مهما كان مصر متستهلش كده  

الاثنين، 29 ديسمبر 2008

مصر متستهلش ان كل ده يحصلها مش تسب كده فى كل مكان

ولا تستهل ان الدول العربيه تعمل عند السفارات المصريه مظاهرات

ولا ان الدول العربيه تسيب عدوه الحقيقى اسرائيل وتسب فى مصر

اسرائيل كده هتححقق هدفها وهتخلينا احنا نمسك فى بعض

احنا مش خوانا المصرين فيهما حماس ورغبه فى تدمير اليهود

مش فى اى حد تانى

اكيد الكل بيقول ازاى انا لسه عامله توبيك امبارح وانا زعلانه من مصر

انا كنت بعبر عن الشعور اللى حسيته وانا شايفه الصوره الزفت اللى كل الناس اخدتها عن مصر

كنت مكسوفه والناس بتقول كده على مصر

عمر مامشكله مصر هتتحل واحنا ماشين نتشتم فى بعض المفروض اللى قادر على حاجه يساعد بيها يعملها

انا بدات بنفسى والحمد لله حاسه انى عملت حاجه بسلوب بسيط جدآ يعنى قرارت وانا اصحابى واهلى

نصوم اول يوم فى السنه الجديده وندعى للغزه وان ربنا يساعده ويهد اليهود وبرضه بنحاول نجمع تبرعات

مش مشينا نخبط على كل بيت بس كل واحد قال لصحابه وقال لصحابه يقول لصحابهم ولو كل واحد عمل كده هنقدر نساعد

لكن مش كل دوله تعد تسيب وتشتم فى التانيه

AddThis Social Bookmark Button


كرومبوووو ( وابقا قبلنى فى الحلقه الجايه )  

الأربعاء، 10 ديسمبر 2008








ياترى انت ولا هى بتحب المفتش كرومبو ولا لا ؟



انا عارفه ان التوبيك يمكن يكون تافه شويه بس انا طقت فى دماغى اعمله



عايز اعرف ايه تعليق الناس على المفتش كرومبو


غبى ولا دمه خفيف ؟

انا عن نفسى مش كنت بطيقه فى الاول بس لقتنى بقيت متابعه له

غير كده لازام كل مسابقه جديده افضل انا واصحابى نعلق على الاسامى وعلى الحرامى


مش عارفه انا مجنونه انا واصحابى ولا الناس كلها بتعمل كده قولت لما اشوفكم انتو كده ولا ؟




AddThis Social Bookmark Button


كل سنه وانتو طيبين  

الأحد، 7 ديسمبر 2008

كل سنه وانتو طيبين يارب
ويارب العيد الجاى يبقا احسن واحسن
انا العيد اللى فات مش كان ولا بد معايا
يارب يكون العيد احسن من السنه اللى فاتت
والايام كلها تكون احسن من السنه اللى فاتتش
ومش تنسونى فى اللحمه ماشى

AddThis Social Bookmark Button


مش داخله عليا  

السبت، 6 ديسمبر 2008


الصراحه مش داخله عليا حكايه ان اللى قتل بنت ليلى غفران ونادين دى هو المجرم اللى الشرطه قبضت عليه مش راضيه تتدخل خالص اجبها يمين اجبها شمال اسباب مش مقنعه خالص يفال ان اللى القاتل اسمه محمود سيد عبدالحفيظ عيسوي المشهور بكريم 20 عاما الحكايه اللى سمعتها ان الشخص ده باباها عند الكبد وفى حاله متاخره جدآ وامه مش بتشغل واخوً عشان كده سرق انه ظروفه وحش والحورات دى طبعى ده ميمنعش انه لو هو اللى عمل الجريمه المفروض يتعاقب الجريمه ذى مالمجرم قالها ان هو الظروف الماليه كانت وحشه معاه وان كان بيشتكى لصحابه فقاله لها اسرق وقولو ادخل على اى فيلا من 6 اكتوبر واضربها وان هو قام من النوم راح اشترى سيكنه اليد بتاعتها سمرا وانه راح ونزل فى جنينه واستخبا تحت شجره موز من الساعه 1 تقربيآ لحد الساعه 12 ونص بليل لحد ماحس ان النور خف وبعدين دخل من الشباك الحديد وفتحه بالعتله وفضل مستخبى وراء ستاره شويه ودخل اخد 200جنيه من المطبخ من تحت كيس البونبونى واخد الموبيل فالاقى واحده صحيت اما راح ضربها والتانيه قامت راحه برضه ضربها وقلع هدومه وحطها فى كيس عشان الدم اللى عليها فى حته عايزك وركب واد السواق 50جنيه عايزاك بقا تاخد بالك معايا من حبه حاجات
1 -ان القاتل قال انه الجريمه حصلت الساعه 12 ونص بليل او 1 ليله الاربعاء ومش فجر يوم الخميس بس الجيران قالت غير كده الجيران قالت ان هما سمعوا صوت خناق ومشاجره الساعه 5 لحد 5 ونص فجر الخميس


2_ان الشخص قال انه اخد 200 جنيه من المطبخ واخد موبايل واحد وبعدين راجع قال تانى يوم ان اخد 2 موبايل و400جنيه مش 200


3_ انك وانت بتسمع الوالد تحس انه بيسمع نشيد


4_ان فى وسط الكلام الوالد راح قال نسيت وفضل حوالى دقيقه ساكت وبعدين كمل وكمان


5_وهو بيتكلم قال اليد مش الايد بالذمه الولد ده شكله يتكلم فصحه


6_ ان قال انه اشترى السكينه من واحد ماشى عشان مش يكون فى مكان نسال فيه هوخد السكينه من هناك ولا لا



7_ان هو لو رايح يسرق واخد 200 او 400 جنيه وقدمه فلوس كتير هيسبها ويمشى ده كفايه عليه دهب بنت ليلى غفران امها اعدت تعد فيه ساعه وكله الماظ

8_ان لو قتل هبه وهو مكنش قصده يقتل هيروح يضربها 18 طعنه اكيد ضربه واحد يعنى


9_ لونادين صحيت اكيد هيحس بالحركه ويجرى طب لو مش جرى هيضربه ضربه او اتنين ويمشى مش يعد يقطع رقابتها


10_ لما هو رايح عشان يسرق ايه اللى هيخليه يشترى سكينه حوالى نص متر طب مهو ممكن ياخد مطوه وخلاص


11_ هما قالو ان هو سرق الفلوس الاول وبعدين فتل طب ايه اللى هيخلى الشنطه بتاعت نادين فيها دم


12_ ايه اللى خلى العتله اللى فاتح بيها الشباك تظهر تانى يوم

13_ ليه العنف ده والقسوه دى وكميه الطعنات و قطع الرقبه وتعوير اللسان ليه ده كله مش معقول عشان 200جنييه


اخر سبب احنا فى مصر بلد الامن والامان مش كده برضه ولا ده عنوان درس قراءه اخدته فى 2 ابتدائى

AddThis Social Bookmark Button


فيروس c يقتحم حياتى  

الأحد، 23 نوفمبر 2008


ايوه اقتحم حياتى وخايفه ليدمرهه ذى مابيدمر حياه اى حد بيدخلها
هو الفيروس مش فيا لكن انا كنت اتمنا يكون فيا ومش يكون عند
اغلى حد ليا هو جه لخالى وانا لسه عارفه ده قريب لان الخبر
كان متخبيى عليا بس لما عرفت كان نفسى فى حاجه من الاتنين
انى كنت اموت قبل مااسمع حاجه ذى دى او يكون الحاجه دى فيا
انا بس رغم ان ده حصل فعلا الا انى بقول لا ده فيروس غير
كل الفيروسات الفيروس ده بسيط ومش هيقدر يعمل حاجه
من اللى بتحصل ده يمكن بصبر نفسى او بضحك عليها ومش
لقيت فى ايدى حاجه غير ان ادعى ربنا واقول يارب ان
انت قادر على شى فاشفى مرضنا ومرضا المسلمين
ياريت اللى يقرأ التوبيك يدعى لخالى بشفا

AddThis Social Bookmark Button


ولا خدنا حقنا وغرقنا كلنا  

الأحد، 2 نوفمبر 2008


يــــا ناخد حـــقــــنا ............. يــانغرق كــــلــــنا
كنا بنقول كده فى الاول لما العباره غرقت وكنا عند كلمتنا
فاكرين الموضوع اللى انا كنت كاتبه عن العباره وممدوح اسماعيل والعباره
كنت كاتبه ( ان اهل الضحايا منهم اللى جه لها اهتزاز نفسى ومنها اللى ماتت حسره على بنتها
ومنهم اللى جه له شلل والباقيه تاتى ) وكان عندى حق لما قولت ان الباقيه تاتى اتكلمت عن الراجل اللى اتشل
وقولت ( اما بقا عن الحاج اللى اتشل فانا الصراحه مش فهمت كلامه الا 3 كلمات هما الحكومه ممدوح اسماعيل
كلام فاضى ) الراجل ده مات انا وربنا معتش عارفه اكتب ايه ومش كتب حاجه بس احنا كنا صح لما قولنا لناخد حقنا
يانفرق كلنا واهو حقنا ضاع وغرقنا كلنا ولسه عند قولى
والــــبــــاقـــيـــه تـــاتـــى

AddThis Social Bookmark Button


انت بتضربنى طب خد  

السبت، 1 نوفمبر 2008


انت بتضربنى طب خد


الجمله دى اى واحد هيمد ايديه على مراته هيسمعه

مش انا اللى بقول الكلام ده ده مفتى السعوديه

حضرت مفتى السعوديه اصدر فتوى بتقول ان الست من حقها تضرب جوزها لو مد ايديه عليها

وكمان القلم قصاده قلمان عشان الست مخلوقه راقيه وضعيفه ذى مانتو عارفين ( دا احنا هنشتغل شغل )

مع انى واحده من ضمن اللى هيضربوا الا انى مش مبسوطه ولا جاحه من الكلام ده يعنى سياده المفتى الكريم ساب كل حاجه فى امور الدين وجاى على الضرب طب مهو كان ممكن يمنع او يجرم ضرب الراجل للمراته مش كده برضه ولا ايه ( اكيد المفتى ده جاى يهدى النفوس )

وبعدين لما المسلمين يتبعو الفتوى دى تبقا الحياه عامله ازاى بالذمه ؟ ولا شكل المسلمين ادم الغرب والغير المسلمين تبقا عامله ازاى ؟

ويقولك ده حق الست حق الست اه ان زوجها مش يضربها لكن مش حقها ان تضربه .

والله انا معرف الفتوى دى المفتى عاملها على اساس حديث ايه وسوره ايه فى القران المفروض يعنى كنا نعرف

يلا الكل يقرأ ويسيب تعليقه


انت مش هتسيب تعليق طب خــــــــــــد

AddThis Social Bookmark Button


ثانويه عاميه بقا هنعمل ايه  

السبت، 18 أكتوبر 2008

نظرآ لان الدراسه جيت( معلومه قديمه انا عارفه ) وانا كنت عامله مش وخده بالى



فانا مش هدخل كتير طبعآ ذى الاجازه عشان انا فى ثانويه عاميه ولازام ازاكر شويه



بس هدخل يوم فى الاسبوع عشان انتو هتوحشونى



وربنا يعدى السنادى على خير





AddThis Social Bookmark Button


محاكمه ممدوح اسماعيل....... ضحك على الدقون  

الخميس، 9 أكتوبر 2008

الحقيقه انه مش هو اللى هرب من العداله وخاف منها لا العداله هى اللى هربت وخافت منه
موضوع فات عليه حوالى سنتين لكن مش اتنسا الموضوع اللى كسر ضهر كل واحد
ووجع قلبه موضوع العباره رغم العدد الكبير من الحوداث اللى شغاله كل يوم
الا ان ده لسه فى دماغنا .
هتقولى بس دى حكايه قديمه شويه طب اكتبى عن الدويقه طيب . هقولك ليه انا كتبت عن العباره
صلى على النبى طب صلى على النبى كمان مره بس
انا كنت بذاكر امبارح بليل الساعه 2 كده المهم زهقت روحت فاتحه التلفزيون قولت الف
لفه كده
على القنوات لقيت برنامح الحقيقه بعد قليل مع الاعلامى وائل الابراشى قولت استنى كده لما تشوفى
مصيبه ايه اللى عليه الدور النهارده البرنامج بدا ولقيته بيتكلم عن العباره قولت ياااااااااه دى حلقه قديمه اوى
هى فى الحقيقه قديمه بس مش اوى يعنى قولت مش مشكله اعدى نكدى على نفسك شويه مهو لهتذاكرى لهتشوفى البرنامج قولت اشوف البرنامج احسن وفجاه لقيت المذيع بيقول لا تنسوا هذا اليوم يوم الاحد 27\7\2008
(ينهار مش باين له لون هو عباره جديده ولا ايه ) لقيته بيقول يوم الحكم فى قضيه ممدوح اسماعيل
وهل ظهر فعلا ممدوح اسماعيل على مساعده من الحكومه والقضاء المصرى ؟
افتكرت من فتره انى سمعت ان الاخ ممدوح اسماعيل اخد براءه بس انا قولت اكيد اشاعه
براءه ليه هى مصر مفهاش قانون ولا ايه يقتل زياده عن 1350 عشان التعويض وفى الاخر يطلع براءه ؟
ده لو كان سرق حبل غسيل مكنش اخد براءه والمذيع طلع عامل حوار مع اهل الضحايا بس كان لى
تعليق على المذيع كان المفروض يقول انا عامل حوار مع الضحايا اهل الضحايا عشان اهل الضحايا
منهم اللى جه لها اهتزاز نفسى ومنها اللى ماتت حسره على بنتها ومنهم اللى جه له شلل
والباقيه تاتى اما بقا عن اول واحده اللى جه لها اهتزاز نفسى فدى هى اه نعم جلها اهتزاز نفسى
بس قالت كلام االقاضى اللى حكم فى القاضيه معرفش يقول ذيه الكلام طالع من قلبها مليان نار وحرقه
ورغم كل الدموع اللى بينزل منها الا اان برضه نار الكلام منطفاش الست كانت بتقول باعلى صوتها حرام
والله حرام طب انت عندك ام مصريه اكيد عندك ام بتحس يك ام بتشم رحتك لما تكون طالع على السلم
قوم تفتح ليك من غير متضرب الجرس . واالله حرام ده كان مودب بس صح المودب هو اللى بيحصل له كده
طب انت عارف انا عارفه انى اتجننت انا مش ست عقله بس ده ابنى انا مش عايشه الحاله الحزن ده ساعه
دانا عايشه كل ساعه الست قالت كلام انا مش قادره ومش عايزه افتكره اقالت كلام يوجع لواحد يهودى
مش مسلم ومصرى
اما بقا عن الست اللى ماتت بحسراتها على بنتها الممرضه اللى كانت بتشتغل على العباره
شفت جزء من العزه وبعدين بنتها جيت تتكلم بس الحقيقه هى بكت اكنر ماتكلمت لو قارنت بين
دموعها وبين الحروف هتلاقى الدموع اكتر قالت انا امى ماتت لكن اختى لا لا مش ماتت
اختى لسه عايشه انا اختى مخطوفه وانا عارفه ربنا ينتقم من ممدوح اسماعيل
ويحرق قلبه على اغلى من عنده طب ربنا يخليه طيب يرجع ليا اختى اتحايل عليه ربنا
ربنا يخليك رجع اختى
اما بقا عن الحاج اللى اتشل فانا الصراحه مش فهمت كلامه الا 3 كلمات هما الحكومه ممدوح اسماعيل
كلام فاضى
وبعدين المذيع جه وبيعرف الضيوف فبيقول واحد من اهل المفقود والد المفقود
الراجل قاله لا انا والد المخطوف
وجيت تسجلت قديمه والطفل محمد كلنا اكيد عارفين هو مين بيبكى والمذيع بيقوله ياريت يكون
ممدوح اسماعيل يكون شايفك عشان ميعرفش ينام
وجة شخص تانى بيقول يعنى هو مسمعش عن الغواص اللى شاف دم كتير راح عشان يشوف فية اية
لقا ولد صغير قرش وكلة والست الحامل اللى ماتت وابنها جواها صاحى وبتحرك .
طب بالذمه مش حرام كده طب بذمتك انت مش بتتقطع عشانهم طب تخيل كده ان الولد الصغير اللى
القرش اكلة يبقى اخوك الصغير اقولك حاجة احسن تخيل ان الست الميتة وابنها لسة صاحى جواها تبقى
مراتك والطفل دة ابنك طب اقولك حاجة احسن واحسن تخيل ان الست اللى اتجننت دى تبقى مامتك
طب اقولك حاجة احسن واحسن واحسن تخيل ان اللى الحاج اللى اتشل دة يبقى باباك
وكل ده وفى الاخر ممدوح اسماعيل الراجل الطيب اللى قتل حوالى 1350 واحد بس
(مهو عدد قليل برضه )
ياخد برأة اصلى دة يعين امة يعين امة غرق كل دة عشان التعويض مهو برضه التعويض بيجيب ميت
عبارة زى العبارة دى بالناس اللى عليها. تبقى الميت عبارة احسن ولا الناس اللى فوقها
اما بقا الاخ بتاع سانتى كاترين اخد 6 شهور ايون كدا لسة فيكى عدل يامصر
انا بصراحة زهقت ومعدش عندى كلام يتقال بس عندى حسرة وحرقت قلبى
واللى اكبر من كدا عندى ربى اقولة حسبى الله ونعم الوكيل على كل ظالم عتيد

AddThis Social Bookmark Button


الـــحـــب هو ...... هو ايه ؟  

السبت، 4 أكتوبر 2008

دايمآ الواحد يفضل يفكر فى معنى الحب لكن فى الاخر يلاقى نفسه مش عارف يقول حاجه

انا عمرى ماقولت لحد الحب هو ايه وقالى معنى الحب فى اجابه

الكل يقول الحب ده احساس جميل جدآ تحس انكى طايره لما تشوفى حبيبك الحب حاجه مقدرش اوصفها بكلام

انا برضه فكرت فى معنى الحب بس ملقتش كلام يتقال عرفت ان الحب احساس مش كلام عشان يتوصف

بس برضه الحب فوق اى وصف

الحب متعرفش جه ازاى ولا امتا اللى انت عارفه انك عايز تعيش فيه




انك تحس ان انت واللى بتحبه واحد واجمل واحد فى الدنيا
وانى بينك وبينه حب مش عند حد




الحب انك تحس بالذنب لو حبيبك زعلان منك و متقدرش

تسيبه زعلان منك



الحب انك تحس ان انت لو حدك فى الدنيا
بعيد عنك



الحب انك متقدرش تنام طول الليل لمجرد انك
مسمعتش صوت حبيبك



الحب عامل زى الماء و الهواء لا يمكن الاستغناء عنهم
المهم يكونوا صافيين اوى




الحب انك تعمل اى حاجه عشان

توصل لحبيبك حتى لو كنت هتموت



الحب انك متحسش بالبرد وانت فى عز الشتاء



انك تحس انك متقدرش تعيش وهو بعيد عنك


انك نفسك تعيش طول حياتك وتموت وانت جمب حبيبك


الحب هو اول حد يقولك كل سنه وانت طيب فى عيد

ويحس انه عيد ميلاده هو مش عيد ميلادك


الحب انك تحس انك مالك الكون لو حبيبك جابلك ورده



الحب انك لما تجى تبص فى المرايه تلاقى

صورته هو متلقيش صورتك


الحب انك تحس وانت حمب حبيبك انك طاير فى السماء

الحب انك متلقاش كلام تكتبه لحيبيك يعبر عن اللى فى قلبك

الحب انك كل متجى تكتب اسم تلاقى اسم حبيبك هو اللى بينكتب

الحب انك تتعب وتذاكر عشان تشوف الفرحه فى عين حبيبك يوم نجاجك

الحب انك تفضل تزرع ورده وتحافظ عليها واول ماتكبر تقطفها لحبيبك




الحب ان لما حبيبك يتعب تحس ان انت اللى تعبان











الحب انك تحس ان حبيبك من كوكب تانى مش من الارض



الحب انك تفضل تحملم بيوم فرحك انت وحبيبك





الحب اتحس ان مفيش فى الدنيا حد بيحب حد ذى مانت بتحب حبيبك







الحب انك تفضل تخانق انت وهو على مين بيحب التانى اكتر



الحب انك تفضل مراقف الموبيل ومستنى الموبيل يرن

الحب انك تواجه المشاكل كله وتبقا اقوى حد طول ماحبيبك جمبك










الحب هو حاجات كتيره اوى





الحب هو ............................. هو ايه ؟

AddThis Social Bookmark Button


كل سنه وانتم طيبين  

الأربعاء، 1 أكتوبر 2008

كل سنه وانتم طيبين
وكل سنه والمسلمين كلهم بخير وفى سعاده يارب
انا قولت اعمل التوبك ده اول يوم العيد عشان الكل يسيب العديه
مش يضحك عليا ويقولى احنا لسه قبل العيد لما يبقا يجى
والحمد لله احنا فى عيد الفلوس مش فى عيد اللحمه
يلا الكل يخلنى اشوف حلوه فلوسه
عيد سعيد عليكم يارب

AddThis Social Bookmark Button


الزوجه الثانيه افضل من الصديقه  

السبت، 27 سبتمبر 2008

كنت فاتحه الفيس بوك النهارده رغم انى مش بحب افتحه المهم بقلب فى الجروبات
لقيت جروب اسمه الزوجه الثانيه افضل من الصديقه
كان مكتوب فى اول جروب حبه الكلام اللى هما بيقوله ايه فكره الجوب
والكلام اللى كان مكتوب هو
إلى كل زوج محترم ناجح و عادل ( خد بالك انت من محترم وناجح وعادل دول ) .. تزوج مره أخرى
إلى كل فتاه تعبت من البحث عن زوج محترم ورجل حقيقى .. لا تقفلى بابك أمام الرجل المتزوج
إلى كل زوجه .. انادى فيكى الإنسانه التى تسمو فوق حب الأنا .. إقبلى ما قبل به أفضل نساء العالم ..
لن أجادل فى أن هذا صعب وجارح ( ياراجل قول كلمه غيرده دى سهله خالص ذى شكت الدبوس )
ولكنه ضرورى وما أبيح شىء إلا لضرورة أو حاجه .. فما خلقت الدنيا عبثاً وكل شىء فيها يخضع للقانون الإلهى
والله الراجل ده تمام عايز يحل مشكله الزواج فى مصر والله ياعم انت عدك العيب وازح وجه عليا
انا نفسى اعرف ايه الكلام الفاضى اللى بيتقال ده انا شبه كان هيجلى شلل نصفى وانا بقرا الكلام ده
ازاى واحد يروح يتجوز على مراته ولما تقوله اتجوزت ليه يقوله عشان اساعد فى المجتمع لان مصر
محتاجه ان كل واحد يتجواز تانى عشان يحل مشكله العنوسة انا الصراحه لو فى مكانها عمرى ماهوافق
اخد فيه اقل من اعدام . انا مش بقول ان الجواز مره تانيه حرام لا ده حلال وربنا قال كده فى القران الكريم كده
بس خد بالك معايا من الايه وركز معايا
بسم الله الرحمن الرحيم
وءاتوا اليتامى أموالهم ولا تتبدلوا الخبيث بالطيب ولا تأكلوا أموالهم إلى أموالكم إنه كان حوبا كبيرا
،وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم
ألا تعدلوا فواحدة أو ما ملكت أيمانكم ذلك أدنى ألا تعولوا
اظن الايات واضحه
يعنى لما تتجوز واحده و انت فى اول حياتك تقف جمبك وتساعدك
وتعمل كل حاجه علشانك ولما تقف على رجلك وتشد حيلك تروح تتجوز
تبقا انت كده ظالم ولا بتساعد فى حل مشكله العنوسه .
وبعدين عنوسه ايه ياعم الكلام ده على طنط برضه طب لما هى العنوسه بجد
ماتب على الصوره الزوجه التانيه افضل من الصديقه ليه ؟ عشان تعرف
انها مش حكايه عنوسه ده العنوسه دى ستاره بتستخبه وراها
طب مانت ممكن تتبرع بفلوسك لاى شاب وتساعده وتخليه يتجوز
وتبقا برضه سهمت فى حل المشكله من غير ممتجوز تانى
ياجماعه اللى يفكر فى حاجه ذى يبقا بيساعد ان يهدم بيته والمجتمع
اللى عايش فيه وبيظلم انسانه واقفت جمبه وبيقوله بساعد الناس
قول رايك فى الموضوع كلامة صح ولا كلام الاخ اللى عامل الجروب ده ؟
مستنيه الرد

AddThis Social Bookmark Button


يارب لو عايز تموتنى متموتنيش الا ما ارجع البيت وابوس ماما واصلى العصر  


النهارده كنت راحه الدرس بعد صلاه العصر فبصدفه وانا ماشيه لقيت فى جنازه فى الشارع
فوانا بقول اشهد ان الا اله الله واشهد ان محمد رسول الله انتم السابقون ونحن اللاحقون بكم
فجاه حسيت بلسانى وقف عند كلمه اللاحقون بكم ى وحسيت كده بحاجه غريبه اول مره احسها
رغم انى بشوف جنازات كتير وبقول الكلمه دى كتير وعارفه ان انا هموت بس النهارده لقيت
نفسى وقفت اتفرج على الجنازه وقولت هو انا ممكن اموت الوقتى ولا انا لسه صغيره ؟
لقيتنى برد على نفسى وبقول لا مش صغيره طب مالواد عمرو جارنا مات السنه اللى فاتت
وكان قدى الله يرحمه يارب وكان برضه مفكر انه لسه صغير .
وسالت نفسى هو انا هيجلى يوم وهكون جوه الصندوق ده ؟
طب الناس هتقول الله يرحمها ولا لا ؟
ولا ياترى جنازتى هتبقا كبيره ولا صغيره ومفيش فيها حد ؟
طب الناس اللى تعدى وانا راحه ادفن هتقول الله يرحمها ولا لا ؟
طب لما الناس تدفنى وتمشى انا هعد لوحدى فى المقابر ؟
طب هى التربه بتاعتى هتبقا ايه روضه من رياض الجنه ولا حفره من حفر النار ؟
طب هو انا ممكن معتش اشوف ماما وبابا ولا اخواتى تانى خالص ؟
طب ياترى القبر هيبقا ضلمه ولا ربنا هبنور القبر ليا ؟
حسيت ياعتها انى ممكن اموات وانا بتفرج على الجنازه
و لقتنى بقول يارب لو عايز تموتنى متموتنيش الا ما ارجع البيت وابوس ماما واصلى العصر

AddThis Social Bookmark Button


امــــــــام الدعـــــــاه  

الثلاثاء، 23 سبتمبر 2008


انا النهارده مبسوطه جدآ لانى جايبه حاجه عن امام الدعاه محمد متولى الشعراوى

انا النهارده وانا بقلب فى النت لقيت موقع فيه كل حاجه عن الشيخ الشعرواى

هو موقع حلو اوى ياريت الكل يستفيد منه ويقولى رايه فيه

www.elsharawy.com

AddThis Social Bookmark Button


مـــــــــن أكـــــــــــون ؟  

الخميس، 18 سبتمبر 2008



مـــــــــن أكـــــــــــون ؟

أنـا إنـسـانـه ضـاعـت هـوايـتـهـا أم ركـام سـفـيـنـة مـزقـت أشـرعـتـهـا ؟

أنـا الـتي ما عـرفـت طعـم الحـزن يـوما بـت غـارقة بـيـن أمـطار عـيوني ..

رسـمت الـبـدايات وسـطـرت النـهـايـات ....

عــدت لا اعـلـم مـن أيـن بـدأت ولا إلـى أيـن انـتـهت ......

عـلمت العـيـون كـيـف تـبصر نـور الـدنـيا الطـيـف وأنا هـنا لا أرى سـوى القـهـر والظـلـم .....

زرعت الورود بيضاء فحصدت شوكه طعنتني حتى غدت حمراء .........

وضعت دستور الحب , نقشت فيه قوانين العشاق.......

عدت أبحث عن اسمي , فوجدت صفحة ممزقه مطبوعا عليها : ذهــــب ولـــم يـــــعــــد ......

وقبل أن يرحل قال : وداعا أميرتي , قد ولى زمانك وبدأ عصري والتقطت أنفاسي ,

قائله : إن كانت هذه سعادته ... فارحلي أيتها الكسيرة

ما كنت يوما في عينيه أميره ...بل كنت مجرد زخات صيف جفت في عروقه ......

ووجد نبعا يرويه غيري أصبح درب وسكتي مزروعة با الأشواك ......

والسراب رفيقي كظلي يتبع خطواتي ..خطوة تلو خطوة .........

أتجنب الأهوال اهرب من الحياة

ولــــــــــــــكـــــــــن الـقـدر يـقـف بـبـابـي ....... فـيـتـرصـدنـي

AddThis Social Bookmark Button


الدنيا ايه اللى حصل فيها  

فى حاجات كتير فى حياه الواحد المفروض ان ياخد فيها قرار
ساعات بيبقا القرار ده واخده عشان هو عاوز القرار ده
وساعات برضه بياخد القرار بس عشان الناس
رغم ممكن يكون متعذب اوى وهو بياخد القرار ده بس لازام عشان الناس
و عشان الناس بتقول ان ده غلط رغم ان الناس بتعمل الحاجات دى
بس من غير ماحد يعرف مش عارفه ليه ؟
طب ليه ؟؟؟؟؟؟؟؟
ميبقاش كل الناس عادى ؟
ليه ميبقاش كل واحد سايب غيره فى حاله ؟
ليه يخلى حد يختار حاجه وممكن يكون بيموت وهو بيعمله ؟
ليه اى حد ياخد قر ار غظب عنه ؟
انا والله ماعرف الدنيا ايه اللى حصل فيها

AddThis Social Bookmark Button


صـــــوره لذكــــــرى ثانويتى  

الثلاثاء، 16 سبتمبر 2008


صــــــــــــــــــــــــــــــــــوره للـــــذكــــــــــــــــــــــــــــــرى



ذكرى الثانويه العامه 2008

عشان منساش








محدش يقدر يقول ان فى تسريب هى البلد سايبه ولا ايه












AddThis Social Bookmark Button


انـــــــــا بــــــجـــــد شــــــاطــــــــــــــره (بس مجبتش مجموع )  



حكايتى بختصار(مش بختصار ولا حاجه بضحك عليكم بس هتقر ا برضه ) مع الكابوس (اه طبعآ اقصد الثانويه العامه) كانت السنادى 2008

كنت سنه تانيه ثانوى الموضوع كله انى كنت دخله ذى اى حد بيدخل بيبقا له احلام ورديه (وساعات تقلب على احمر شويه )

طول عمره بيحلم بها لما بيبقا فى الثانوى هيذاكر وهيبقا للدكتور للمهندس للظابط بصراحه انا كنت رسمه على مهندس دى

كانت الحياه ماشيه ميه ميه والمواد فله وكله تمام لحد يوم الامتحان العربى كان فى السليم ماعدا النحو قولت مش مشكله كل الناس

بتقول ان النحو كان رخم ان شاء الله المواد هتجى اسهل من كده كملنا مذاكره عادى خالص دى الماده اللى جايه سهله دى تفاضل وحساب مثلثات الحمد لله ده فرع كويس ربنا يستر بس فى الجبر اصل انا خايفه منه دخلت فضلت طول النهار انحل واروح الدرس الساعه 4 الفجر

والناس نايمه و افوجا يجلى ورقه بيقول عليها الامتحان بصيت فى الورقه قولت اكيد يعنى هما مش هيقول حاجه غلط قلت الحمد لله انا عارفه شكل المسائل انا حليت ذيها قبل كده اجى على المساله اجرب احلها مش راضيه هو القانون بالعافيه اللى بيطحت لكن المساله مش راضيه تتحل رغم انى حافظه القانون والنعمه الشريفه قولت لنفسى اكيد انتى اللى مش ذكرتى منتى اللى بتلعبى من اول السنه وارجع لا والله مذاكره المهم ببص جمبى لقيت اللجنه كلها ذى حلتى بلا انا متفوقه شويه الساعتين خلصو وسلمت الورقه وانا وربنا معرف انا كتبت ايه خرجت اكيد مش بكلم حد مشيت ساكته واول مدخلت البيت اتفتحت فى العيط (بس بجد اول مره احس انى فاشله كده ) سبيك بقا من التفاضل ونخش على الانجلش يااااااااااه الانجلش ده حبى الاول والاخير الصراحه كنت كل مافتكر التفاضل معرفش اذاكر بس قولت يابت دى ماده ومش شعقوله هيجوبه امتحان تانى ذى ده ابص فى القطعه مش بتتترجم بس مش الامتحان كان نص نص بس مش مشكله الصراحه هو كان اسهل من التفاضل ندخل بقا على الجبر انا مشخايفه الا منه ده العقده بتاعتى علطول رخم يارب اعمل ايه لما الامتحان بتاع التفاضل جه كده امال ده هيجى ازاى ادخل الامتحان الاقى امتحان تافه جدآ للدرجه انى مش هنقص فيه ربع درجه حتى . اعدت اقول هو انا بجد لا لا لا لامش شعقوله الراجل ابن ا .........

اللى كان حاطيت التفاضل يحط الجبر كده اكيد الامتحان ده متغير وربنا وفعلآ الامتحان ده معمول بعد امتحان التفاضل جيه بقا الفرنش يااااه ده اسهل ماده جه الامتحان يعنى بس انا طبعآ بدون فخر حليته و مكنش عندى الا نص درجه بس ( امال ايه متفوقه ) افوجا وللتانى مره بفوجا يوم النتجيه ان عندى 7 درجات بس والله لحد الوقتى معرف هما بتوع يه دخلنا بقا على المفيد الكمياء كل حاجه عندى كوم الا الكمياء دى حبيتش وكالعاده الاقى امتحان جاى من ماده اول مره اشوفه فى اللجنه تقولى ازاى اقولك معرفش ابص فى الورقه اختار 5 اساله الاقى كل سوال فى كولكعه ( حلوه كولكعه دى ) طلعت من اللجنه لقيت عندى 6 درجات كنت هموت من الزعل ولتالت مره افوجا يوم النتجيه انى ناقصه 15 (15 درجه يعنى 7 فى الميه ونص ) درجه بس تقولى بتوع ايه اقوك وربى وربك معرف وبعد كل هذه المعناه جبت 81 فى الميه بدون فخر فقررت ان ادخل هندسه مواسير وبلاعات بس وربنا وربنا لادب العلمى ده السنه الجايه بس خلاص على رايى الاسطى قصدى الفنان شعبان عبدالرحيم بس يارب يارب يارب تخلى الحكومه ويارب يارب يارب الامتحانات السنه الجايه تجى سهله ذى السنه اللى قبلها ويارب يارب يارب خليك مع الحكومه دى غلبانه ويارب يارب يارب خد الطابه هما اللى مش بيذكرو عيال فاشله يعنى عليكى ياحكومه

مش بالذمه كان لازام اكتب على المدونه طالبه مقهوره بس برضه هقول انـــــــــا بــــــجـــــد شــــــاطــــــــــــــره (بس مجبتش مجموع )



AddThis Social Bookmark Button


بحر الموت  

الجمعة، 15 أغسطس 2008

دى اول حاجه كتبتها فى حياتى ياريت اللى يقراها يقول رايه ايه ؟؟
................................................................................
فى وقت غروب الشمس والشمس تختفى والامواج تدوى والظلام يعم .
كنت اجلس امام البحر التمس منه القوه وهو يفتت الصخر وارى فيه
حال قلبى الظلام اخفى المكان وانا قلبى اشد ظلمه .فحياه صارت
ظلام حتى نظره عينى تشع ظلام . اجلس على الشاطى والناس وحدى
الناس تغادر الشاطى وانا اغمض عينى لعلى اشغر بالامان الذى افتقده .
اتحسس ذكرياتى التى لم انساه لحظه وتذكر ايهم وهو يقول لى انها
سيقوم برحله غدى الى باريس . فهذا عمله انه طيار انه اجمل ما رات
عينى انه حب العمر .فى العام الماضى يومآ كان مثل هذا اليوم كنت
على غير حالى كنت اتدى فستانى الاحمر لا الاسود كنت فى انتظار
ايهم فقد قال لى انه سياتى فى السابعه مساء اليوم انه سيحضر لى فستان
الزفاف كانت الفرحه تكاد تقفزمن عينى كنت ارتشف السعاده من كاس الحب
انه قال لى انه سياتى لى على البحر فى مكاننا المميز فيه
على اعلى صخره فيه كان يعتقد ان البحر ارق شى فى الوجود
وكالعاده السادسه من البيت لكى انتظره انه سياتى بفستان زفافى كنت اتمناه
ولكنى رايت مالم اريد ان اره كنت انا وهو كتبنا اول حروف من اسمانا
هذه الصخره ولكن لقد اختفى هذا النقش لم يعد يظهر الا بسيط .
يالهى ماذا يدور بداخل رسك ياحنين مش مشكله سوف نكتبهم مه ثانيه
عندما ايهم هذا اليوم منذ ان رايته .ياربى ماهذا الساعه التاسعه
الان وايهم لم ياتى ؟ هل نسى موعدنا ؟ لا لا لا اعتقد ايهم ايهم لم ينسى يومآ موعد بيننا
جلست اناجى البحر واساله عن السبب ولكن لم يجبنى لم اعرف لماذا انه المره الوحيده الذى
يفعل معى ذلك فكان دايمآ يتحدث معى . ما هوالحل ؟ ياربى ساعدنى . سوف اتصل به وهذا
لكن الموبيل غير متاح معنى ذلك انه لم ياتى من باريس حتى الان زاد القلق بقلبى
وجلست اتحدث الى نفسى لماذا لم ياتى ؟ ولكن لم اعلم المنزل لعلى افعل شى وفجاه
رن الموبيل انه رقم المطار انه هو لم ياتى على بالى ان اتصال بالمطار ماهذا كل الغباء ؟ .
قلبى خفق من الفرحه
انا: الو
هو : السلام
انا : عليكم السلام ( ماهذا انه صوت غير صوت ايهم )
انا : من انت ؟
هو : انا صديق ايهم
هو : انتى حنين ؟
انا : نعم انا هى
انا : ايهم اين هو ؟
هو : يوسفنى ان ابلغك بهذا الخبر

انا : فى شى ؟ اخبرنى
هو :الطائره العاده من باريس قد سقطت فى البحر
قطعته وصرخت بوجه : اين ايهم كان عليها قول لى لا ارجوك قول لى لا
هو: للاسف .........
انا: لاتقول انه كان بدخلها لا تقول انه مات لا تقول بالله عليك
احسست بان روحى قد خرجت من جسدى وانا التى مت ليس ايهم وانا الان اجلس امام البحر
وانا لابسه فستانى الاسود . و فى يدى فستان زفافى اناجى البحر والدموع تنزرف من عينى
مثل المطر لتزيد البحر ماء واسال البحر لماذا لماذا سرقت حبيبى لماذا تسرق من حياتى كيف
استطيع الحياه الان ؟ لماذا ؟ولقد مرت ايام عمرى امامك .......قلبى يكاد يختنق الحياه مظلمه
الشمس تغيب تشرق . وها انا امام البحر انظر اليه فى تعجب بعد ان كان يلمس الصخرالان يفتتها
.وانا ايضآ اتعجب لحالى بعد ان كنت ارتشف السعاده من كاس الحب فانا الان ارشف الياس من كاس العذاب
قلبى يصرج ولكن لا احد يسمعه غيرى . نعم ايتا الشمس لا تشرقى بعد اليوم
وايتها البحر القاسى كن اقوى من الصخور فالصخور لاتتفتت قوه منك ولكنها تتفتت حزنا على ايهم .
ماهذا الشخص من الذى يقترب منى ؟
لا لا هو لا ياربى ماهذا انه ايهم
اهو انت ؟ نعم انت هو فجريت اليه وضمنى
وقولت له انت مازلت حى ؟
لى انا لم اركب الطائره .
انا : لا لا ياربى الحمد لك
نعم فلتشرقى ياشمس و لتذهب ياظلام ولترقص ياقلبى الحزين لقد عاد ايهم . انا : اوعدنى ياايهم انك لم تتركنى
بعد اليوم ؟ . وتاتى موجه قويه وافتح عينى من هذا الحلم لاجد نفسى وحدى فى دنيتى الحزينه .
اسبح فى الذكريات بمجداف الياس .
ماذا تريد منى يابحر اخذت منى حبيبى اتريد ان تاخذ حلمى ؟

قلب المحيط

17\ 7 \ 2006

AddThis Social Bookmark Button


انا لو اذيته  


انا مش بحب اكتب اغانى بس حقيقى الاغنيه دى كلما جامد اوى
.................................................................
انا لو اذيته
كان عملى زيادة عن كدا ايه
بالعكس عمرى ماخدت منه نص اللى انا بديه
كان عايز يموتنى يعنى يرتاح
وانا مجروحدا مشفش غير حنية منى مشفش غير الخير
وانا لو قاتله حد اسهل من كدا بكتير
خايف ليعرف قيمة اللى ف ايده لما يروح
عموما يالا مش فارقة و مش خسران
عشان اعرف دا دلوقتى انا الكسبان
دا يوم مارضى يريحنى وانا بنسى
ومش يمكن لو انا اكمل تعيش ندمان
لو غلطة منى من يقولى انا طب غلطت فى ايه
طبيعى لما تحب حد تكون مآمن ليه
قصر الكلام هيفيد بايه خلاص نرجع ليه
زمانه رتب كل حاجة وعاش حياته خلاص
مش فارقة عنده اى عشرة بينا ولا احساس
وانا مش هوقف يوم حياتى الدنيا مليانة ناس

AddThis Social Bookmark Button


اليوم مات حبيبي  

الاثنين، 11 أغسطس 2008

اليوم مات حبيبي


حلمت بالحب المستحيل ؟؟؟

الذي لا يعرف الحدود ..........

ويكسر الأبواب ... والقيود ...

فحبك لم يكن من النوع المستحيل !!!

لأنه لم يصنع المعجزات وكان كأسراب !!!

كان حبا عفويا غجريا.......

سلمت له الروح بيدي ولكنه كان دوما يغلق الأبواب!!!

بنيت له عشا طرزته بالأوراق الخريفية ...

ووضعته فوق السحاب ...

سمع كلامي وحدق بعينه وسالت دموعه ... حرقتني ؟؟ اوجعتنى ..

ذبحني وهو في طريقه للتراب ؟؟

كان يحتضر يلتقط أنفاسه الأخيرة ... كان طفلا مزقته اسود الغاب

توسلت إليه أن ينس العتاب !!!

فحضنته بين ذراعي ولكنه تركني واختار صندوقا تحت التراب!!!

ضاع الأمل وضاعت الحياة..........

واحترقت كعود ثقاب !!!

فقدت كل شي وسأفقد أشياء أخرى !!

وحسبت يوما اننى ملكت الرحاب ؟؟
يجتاحني الألم ... اشعر أن في القلب ألف ألف سهم محاطة بحراب !!

سأسجن روحي ... سأخنق قلبي ... لأنه سار يوما خلف سراب !!

سأهجر عشي الجميل واترك الأرض ...

سأصبح في السماء عقاب تشتت افكارى ؟؟؟

وأدركت في النهاية أن القدر يمسك بيده قوس نشاب !!!

حياتي أصبحت كلها أحزان !!

و افراحى تاهت في عالم النسيان ........

ولا يشفى جروحي سوى الموت لأنه يرحمني ويبعد عنى الأحزان

لا

لا

لا

صرخات خرجت من دخلي

لا يمكن أن اكره نفسي ؟؟

أن أحب الموت على العيش مع ذكرك!!!

وقفت وكلى إصرار وعزيمة على السير في دربي وعصر الأحزان في قلبي

فلست أنا من تكره الحياة وتحب الموت !!

من اجل حبيب مات وعاش بدخلى


_________________

AddThis Social Bookmark Button


انت منى  

الثلاثاء، 8 يوليو 2008


انا سبتك وانت مني
ندمانه للنهارده
لو حتى غصب عني
ما كنش لازم ارضى
انا بتطمن عليكو
انا من بعيد لبعيد
بخاف لو رحت ليك
الاقيك حبيت جدي
دمش من حقي العتاب
مانا سبتك للعذاب
لكن ربي اللي عالم
اخلاصي و حبي ليك
انا حبعد عنك وانا وياك قلبي

هتحمل تعبي
بعدك الله يعينيلو صدفة
قبلتك صبرني ياربي
لا يبان لك حبي
وانت قريب مني
حاولت انا اداري حبك

و اضحك على روحي و انسى
صورتك ما غابتش عني
شايلاك في قلبي لسه
الليل عليا طالو
انا بسأل نفسي ليهبخبي حنيني ليك
ولا بقدر يوم عليه

AddThis Social Bookmark Button


طفاك القدر ياشمعتى  

طفاك القدر ياشمعتي
خلاني اجر بحسرت
يشلي بهالعمر يادنيتي
محسود على حظي وقسمتي
شلي بهالعمر يادنيتي
محسود على حظي وقسمتي
فص ملح وذاب مابين اديه
وراح شباب وغاب ماتهنى يوم وارتاح
فص ملح وذاب مابين اديه
وراح شباب وغاب ماتهنى يوم وارتاح
ياشمس الدنيا والقمر
أنا ادفع شبابي والعمر
لو يرجع اضمه واعتذر
ويشوف اش سوى بيه القهر
لو يرجع اضمه واعتذر
ويشوف اش سوى بيه القهر
فص ملح وذاب مابين اديه وراح
شباب وغاب ماتهنى يوم وارتاح

AddThis Social Bookmark Button


 

Design by Amanda @ Blogger Buster