مش داخله عليا  

السبت، 6 ديسمبر، 2008


الصراحه مش داخله عليا حكايه ان اللى قتل بنت ليلى غفران ونادين دى هو المجرم اللى الشرطه قبضت عليه مش راضيه تتدخل خالص اجبها يمين اجبها شمال اسباب مش مقنعه خالص يفال ان اللى القاتل اسمه محمود سيد عبدالحفيظ عيسوي المشهور بكريم 20 عاما الحكايه اللى سمعتها ان الشخص ده باباها عند الكبد وفى حاله متاخره جدآ وامه مش بتشغل واخوً عشان كده سرق انه ظروفه وحش والحورات دى طبعى ده ميمنعش انه لو هو اللى عمل الجريمه المفروض يتعاقب الجريمه ذى مالمجرم قالها ان هو الظروف الماليه كانت وحشه معاه وان كان بيشتكى لصحابه فقاله لها اسرق وقولو ادخل على اى فيلا من 6 اكتوبر واضربها وان هو قام من النوم راح اشترى سيكنه اليد بتاعتها سمرا وانه راح ونزل فى جنينه واستخبا تحت شجره موز من الساعه 1 تقربيآ لحد الساعه 12 ونص بليل لحد ماحس ان النور خف وبعدين دخل من الشباك الحديد وفتحه بالعتله وفضل مستخبى وراء ستاره شويه ودخل اخد 200جنيه من المطبخ من تحت كيس البونبونى واخد الموبيل فالاقى واحده صحيت اما راح ضربها والتانيه قامت راحه برضه ضربها وقلع هدومه وحطها فى كيس عشان الدم اللى عليها فى حته عايزك وركب واد السواق 50جنيه عايزاك بقا تاخد بالك معايا من حبه حاجات
1 -ان القاتل قال انه الجريمه حصلت الساعه 12 ونص بليل او 1 ليله الاربعاء ومش فجر يوم الخميس بس الجيران قالت غير كده الجيران قالت ان هما سمعوا صوت خناق ومشاجره الساعه 5 لحد 5 ونص فجر الخميس


2_ان الشخص قال انه اخد 200 جنيه من المطبخ واخد موبايل واحد وبعدين راجع قال تانى يوم ان اخد 2 موبايل و400جنيه مش 200


3_ انك وانت بتسمع الوالد تحس انه بيسمع نشيد


4_ان فى وسط الكلام الوالد راح قال نسيت وفضل حوالى دقيقه ساكت وبعدين كمل وكمان


5_وهو بيتكلم قال اليد مش الايد بالذمه الولد ده شكله يتكلم فصحه


6_ ان قال انه اشترى السكينه من واحد ماشى عشان مش يكون فى مكان نسال فيه هوخد السكينه من هناك ولا لا



7_ان هو لو رايح يسرق واخد 200 او 400 جنيه وقدمه فلوس كتير هيسبها ويمشى ده كفايه عليه دهب بنت ليلى غفران امها اعدت تعد فيه ساعه وكله الماظ

8_ان لو قتل هبه وهو مكنش قصده يقتل هيروح يضربها 18 طعنه اكيد ضربه واحد يعنى


9_ لونادين صحيت اكيد هيحس بالحركه ويجرى طب لو مش جرى هيضربه ضربه او اتنين ويمشى مش يعد يقطع رقابتها


10_ لما هو رايح عشان يسرق ايه اللى هيخليه يشترى سكينه حوالى نص متر طب مهو ممكن ياخد مطوه وخلاص


11_ هما قالو ان هو سرق الفلوس الاول وبعدين فتل طب ايه اللى هيخلى الشنطه بتاعت نادين فيها دم


12_ ايه اللى خلى العتله اللى فاتح بيها الشباك تظهر تانى يوم

13_ ليه العنف ده والقسوه دى وكميه الطعنات و قطع الرقبه وتعوير اللسان ليه ده كله مش معقول عشان 200جنييه


اخر سبب احنا فى مصر بلد الامن والامان مش كده برضه ولا ده عنوان درس قراءه اخدته فى 2 ابتدائى

AddThis Social Bookmark Button


4 التعليقات: to “ مش داخله عليا

  • «۩ AhMeD 3LaM۩»
    6 ديسمبر، 2008 2:28 م  

    انا جاي اقولك كل سنه وانتي طيبه
    والعيد ده بتاع اللحمه مفهوش عيديه
    هاااا

    سيبك من ده كلو دي لاول جريمه ولا اخر جريمه هتحصل وفي ناس كتيره قوي غلابه بيموتو وبناتهم بتموت الي في مترو الانفاق والي من الجوع والي والي ومدش بيسمع عنهم عشان غلابه
    سيبك يا شيخه ربنا يكملها بالستر وفي الاول وفي الاخر في رب عدل هيقضي بالحق المبين

  • مولان
    6 ديسمبر، 2008 3:12 م  

    ولا داخله علي حد

    كل سنه وانتي طيبه

    عيد سعييد

  • طالبه مقهوره
    7 ديسمبر، 2008 1:51 ص  

    كل سنه وانت بالف صحه وسلامه ياحمد ومليش دعوه العديه تجى انت مش قولت من العيد اللى فات ملليش دعوه بحورات اللحمه دى

  • طالبه مقهوره
    7 ديسمبر، 2008 1:54 ص  

    اه والله يامولان مش دخله على حد بس فى ناس بتستهبل
    وتقول داخله عليها

    كل سنه وانتى طيبه ياجميل

 

Design by Amanda @ Blogger Buster