انت بتضربنى طب خد  

السبت، 1 نوفمبر، 2008


انت بتضربنى طب خد


الجمله دى اى واحد هيمد ايديه على مراته هيسمعه

مش انا اللى بقول الكلام ده ده مفتى السعوديه

حضرت مفتى السعوديه اصدر فتوى بتقول ان الست من حقها تضرب جوزها لو مد ايديه عليها

وكمان القلم قصاده قلمان عشان الست مخلوقه راقيه وضعيفه ذى مانتو عارفين ( دا احنا هنشتغل شغل )

مع انى واحده من ضمن اللى هيضربوا الا انى مش مبسوطه ولا جاحه من الكلام ده يعنى سياده المفتى الكريم ساب كل حاجه فى امور الدين وجاى على الضرب طب مهو كان ممكن يمنع او يجرم ضرب الراجل للمراته مش كده برضه ولا ايه ( اكيد المفتى ده جاى يهدى النفوس )

وبعدين لما المسلمين يتبعو الفتوى دى تبقا الحياه عامله ازاى بالذمه ؟ ولا شكل المسلمين ادم الغرب والغير المسلمين تبقا عامله ازاى ؟

ويقولك ده حق الست حق الست اه ان زوجها مش يضربها لكن مش حقها ان تضربه .

والله انا معرف الفتوى دى المفتى عاملها على اساس حديث ايه وسوره ايه فى القران المفروض يعنى كنا نعرف

يلا الكل يقرأ ويسيب تعليقه


انت مش هتسيب تعليق طب خــــــــــــد

AddThis Social Bookmark Button


6 التعليقات: to “ انت بتضربنى طب خد

  • كـــيــــــــارا
    1 نوفمبر، 2008 10:50 ص  

    هههههههههههههههههههههههههههههههه

    طب اهو بيهدو النفوس

    ولما تضربه قلمين هو بقي هياثر لكرامته ويناولها بونيه تقوم هي مدياله بونيتين

    وعيش بقي

    بييييييييس

  • طالبه مقهوره
    1 نوفمبر، 2008 1:54 م  

    ليك حق تضحكى مهو شر البليه مايضحك

  • الغالى
    4 نوفمبر، 2008 4:39 ص  

    شوفى يا ستى انا عايش فى السعوديه
    بس دى أول مره أسمع عن الفتوى دى
    لكنها لو حصلت فسندها الوحيد أمر من زوجة اللى أفتى بيها.
    ومن واقع خبرتى بيهم هم مش محتاجين لفتوى زى دى لأن الراجل هنافى البيت ماعندوش غير تلت كلمات هى (سم طال عمرك )سم بفتح السين وسكون الميم
    والمعنى حاضرولازم الدعاء .طال عمرك.وإلا تطبق الفتوى دون حاجه لصدورها.
    واللى ما يزرش مدونتى هضربه وخلى الفتوى تنفعه

  • __—¤¤AhMeD.3LaM¤¤—__
    4 نوفمبر، 2008 1:17 م  

    ههه
    شيوخ ومفتي السعوديه ليهم شوية فتاوي
    مش عارف بيجبوهم منين

    انهم يتبعون ديناا جديد

    ههههههه

  • طالبه مقهوره
    16 نوفمبر، 2008 1:19 م  

    الغالى

    الفتوى على فكره اتعرفت جامد وشوفته على اكتر من قناه فضيائيه

    بس شفت مصر عرفتها من قبل السعوديه

    وده معناه ان مصر الحمد لله مستنيه

    نورت

  • طالبه مقهوره
    16 نوفمبر، 2008 1:27 م  

    اضحك اضحك

    يااحمد مهو شر الباليه مايضحك

 

Design by Amanda @ Blogger Buster