مهما كان مصر متستهلش كده  

الاثنين، 29 ديسمبر 2008

مصر متستهلش ان كل ده يحصلها مش تسب كده فى كل مكان

ولا تستهل ان الدول العربيه تعمل عند السفارات المصريه مظاهرات

ولا ان الدول العربيه تسيب عدوه الحقيقى اسرائيل وتسب فى مصر

اسرائيل كده هتححقق هدفها وهتخلينا احنا نمسك فى بعض

احنا مش خوانا المصرين فيهما حماس ورغبه فى تدمير اليهود

مش فى اى حد تانى

اكيد الكل بيقول ازاى انا لسه عامله توبيك امبارح وانا زعلانه من مصر

انا كنت بعبر عن الشعور اللى حسيته وانا شايفه الصوره الزفت اللى كل الناس اخدتها عن مصر

كنت مكسوفه والناس بتقول كده على مصر

عمر مامشكله مصر هتتحل واحنا ماشين نتشتم فى بعض المفروض اللى قادر على حاجه يساعد بيها يعملها

انا بدات بنفسى والحمد لله حاسه انى عملت حاجه بسلوب بسيط جدآ يعنى قرارت وانا اصحابى واهلى

نصوم اول يوم فى السنه الجديده وندعى للغزه وان ربنا يساعده ويهد اليهود وبرضه بنحاول نجمع تبرعات

مش مشينا نخبط على كل بيت بس كل واحد قال لصحابه وقال لصحابه يقول لصحابهم ولو كل واحد عمل كده هنقدر نساعد

لكن مش كل دوله تعد تسيب وتشتم فى التانيه

AddThis Social Bookmark Button


13 التعليقات: to “ مهما كان مصر متستهلش كده

  • Kiara
    30 ديسمبر 2008 في 10:19 ص  

    بالضبط

    بس هو مقدروش علي الحمار فبيمسكو في البردعه

    عااااااااااااااااااااادي اتعودنا من زمن الزمن

  • Ahmed Mohamed
    30 ديسمبر 2008 في 1:47 م  

    تمام كده وصح الكلام
    تعرفي
    الاعلام وحماس وحسن نصر الله
    كانو السبب في تهيج جماهير العرب ضدنا
    واجبرونا نكون في حالة دفاع
    بس لاء وقت الجد
    مصر ومن بعدها الطوفان
    عموما بجد نفسي ربنا ينصرنا
    وينصر حماس وحزب الله مدام بيحاربو اسرائيل بس بدون مزايده

  • حـــــروف متــبعترة " عــمرو الشــايب
    30 ديسمبر 2008 في 3:33 م  

    الكل بيتكلم كل واحد بقى بتيكلم لو شوفتى يا مي الى بيحصل هتتلاقي سوريين و ايرانين و لبنانين طب فين حزب الله اللباني فين ايران النووية فين سوريا انا مستغرب اوى حد يقولى هما فين لازم نكتب ولازم نشارك برينا و لازم نقف مع مصر مصر دي مهما كانت بلدنا ياريت الكل يدخل يشوف المدونة دي ياريت http://speromory.blogspot.com/

  • ا لـعـبـد لـلــه
    1 فبراير 2009 في 2:06 م  

    أنا معاكي طبعا لكن احنا اتعودنا على ده من العرب ..لانهم دايما يسيبوا المشكلة الرئيسيه ويمسكوا في التفاهات.يعني كل العرب سابوا اسرائيل اللي بتضرب غزة ومسكوا في مصر اللي مش عاوزة تفتح العرب..أعتقد احنا كبرنا ونقدر نفهم كل شئ حوالينا كويس.الموضوع مهم فعلا .صالح
    ياريت تشرفوا مدونتي المتواضعه بعد طول غياب

  • elsha3er
    1 فبراير 2009 في 7:00 م  

    سيبك من كل دة كل دة لعبة بتتلعب على العقول البسيطة

    انها يا اختاة ما يطلق عليها السياسة

    تحياتى


    احمد الشاعر

  • MaNoO
    23 فبراير 2009 في 7:32 ص  

    هما دايما شايفين ان مصر هيا اللى المفروض تعمل اى حاجة يعنى لو الكويت اللى كانت بتتضرب هيقولوا مصر المفروض تعمل حاجة ودا طبعا مش الأسباب اللى جايبانا لورا شوية هتقولى انت بترمى اللوم عليهم هقولك انا قلت من الأسباب يعنى مجرد سبب بس عارفة الكلام ده مش بيأثر والله لان مهما كان فى أى زمن فى ناس عارفة قيمة مصر ودورها على مدى التاريخ

  • حـــلـــم كـــان
    8 مارس 2009 في 8:55 ص  

    برد لسه الوقتى على البوست يمكن عشان مكنش ليا نفس اتلكم وقتها
    ويمكن عشان معتش بدخل زى الاول الصراحه مش عارفه الاسباب

    سورى للتاخيرى

  • حـــلـــم كـــان
    8 مارس 2009 في 8:56 ص  

    كيارا

    هى البردعه دى اللى مودينا فى دهيه

  • حـــلـــم كـــان
    8 مارس 2009 في 8:57 ص  

    يارب يااحمد

    وربنا ينتقم من اللى كان السبب

  • حـــلـــم كـــان
    8 مارس 2009 في 9:00 ص  

    نفسى والله ياعمرو نبقا ايد واحده وميبقش سوريين و ايرانين و لبنانين نبقا عرب

  • حـــلـــم كـــان
    8 مارس 2009 في 9:01 ص  

    سابوا اسرائيل اللي بتضرب غزة ومسكوا في مصر

    اهو ده اللى شللنى

    مبسوطه بزيارتك جدآ

  • حـــلـــم كـــان
    9 مارس 2009 في 7:43 ص  

    صدق تعريف جامد للسياسه اوى مره اعرفه

    بس حلوه اختاه دى

    منور دايمآ ياشاعر

  • حـــلـــم كـــان
    9 مارس 2009 في 7:45 ص  

    مانو عجبنى رايك جدآ

    بس والله الواحد زهق من الاحنا فيه

    عجبيتنى مدونتك جدآ

 

Design by Amanda @ Blogger Buster