبيه للقيد بالجداول الانتخابيه
    باقي من الزمن 45 يوم

  • ♥نبع الغرام♥♪≈
    18 ديسمبر 2009 في 3:44 م  

    وحشتينى ياقمر

    متزعليش حبيبتى ربنا يعوض عليكى

    وان شاء الله ربنا يكرمك بالامتحانات
    وسلامتك بالدنيا كلها


    كل سنة وانتى طيبه عام هجرى سعيد عليكى وعلى الامة الاسلامية جمعاء

    طمنينى عليكى ياقمر

    موووووووووووووواة

  • The illusionist
    19 ديسمبر 2009 في 12:43 ص  

    الله الله
    ايه الجمال ده
    طب انا مش هشمت
    بس هو موضوع كوميدى اكتر ما هو يحسر
    وكمان بقى
    لو كانت حاجه جديده
    مممممممممممم
    بصى بقى
    شيلى معاكى لاسلكى من اللى هو تسعه كيلو ده
    اهو على الاقل
    هتحسى بيه وهو بيتسرق

  • The illusionist
    19 ديسمبر 2009 في 12:43 ص  

    ليا سؤال منطقى
    الكابتن اللى كاتب عن الانتحار ده
    كان بيقرا انهو بوست بالضبط

  • amirelhob
    19 ديسمبر 2009 في 4:49 ص  

    بجد بوست جميل اوى بس ايه دا كلو انتى دعيتى بتمن الموبيل على امه لا اله الا الله كفايه انك تقولى فدايا انا (:
    بجد الله يعوض عليكى ومعلش تعيشى وتاخدى غيرها ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

 

Design by Amanda @ Blogger Buster