يارب لو عايز تموتنى متموتنيش الا ما ارجع البيت وابوس ماما واصلى العصر  

السبت، 27 سبتمبر، 2008


النهارده كنت راحه الدرس بعد صلاه العصر فبصدفه وانا ماشيه لقيت فى جنازه فى الشارع
فوانا بقول اشهد ان الا اله الله واشهد ان محمد رسول الله انتم السابقون ونحن اللاحقون بكم
فجاه حسيت بلسانى وقف عند كلمه اللاحقون بكم ى وحسيت كده بحاجه غريبه اول مره احسها
رغم انى بشوف جنازات كتير وبقول الكلمه دى كتير وعارفه ان انا هموت بس النهارده لقيت
نفسى وقفت اتفرج على الجنازه وقولت هو انا ممكن اموت الوقتى ولا انا لسه صغيره ؟
لقيتنى برد على نفسى وبقول لا مش صغيره طب مالواد عمرو جارنا مات السنه اللى فاتت
وكان قدى الله يرحمه يارب وكان برضه مفكر انه لسه صغير .
وسالت نفسى هو انا هيجلى يوم وهكون جوه الصندوق ده ؟
طب الناس هتقول الله يرحمها ولا لا ؟
ولا ياترى جنازتى هتبقا كبيره ولا صغيره ومفيش فيها حد ؟
طب الناس اللى تعدى وانا راحه ادفن هتقول الله يرحمها ولا لا ؟
طب لما الناس تدفنى وتمشى انا هعد لوحدى فى المقابر ؟
طب هى التربه بتاعتى هتبقا ايه روضه من رياض الجنه ولا حفره من حفر النار ؟
طب هو انا ممكن معتش اشوف ماما وبابا ولا اخواتى تانى خالص ؟
طب ياترى القبر هيبقا ضلمه ولا ربنا هبنور القبر ليا ؟
حسيت ياعتها انى ممكن اموات وانا بتفرج على الجنازه
و لقتنى بقول يارب لو عايز تموتنى متموتنيش الا ما ارجع البيت وابوس ماما واصلى العصر

AddThis Social Bookmark Button


4 التعليقات: to “ يارب لو عايز تموتنى متموتنيش الا ما ارجع البيت وابوس ماما واصلى العصر

  • elsha3er
    27 سبتمبر، 2008 4:33 م  

    السلام عليكم بجد شىء صعب جدا لافى صغير ولا فى كبير ومش حقولك بعد الشر عليكى لان دة قدر ومكتوب فيه معادنا ووقتنا فى الدنيا لكن ممكن اقولك ان اكثرى من القرأن
    وانا عندى نقد صغير كان لازم تكتبى حاجة فيها فرح لان العيد قادم ولازم نفرح اسلاميا زى ما وصانا رسول الله ولا انتى اية رأيك

    تانى حاجة بالله عليكى كبرى الخط شوية انا اتعميت

    احمد الشاعر

  • طالبه مقهوره
    27 سبتمبر، 2008 5:04 م  

    ردك عجبنى جدآ ياشاعر واكيد لازام نحتفل بالعيد وان شاء الله هنعلق الزينه من بكره فى المدونه وهنجيب كمان كحك و الخط هيكبر دلقوتى ان شاء الله منورنا يااحمد والله

  • ღღAhMedღ3LaMღღ
    27 سبتمبر، 2008 5:07 م  

    بعد الشر عليكي متقوليش كده
    بس جميل انك بتفكري في اليوم الاخر
    وعايزه تعملي ليه وياريت تعملي ليه
    ووقتها مش هيكون الموت شر ولا حاجه
    ووقتها بردو مش هيهمك الناس هتقول ايه
    هتقولي
    ياليت قومي يعلمون بما غفر لي ربي وجعلني من المكرمين
    صدق الله العظيم

  • طالبه مقهوره
    27 سبتمبر، 2008 5:12 م  

    يارب يااحمد يارب

    ويارب كل الناس بتكون بتفكر فى اليوم ده

 

Design by Amanda @ Blogger Buster