شكلها كده لحمه  

الأربعاء، 2 ديسمبر، 2009




هحكى ليكم حكايه قهوه مصريه



وهسالكم فى اخر الحكايه دى سوال



كان ياماكان



كان فى قهوه على ناصيه شارع



وكانت القهوه مخليه منظر الشارع



وحش اوى عشان مكنتش قهوه مصريه



من بتوع الناس المصرين الجد



مش قهوه اى واحد ينزل يقابل اصحابه



عليها كانت فقط للمشوبهين



عارفين ليه ياشاطرين ؟



عشان كانت بتبيع حاجات عيب



ايوه بالظبط بتبيع مخدرات بلاش



مخدرات ماشيها بانجو وحشيش



القهوه دى كان بيدخلها الناس



الى معاهم فلوس اوى والناس



الى مش معاهم فلوس اوى



بيدخلو بيعملو شوبنج



منهم بيدخولها بسبب ان ماما وبابا



من كتر دلعهم فيه بق عيل فاسد



ومنهم اللى بيروح عشان ملقاش



ماما وبابا يقول ان ده حرام وده عيب



تلاقى المنظر من دول نازل بيعمل شوبنج



وتلاقى واحد مش لاقى ياكل برضه نازل



يبضع مع ان ممكن يبقا مفيش فى جيبه نص



جنيه ولا فى بيته لقمه عيش بس نازل



برضه يشترى



المهم ان الشرطه عارفه ان كل ده بيحصل



فى القهوه وعامله نفسها مش واخده بالها



ولما الموضوع بقا اوفر قالو عاملنها مصيده



للناس



طب ماقبض على الكبير ميشتريش الصغير



المشكله بقا مش فده كله




الحاجات دى بقت عادى



المشكله ان القهوه دى عليها ضغط اليومين دول



فوق الفظيع



والله العظيم والله العظيم والله العظيم



بالطابور اه والله بالطابور



وتلاقى حوالين القهوه ناس كتير كده ذى مايكون



فى خناقه



لا وايه ياريت اصحاب القهوه حمدين ربنا



ده بيعملو اعلان لكل شخص داخل



المنطقه يمكن ابليس يلعب فى دماغه ويروح يعمل شوبنج



هو كمان



انا بقا عايزه اعرف ايه سر زياده العدد اليومين دول



هى القهوه بتوزع لحمه ولابتبيع بانجو ؟؟؟؟؟



AddThis Social Bookmark Button


35 التعليقات: to “ شكلها كده لحمه

  • ameen
    3 ديسمبر، 2009 9:55 ص  

    الحكايه دى يا مى اصبحت شئ عادى من زمان خالص


    دا الجديد بقى دلوقتى ان فيه بلاد كامله متخصصه فى التجاره دى


    هى تجاره مربحه بصراحه
    _____________

    ههههههههههههههه







    لكن للاسف تلاقى المشكلات الاجتماعيه اللى احنا عايشين فيها هى اللى سببت دا كله

    كل يوم طابور العاطلين بيزيد واحد والف كمان


    والفراغ ممل وبيقتل الانسان اصلا وبيموت اى قيم


    نصيحتى ليكى متزعليش من الكلام ده واتاقلمى معاه

    وحاولى بعد عمر مديد انشاء الله تكونى عون لابنائك

    وربنا يوفقك

  • El_Tahan
    3 ديسمبر، 2009 1:50 م  

    ههههههههههههه
    اكيد بتوزع لحمه لان البانجو بقى غالى تصورى باكيته البانجو بتعمل تلت سجاير وسمسون صغير بس فااكيد بتوزع لحمه

  • Mr.Hazem
    3 ديسمبر، 2009 9:15 م  

    ههههه معقول في كده مناطق !
    لا الحمد لله احنا عنا شبه منعدم
    لدرجة انه اصبحوا يلاحقوا متعاطي التريمال
    والتريمال هادا ماده علاجية مسكنه .
    واصبح عليها رقابة شديدة فيما يتعلق ببيعها

  • محمد عبدالرحمن شحاته
    3 ديسمبر، 2009 11:44 م  

    الناس اول ماييجي العيد تفكر في اللحمه
    طب ما تفكروا اخدتوا العيديه ولا لا
    يالا
    كل سنه وانتوا طيبين

  • محمد عبدالرحمن شحاته
    4 ديسمبر، 2009 12:46 ص  

    ليكي عندي تاج روحي خديه وسيبي 35 قرش

  • ابتسامة حزن
    4 ديسمبر، 2009 7:52 ص  

    ابقى شغليلهم ف البلكونه انا شارب سيجاره بنى وحاسس ان دماغى بتاكلنى
    حاولى تسليهم عشان وقفة الطاوبير بتبقى رخمه

    وخلى بالك من نفسك ياحبيبتى
    لتجيلنا ف يوم من الايام مهيسه ولا مسطوله

  • Just Smile
    4 ديسمبر، 2009 10:00 ص  

    هههههههههههههههههههه

    بجد رهيب التوبيك طريقته جنان

    والله العظيم والله العظيم يبنتي انا مش عارفة ايه اللي بيحصل ده؟؟ حاسة ان الدنيا اتقلب رأسا على عقب ..هقول ايه زمن عجيب والله..

    ربنا يسترها علينا وعلى المسلمين اجمعين

  • amirelhob
    4 ديسمبر، 2009 11:26 ص  

    سوالك الاخير ملوش اى معنى مش عشان سوال هايف ولا حاجه والله مش دا قصدى بس عشان السوال موجود جو البوست السوال موجود جوا كل شارع وجوا كل بيت موجود على ترابيزات مجلس الشعب وعلى مكاتب اقسام البوليس وكلو منفض قولى يا رب يبقى فيه لسه امل ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

  • اللى موش عارف يتغير
    4 ديسمبر، 2009 10:01 م  

    انتشر الفساد فى البر والبحر
    وربنا يستر
    بس كل واحد لازم يعمل اللى علية
    وعالاقل اتصلوا بالشرطة
    .

  • blue-wave
    5 ديسمبر، 2009 3:06 ص  

    للأسف
    زيادة ضغوط واعباء الحياة
    بتخلى الناس تهرب للزفت دا
    حسبى الله ونعم الوكيل فى كل حد وصل الناس ل كدا

  • الحــ ــزين
    5 ديسمبر، 2009 6:06 ص  

    السبب ياقمر هو ان أكتر الشباب فقدو الامل فى ربنا والعياز بالله
    كله دلوقت فى انو ينسا كلو بيهرب من المسؤليه او انو حتى يواجه نفسه
    استغفر الله العظيم
    دومتى بكل خير وحب

  • اقصوصه
    5 ديسمبر، 2009 9:10 ص  

    شكلهم عاملين تنزيلات :)

  • الأحــــــ إيناس ــــــزان
    5 ديسمبر، 2009 11:35 ص  

    اتكلمتى صح حبيبتى
    الدنيا بتتغير والاعباء بقت صعبة قووى بالحياة
    ربنا يطمنى عليكى حبيبتى

  • 7akwena
    6 ديسمبر، 2009 7:12 ص  

    اكيد فى عرض يا مى
    يعنى على كل قرش حشيش واحد تانى مجانى مثلا
    هههههههههههههه
    او على كل سجارتين واحده هديه
    مش محتاجه مفهوميه يعنى
    والله انا بهرج ومخنوقلك اوى

  • mohamed ghalia
    6 ديسمبر، 2009 7:39 م  

    هههههههههههههه
    مالك بس ومال البانجو يابنتى ابعدى عن القهوة انتى بس هههههههههههه

  • the one
    7 ديسمبر، 2009 8:28 م  

    هههههههههههههههههههههه
    ايه الحلاوة دى
    على فكرة ياجدعان أنا عارف القهوه دى
    وكمان عارف اسمها كمان
    خليك ساكت يا بؤى خلاص خلاص

    باختصار شديد
    الناس زادت على القهوة
    لان الفساد وقلة الادب والانحدار الفكرى والاخلاقى وصل لذروته
    ربنا ينتقم من اللى كان السبب

  • NilE_QueeN
    9 ديسمبر، 2009 7:38 ص  

    اخدتيتي بالتفكير لبعيد اوى

    التوبك مليان كلام بين السطور


    الاحوال المايله بقت ف كل مكان

    انا انهارده كنت راكبه ميكروباص و فيه واحد حاول يسرق راجل كبير و محدش كلمه

    هو اه معرفش يسرقه
    بس الناس من خوفها منه سابته يمشي

    و اكيد هيروح يدور على صيد تانى

  • بقايا انسانه
    10 ديسمبر، 2009 6:28 م  

    عارفاها انا القهوه دي

    ربنا يهدي وارجع واقول

    لوكان فيه حاجه اسمها حكومه شايفه شغلها

    مكنتش سمحت للكلام دا يحصل

    وخصوصا انه على مرئى ومسمع

    دا ولا طابور العيش

  • جمهورية شومبونجو العربية
    11 ديسمبر، 2009 5:47 ص  

    ههههههههههه

    لا دى مش لحمه دى كبسه

    ام روز وفته

    ههههههههههه

    طب انتى غبتى وقولتى عدولى

    ولا الريحه بتاعه اللحمه وصلت لكم
    هههههههه

    ياارب تكونى بخير

    مستينك


    تحياتى

    رئيس الجمهوريه

  • ضحكات الحياة
    13 ديسمبر، 2009 2:24 ص  

    ههههههههههههههههههههه

    لحمة و لا بانجو و لا حتي جرجير
    هو يعني بيتوزع ببلاش المشكلة انك تلاقي ناس تروح تدفع فلوس في كلام زي ده و بيتها اولي بيه او ممكن يعمل بيه اي حاجة تانية
    بس تقولي ايه

    و علي فكره ده فيه من ده كتييييييييير انا كنت برده متفاجيئ بس في ناس ولاد حلال فتحوا عنيا برده كده قالولي يا عم ده بيتباع في الشوارع عادي
    ههههههههههههههههههه
    ربنا يهدي

    و بوست جامد
    دومتي مبدعه مبدعه

  • Timo..
    13 ديسمبر، 2009 10:27 ص  

    عاوزين صووورة للمشهد ده (';')

  • حـــلـــم كــــان
    13 ديسمبر، 2009 1:06 م  

    ameen

    دى مش عادى وبس ده فوق العادى بشويه

    ويارب اكون اعون لابنائى وانت كمان عون لابنك

    بس مين ابنائى خلى واحد يروح ناحيتهم وانا كنت اشرشبه والله

  • حـــلـــم كــــان
    13 ديسمبر، 2009 1:10 م  

    El_Tahan

    ياعينى

    ده حتى حرام

    طب تخيل لو اربعه جايبين الباكته دى

    قلى مين بقا اللى ياخد السمسون ده

  • حـــلـــم كــــان
    13 ديسمبر، 2009 1:11 م  

    Mr.Hazem

    عقبال عندنا يارب

  • حـــلـــم كــــان
    13 ديسمبر، 2009 1:14 م  

    محمد عبدالرحمن شحاته

    اخد التاج واسيب 35 قرش كمان

    لا مانا لاخد لاسيب مينفعش الاتين مع بعض

    هجاوب على التاج قريب

    اسفه على التاخير

  • حـــلـــم كــــان
    13 ديسمبر، 2009 1:16 م  

    ابتسامة حزن

    يابتسامه مانتى عارفه انا برجع عامله ازاى

    بعمل دماغ على الريحه

  • حـــلـــم كــــان
    13 ديسمبر، 2009 1:28 م  

    Just Smile

    المشكله انك لو اتكلمتىمع حد

    يقولك عادى وفيها ايه

    وتحسى انك انتى اللى غلطانه

  • حـــلـــم كــــان
    13 ديسمبر، 2009 1:33 م  

    amirelhob

    يارب يكون فى لسه امل

    ونشوف حاجه عدله بقا

    ,,,,,,,,,,,,,,,,,,,,,,,,
    اللى موش عارف يتغير

    طب لو كانت الشرطه عارفه نعمل

    احنا بقا ايه

  • حـــلـــم كــــان
    13 ديسمبر، 2009 1:44 م  

    blue-wave


    حسبى الله ونعم الوكيل فى كل واحد وصل الناس لكده واى واحد قادر يعمل حاجه وساكت


    .......................

    الحزين

    اهى ناس مش عارفه بيفكرو ازاى

  • حـــلـــم كــــان
    13 ديسمبر، 2009 1:47 م  

    اقصوصه

    صدقى ممكن

    دسكوند العيد

    ,,,,,,,,,,,,,,,,,,,,,,
    الأحــــــ إيناس ــــــزان

    انوسه وحشتنى
    حتى لو كانت الاعباء صعبه فده مش مبرر خالص

  • حـــلـــم كــــان
    13 ديسمبر، 2009 1:50 م  

    7akwena

    والله بجد حاجه تغيظ

    ده كفايه انى بلف من الشارع التانى عشانهم

  • حـــلـــم كــــان
    13 ديسمبر، 2009 2:02 م  

    mohamed ghalia

    وده تجيى

    تبقا حاجه اعرفها واسبها فى حالها

  • حـــلـــم كــــان
    13 ديسمبر، 2009 2:05 م  

    the one

    بتفرح انت فى الحاجات دى

    خليك ساكت يابوه

    هههههههههههههه

  • حـــلـــم كــــان
    13 ديسمبر، 2009 2:09 م  

    NilE_QueeN

    يابنتى بقا ه الطبيعى متستغربيش

  • ملكه الليل
    14 ديسمبر، 2009 9:57 ص  

    ده بقى طبيعى دلوقتى
    الناس نست ربنا ويالعياذ بالله
    ياريت نفوق بقى ونرجع لربنا محدش ضامن عمره

 

Design by Amanda @ Blogger Buster