وحروف الرساله محيها الشتى  

الأربعاء، 15 ديسمبر 2010


مرقت الغريبة عطيتنى رسالة

كتبها حبيبى بالـــدمع الحزيـــن

فتحت الرساله حروفها ضايعين

ومرقت ايام وغربتنا سنيــــــن

وحروف الرساله محيها الشتى



لاول مره متسيطرش عليها الرغبة

فى انها تعرف ايه اللى كان جوه الرساله

حاسه ان حبيبها مكتبهاش بالدمع الحزين ولا حاجه

نظرات الغريبة اللى عطيتها الرساله كانت كلها بتقول كده

كانت حاسه ان الشتا كان ارحم عليها من حبيبها

وقرر يضيع حروف الرساله بدل مايضيعها هى

لما تتصدم باللى مكتوب جواها

اكيد كانت بتعصب علي الشتا لما كان بيشوفها واقفه لوحدها

فى الشارع الغريق تستنا حبيبها الى راح ونساها

فقرر يمحى حروف الرساله عشان متغرقش فى حزنها

ذى ماغرقت فى الشارع كتير قبل كده كتير

AddThis Social Bookmark Button


حــالــه مـلـل  

السبت، 18 سبتمبر 2010


حقآ انى مللت

مللت ذلك الدور الذى احاول تمثيله

مللت دور القويه العنيده التى لا يوثرفيها فراقك

التى تريد اظهار كل قواته بدونك

مللت تلك الابتسامه العريضه التى ارسمها على وجهى

حتى لا ترى الحزن الذى يتخلل تقسمات وجهى

مللت هروبى من نظرتك حتى لاتعرف مدى ضعفى

فانا اعترف انك مازلت قادر على معرفه ما اخفيه بنظره

واحده منك

مللت قناعى كلماتى الكاذبه حتى لايظهر انكسارى

فانا لا احتاج منك اى نوع من انواع الشفقه

مللت ذلك البرود التى اتظاهر بيه عندما اراك تتحدث الى

تلك الفتاه البليده التى تجعلنى احترق من الغيره

مللت كل هذه القوه المذيفه

فانا باختصار

( لا قويه ولا زفت انا محتاجلك )


AddThis Social Bookmark Button


رمـضـان الـسـنـادى  

الأربعاء، 11 أغسطس 2010



رمضان السنادى جاى فى وقت انا كنت محتاجه فيه اوى



جاى فى وقت انا كنت محتاجه اقرب من ربنا ياده عن اى وقت تانى



عشان محتاجه ربنا يكون جمبى اوى عشان مش احتاج لاى حد غيره

عشان استغنى بيه عن اى حد

محتاجه ربنا يقنى عشان مش ابان ضعيفه قدام اى حد

تقدرو تقولو رمضان جايلى هديه من عن ربنا


رمضان السنادى رمضان غريب
رمضان فى المصيف


رمضان من غير شراشيب


كل حاجه فيه مختلفه

مكان مختلف


مسجد غريب من غير سلم

الناس اللى فى المسجد مش بتوع كل سنه

مش اصحابى بتوع الترايح

كمان المسحراتى مسحراتى غريب

مش بينادى علينا


رمضان السنادى رمضان من غير عمو عبدالرحمن جارنا


اللى كان معلق الشراشيب معانا السنه اللى فاتت


عمو عبدالرحمن مات ربنا يرحمه يارب


رمضان السنادى لازم نحاول نحقق كل حاجه عايزنها فيه


مش كل رمضان هنقول رمضان الجاى ان شاء الله


كل سنه وانتو كلكم طيبين




















AddThis Social Bookmark Button


مطر من خلف النافذه  

الأحد، 1 أغسطس 2010


الطقس يزداد فى البروده

تشعر وكان جسدها باكمله يتجمد

حتى عقلها كاد ان يتجمد

ولكن ليس البرد القارص سبب تجمد عقلها

السبب ان افكارها بالفعل اصبحت مجمده

كما اصبحت مشاعرها من قبل


تشعر برعشه قويه تتخلل جسدها من قوه البروده

كما انها تشعر بالانهيار البطى بسبب اشياء كثيره

تحدث فى حياتها

لم تعد تدرك تلك الاشياء

لم تعد تعرف ماهى تلك الاشياء

لم تعد تدرك حياتها باكملها


تشعر بالسماء تمطر فتلمس الزجاج من داخل نافذه حجرتها

وتشعر بعينيها ايضآ تمطر ولكنها لا تستطيع ان تلمس هذا المطر
فى هذه المره ولا حتى من خلف النافذه


تسمع صوت عالى مخيف يهز كيانها فتظن انه برق
ولكنه هو انين قلبها


ولكنها مازلت تشعر برغبه ملحه فى لمس حبات المطر


وتظل تحاول


ولكنها تحاول من خلف النافذه


"""""""""""""""""""""""""""""""""""""""""""""""""""


كل المدونات وحشتنى مش بس مدونتى بس بجد مش قادر انى

اكون موجوه علطول وى حاجه مزعلنى


نسيت اقولكم انا نجحت جبت جيد جدآ الحمد لله


وكمان اختى نجحت وبقت خلاص متر


متر اد الدنيا


بقت احلى متر فى الدنيا

AddThis Social Bookmark Button


حــــاولـــــت ؟  

الخميس، 8 يوليو 2010




حاولت قبل كده تتخلص من همومك ؟




حاولت ترميهم فى اول صندوق زباله يقابلك ؟




طب حاولت تحدفهم فى النيل وانتى ماشى على الكورنيش وتروح من غيرهم ؟




طب منزلتش مره البحر وسبتهم جوه خالص وطلعت من غيرهم ؟




حاولت تحفر حفره كبيره فى وسط الصحرا وتدفنهم فيها ؟




طب حاولت تجمع همومك فى صندوق قديم وتحط عليه بنزين وتجيب كبريت وتولع فى الصندوق ده ؟




انــــــــــا حـــــاولــــــــت




لكن تكتشفت ان فى هموم جديده ظهرت




فقررت اسيب همومى القديمه عشان همومى الجديده متحسش بالوحده

AddThis Social Bookmark Button


حق خالد حق مصر  

الخميس، 24 يونيو 2010



حق خالد حق مصر



حق خالد حق كل واحد مصرى



حق خالد هو حقى وحقك



مش عايزين نسيب حقنا ذى ماسينا



حقنا فى حاجات كتير



كفايه بقا اهانه فى بلدنا وبره بلدنا



بجد شبعنا اهانه

AddThis Social Bookmark Button


هرتله  

الأربعاء، 14 أبريل 2010

وحشانى يامدونتى اوى ووحشنى ان اكتب اوى
مع انى عايزه اكتب كتير اوى بس مفيش حاجه معينه
حاسه حاجات غريبه جوايا بتوجعنى
زهقانه عشان فصلت النت بقالى شهرين ومش عارفه
ادخل المدونه وع ان النت عنده بقالى سنين بس اول مره
احتاجه ذى دلوقتى
وانا ماشيه ى الجامعه سمعت واحده بتقول
( انا راضيه بس من جوايا .........)
هى مشكله كل الناس فى الجواها
انا مبقتش هعمل حاجه مش جوايا
بس ساعات بيبقا غصب عنى بعمل
حاجات مش جوايا
مش عازه اعمل حاجه مش عايزه اعملها
كنت عايزه اى حد يجبلى ورد بس يكون
فيه احمر وابيض كتير بس الوقتى لو حد
جبلى ورد مش هبقا مبسوطه بيه
مش هبقا عايزه ورد غير بعد كتير اوى
لما كنت راكبه التاكسى قيته واقف من غير
ماحد يشاور له واكتشفت ان واقف عشان لواحده
قربته ولقتها بتفوه مامتك كانت عند الدكتور وعنده
عضله فى القلب تعبانه ووقفت روح شوفها محدش
ضامن عمره قالها ربنا يسهل بس هو كان قصده ان مش رايح
مستغربه منه اوى وان عار ان مامته ممكن تموت ومش عايز
يشوفها ربنا يهديك وتروح تشوفها
عايزه اسمع فيروز وتحديدآ كذبك حلو
اتخنقت من تعليقات الولاد البايخه
عايزه اخرج يوم وارجع من غير
ماسمع تعليق ممل
انا نجحت وجبت جيد جدآ الحمد لله
بس معرتش افرح مش عشان النتجه
بس عشان بقا دمى تقيل
شفتك بس خفت ابصلك اشو كلمه
فى عنيكى تجرحنى فعملت نفسى
مش واخده بالى منك وبصيت الناحيه
حاسه عندى حاله اكتئاب مع الذات يعنى مع
كل الى حواليا عادى بس مليش دعوه بنفسى
ولا كانى اعرفها
انا حاسه انى مهيسه وبهرتل
بس عايزه اتكلم بس مش حد
مش عارفه انا بكتب ليه اصلا

AddThis Social Bookmark Button


هيدي أمي بتعتل همي  

السبت، 20 مارس 2010


بحبك اوى

مش عارفه اكتب ايه ولا اعمل ايه عشان اقولك بحبك عارفه ياماما انا بحبك فوق ماحد يتخيل

انت عارفه انتى مش محتاجه عيد عشان انا اصلآ كل ثانيه بعشها معاكى عيد

عارفه انا كل ما اعرف ان اليوم اللى بيفوت مش هعشيه معاكى تانى بزعل اوى

كتير بيجى فى تفكيرى ان هيجى يوم وهنفترق عارفه لما بفكر فى اليوم ده بيكون

حالتى ذى الوقتى مشلوله التفكير وغصب عنى ببكى واقول يارب ابعد اليوم ده

عارفه لما بيجى التفكير ده فى بالى بقول يارب انا الى اروح لربنا الاول عشان

انا مش هقدر اعبش من غيرك ولما افكر والاقلا ان انتى عتزعلى اوى عليا

ببقا محتار ادعى ربنا بايه غيرانه يطول ليا فى عمرك

عارفه ياماما انا اطتر حاجه بتكسرنى فى الدنيا دى ايه انى اشوفك بتبكى

دى مش بس بتكسرنىدى بتهدنى بحس انى مش قادره اتنفس

عارفه ياماما انا مش من غيرك اضيع لا انا اتمحى

تعرفى ياماما انا كل اصحابى بيحسدونى عليكى وانا بفضل اترسم واغيظ فيهم

دى مامتى فى حد عنده ماما ذيها ؟

بحبك ياماما اوى لما بكون نازله الصبح وكل يوم لازام تقول متنسيش تقولى الاذكار

وبحبك اوى لما بقولك عايزه حاجه ياماتى تقوليلى عايزه سلمتكياقلب مامتك

وبحبك اوى لما بيكون عندى امتحان وتفضلى نص ساعه تدعلى قبل مانزل

ولما بيكون حد من اخوانى بيمتحن تفضلى طول النهار تقولى ربنا يسهل

ليك الصعب ياحبيبه مامتك

انا نفسى ياماما لما ابقا ام ابقا ذيك ونفسى ولادى يحبونى ربع مابحبك

انا عارفه انى ساعات كتير ببقا غبيه بس ياماما والله غصب عنى بتعصب

بسرعه ذى مابتقوللا فولتلى عادى اعمل ايه ربنا خلقنى كده

فاكره مره لما كنت ماشيه ازعق فى البيت وقولت مش عايزه حد يكلمنى

وانتى قولتى والله مهكلمك طول النهار انت كنت هموت وتكلمنى وكلمتنى

نفسى ابقا ذيك عندى صبر كده انا مش عارفه انتى ازاى بتتجملى كل ده

وبتصبرى كده دانا ساعات بتغاظ من كتر صبرك

انا نفسى اقضى معاكى عمرى كله

عارفه ياماما اول امبارح لما قلتلك وانا نازله هاتلى بوسه قبل مانزل دانا ماشيه

على طريق لقيت وشك اتغير علطول وقولتلى بلا مشى مش عايزه منك حاجه

ولما كنت بهزار انا ومنال وكانت بتقولى انتى مفكره انا لو مت هتخادى كل العبايات

اللى انا بجهزها لفرحى انا هدى لمروه ةمش هديكى روحتى انتى فضلتى تزعقى فينا

رغم انا احنا كنا بنهزار وانتى عارفه كده

انا مشفتش حد بيحب ولاده اوى كده ولا حد بيخاف على ولاده كده

حتى مع سلمى ولين بتحبيهم بطريقه فظيعه وسلمى كمان بتسيب مامتها وتيجى تقولك

احكلى قصه ياتيته اعمل حمام ياتيته تيته تسرحلى

انتى ماما حلوه اوى وتيته حلو اوى

رغم انك بقتى تيته بس فى ناس كتير لسه بتفكرك اختى الكبيره

ماما بجد عايزه اسالك سوال

انتى ازاى كده ؟؟؟؟؟؟؟؟

انا لو فضلت اكتب طول عمرى ليكى عنك هفضل عمرين على عمرى اكتب

AddThis Social Bookmark Button


تــــيـــــتــــو  

الجمعة، 26 فبراير 2010


عشان حاجات كتير

عشان كان عايش حياه مش حياته

وهى كانت حاسه ان حياتها مش لايقه عليها

وعشان كان مش لاقى نفسه فى الحياه دى

وهى كانت حاسه انها تايهه فى حياتها

وعشان هى مش عايزه تكون غير نفسها

وعشان هو حاول ميكنش غير نفسه

وهى كانت عايزه لما تبص لنفسها فى المرايه

تشوف نفس الصوره من جوه ومن بره

ميكنش صورتين بين الاولى والتانيه مليون اختلاف

وعشان هو قرار ميكنش غير نفسه

وهى قرارت تكوت صوره واحده فى المرايه

كان فى طريقهم مليون مصيبه

ولما حاولوا يكونو صح

كانت الناس دايمآ غلط معاهم


عشان كل ده كانت بتحس ان فى شبه بنها وبين تيتو

عشان كده عرفت ايه سر ادمانه للفلم ده

ولما فضلت تفكر شويه عرفت ان فى بنهم اختلاف

لكن ده مش مانعها انها تفضل تحبه

لان الاختلاف اللى كان بينهم ان هو عرف نهايته

رفم انه مات بس عرف نهايته

لكن هى لحد الوقتى مش عارفه ايه نهايه

ولا حتى عارفه ايه كانت بدايتها


:::::::::::::::::::::::::::::::::::::::::::


ملحوظه: بعتذر لانى مش متابعه

بس غصب هعنى

AddThis Social Bookmark Button


مين مين ... بنت اختى لين  

الأربعاء، 10 فبراير 2010

جالنا نونو جديد ( وش بيطلع لسانه )

عارفين مين اللى جابو ابتسامه حزن

و بما ان ابتسامه بتحب تفقس

فى الامتحانات فهى ولدت لين فى اول امتحانات الترم

جابت لين البنت الموزه اللى فى الصوره دى

بقيت خالتو لتانى مره

اينعم انا مبسمعش غير كلمه بت يامى من سلمى وده لما تكون محترمنى

بس انا اسمى خالتو ادام الحكومه

اول حركه من بتوع سلمى

انها كانت بتاكل لين اختها سندوتش الجبنه

والباقيه تاتى من حركات سلمى فى ابتسامه ولين


بقيت الصور هنزلها بس لما النت يتظبط

AddThis Social Bookmark Button


سؤال بيلح عليا  

الأحد، 7 فبراير 2010


لما احنا بنستورد الغاز من السعوديه ومن الجزاير
بنصدره لإسرائيل لــــــــــيـــــــــــه ؟؟؟؟؟؟؟؟؟؟

AddThis Social Bookmark Button


هييييييييييه  

الأحد، 31 يناير 2010




هيييييييييييييييييييييييييييييييييييييييييييييييه


الـــــــــــــــــحــــــــــمـــــــــد لـــــــــلـــــه



كــــســــــــــــــــــــــــــبـــــــــــــــــــنـــــــا







AddThis Social Bookmark Button


مـــــــــحــــــــــتـــــــاســــه  

الاثنين، 4 يناير 2010




الى كل مدونين الارض
انا للاسف الشديد بذاكر
ومحتاسه
ادعولى

AddThis Social Bookmark Button


 

Design by Amanda @ Blogger Buster