مع خالص احتقارى  

السبت، 1 أغسطس 2009

تحديث صغير
ياجماعه فى التعليقات بتدخل الفاظ
الالفاظ دى مش واحشه بس حلوه زياده
شويتين مش ينفع تتقال وانا مش قابلها
زى ماحصل فى البوست
وانا مسحت التعليق
اتمنى مش تكرار

::::::::::::::::::::::::::::::::::::::::::::::::::::::::::::::::::::::::::::::::::::::::::::::::

بما ان احنا لسه طالعين من موضوع كل فضفضه


واتمنى ان الموضوع ده يفضل شغال علطول

فانا قرارت افضفض او مش هفضفض انا هبعت

رساله لاكتر حد جراحنى فى الدنيا دى

وهى صحبتى يوووووووووه قصدى اللى كانت

عايز اقولها عمرى ماكنت مستنيه منك

ولا عمرى عملت فيك حاجه عشان تعملى فيا كده

عايزه اقولها انك خلتنى اشك فى نفسى عشان مش اشك فيكى

خلتنى اكدب نفسى واضحك ع نفسى عشان مصدقش اللى عملتيه فيا

رغم انى متاكده من ان انتى اللى عملتى فيا كده

خلتنى اعيش اسود يومين ف حياتى عشانك انتى
خلتنى اخاف من كل حاجه ف الدنيا لدرجه انى فضلت يومين

لوحدى ف الاوضه بتاعتى

كنت كل ماجى انام واغمض الاقى صورتك فى عنيا معرفش انام

خلتنى مش عارف افرق ان كنت صحيه ولا عايشه ف كابوس

خلتنى خايفه اوجهك رغم انك انتى اللى جرحانى

خلتنى وانا متاكده انك السبب فى الى انا فيه مش

خلتى فى يوم دماغى يتشل عن التفكير كل مافكر فى اللى انا فيه
افتكر كل يوم كنت معاكى فيه

افتكر ايامنا ف المدرسه وانتى معايا ف دسك واحد

افتكر يوم ماكنا ف الرحله سوا


افتكر لما كنا بنعد نتسابق مع بعض مين اللى

المحصف اكتر من التانى فى رمضان

افتكر الكشرى اللى عزمتنى عليه

افتكر المكرونه البشاميل اللى انت كنت بتحبها من

عشان ماما بتعملها حلو

افتكر العيش والملح اللى انت مش عملتى له حساب

اقتكر لما قابلتك بعد اللى حصل منك بيوم وانا جيت حكيت
ليكى وكنتى متاثره وزعلانه عشانى
بس انا الحمد لله الوقتى مش فاكره حاجه ليكى

عشان مش عايزه افتكرك و كمان طلعتك من حياتى
كنت متمسكه بيكى للدرجه انى كنت بدعى ربنا يحصل معجره
وتفضلى انتى صحبتى اللى انا عمرى ماشكيت فيها

بس كل حاجه كانت ضدك انتى

كان نفسى وانا بكلمك وبواجهك وانتى بتكدبى عليا

وبتقولى لا انا اعمل فيك كده الله

الله يسمحك يامى انت تتهمنى بكده



كان نفسى تفضلى تقول كده كان عندى امل



وانا بكلمك اكون ظلمكى



بس انتى لما لقيتنى عرفت كل حاجه وبالصدفه



وملقتيش فايده من انك تفضلى تمثلى عليا لان



ورقك كله اتحرق اعترفتى



لحد الوقتى كان بتمنا اكون ظلمكى

خلتنى ابكى قدام ناس عمرى ماكنت اتخيل انى ينزل دموع منى قدامهم



كنت كل سرى كنت بحبك اوى



بحب هدوك اللى انت رسامه



كنت بحب طيبتك اللى بتمثليها



احسن من اى اروع ممثل



كنت بحب الوش اللى انتى حاطه فوق وشك



بس ازاى كنتى ممثله لمده 5 سنين مش كتير شويه



ايه ده ؟



ايه الجبروت اللى انتى فيه ده



بس اقولك انتى مكلش ونب



انا اللى هبله مش طيبه لان فى



فرق بين الهبل والطيبه

واقفت جمبك ف كل حاجه


ليه تعملى فيا كده ؟

و دلوقتى خلتنى بنافق عشان صورتك مش تبقا وحشه

قدام حد عشان لو حد عرف اللى عملتيه هيبفا شكلك وحش

اوى قدامهم

اه بنافق عشان بضحك فى وشك وبكلمك وساعات

بمشى معاكى قدام اصحابنا قصدى اصحابى عشان مش

عايز انا وانتى نبقا مشتركين ف حاجه واحده

بضحك فى وشك وبكلمك وانا عارفه وانتى عارفه انى



مش عايزه اشوف وشك

اوممكن تكون مش عرفه صحيح انا نسيت انك مش بتحسى


انتى خلتنى لما اقر موضوع التسامح ع كل المدونات مش


قادر ادخل واقول ان هاسمح عشان بصراحه مش هقدار


هسمحك ومش هدخل فى اى مكان واقول ان مسامحه وانا


مش مسامحه


متفكريش انى كسرتنى يمكن اتجرحت اه لكن الوقتى احسن


من غيرك


يمكن اكون فى قلبى اسو عليكى بس انتى اللى خلتنى اكون كده


مش بكرهك بس برضه مش بحبك


هقولك ايه ربنا يسمحك هو اللى يقدر يسامح


وطبعآ مش هنسا اهديكى اغنيه

مع خالص احتقارى




انانية وغرورها ماليها وبتظهر على غير حقيقتها

قسوتها دى احن مافيها وبتتباهى بحنيتها

مش دى الانسانة اللى اتهيائلى فى يوم حبيتها

ولا دى الانسانة اللى اتمنيتها ولا اختارتها

ياخسارة كل التضحيات اللى انا ضحيتها

على واحدة مبتحبش فى حياتها غير نفسها

مش دى الانسانة اللى اتهيائلى فى يوم حبيتها

ولا دى الانسانة اللى اتمنيتها ولا اختارتها

ياخسارة كل التضحيات اللى انا ضحيتها

على واحدة مبتحبش فى حياتها غير نفسها

AddThis Social Bookmark Button


26 التعليقات: to “ مع خالص احتقارى

  • الشاعر الحزين
    1 أغسطس 2009 في 6:28 م  

    ياااااااااااااااااااااااااه

    ايه كل ده ؟؟

    وليه كل ده ؟؟

    حرام عليكى تعملى فى نفسك كل ده


    أكيد الجرح كان كبير قوى لكن اسمعيها منى وحاولى تنفذيها

    بلاش تفكرى بالطريق دى بلاش تدخلى القسوه قلبك

    قولى أنا مسامحاكى وربنا يسامحك واعملى اللى عليكى وابعدى وبس

    لكن بلاش توجهى كل القسوه دى

    عشانك مش عشان حد تانى عشان تفتخرى دايما بنفسك ان أنتى الأحسن وان أنتى اللى سامحتى والثواب كان من نصيبك

    صدقينى أنتى الكسبانه لكن نصيحتى ليكى بلاش تدخلى القسوه قلبك

    أنا أول تعليق لكن مش قادر أحتفل بيه لأن الموضوع صعب أنا عارف

    عشان كده لازم تعوضيهالى مره تانيه أوكى ؟؟؟؟

    ياللا اضحكى كده وسامحى وانسى بقى

    ياللا سلام بقى

  • حـــــروف متــبعترة " عــمرو الشــايب
    1 أغسطس 2009 في 7:57 م  

    أزال أحد مشرفي المدونة هذا التعليق.

  • بنجاواتى
    1 أغسطس 2009 في 10:25 م  

    السلام عليكم

    انا مقدر كل مشاعرك بس ليا تعقيب بسيط ويارب تقبليه من غير زعل

    شوفى انتى لما حبيتى تبقى صورتكم او صورة اللى كانت صاحبتك حلوة قدام الناس عملتى ايه...جاهدتى نفسك وتصنعتى الود وانتى عارفة كويس ومتأكده ان الناس مش هتفرق معاكى فى حاجة

    طيب ليه ما نفكرش اننا نعمل اللى انتى قلتى عليه بجد وهو اننا لو مش هنكون اصحاب ما نكونش اعداء ولا بينا كراهية

    والدافع ورا التصرف ده هيكون لله علشان ربنا يعفو عننا احنا كمان لانه من الواضح من كلامك انك لسه شايلة وماوصلتيش معاها حتى لدرجة انكم مش اصحاب ولا اعداء

    وانا بقولك الكلام ده علشانك انتى مش هى
    قال تعالى: وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ

    تحياتى

  • المتبهدلون في الأرض
    1 أغسطس 2009 في 11:48 م  

    جرح الصديق غائر , ويظل يقطر دما كلما مرت المواقف والسنون التي تحمل ذكريات لقاءاته... خاصة ولو كنتي بلغتي من حبها ما يكفيكي عن مصاحبة سواها,احتسبي ..وابحثي عن غيرها....وتحياتي لمن دمر حياتي

  • الميكروباص
    2 أغسطس 2009 في 4:14 ص  

    لا يستحق ان تتنرفزي بكل الانفعال ده

    صحيح الامر يضايق

    ولكن بردو- الهدوء مطلوب

  • محمد عبدالرحمن شحاته
    2 أغسطس 2009 في 6:10 ص  

    رغم لمسة الالم والحزن
    الا انك أبدعتي وعبرتي عما بداخلك
    تقبلي مروري

  • Darsh Basha
    2 أغسطس 2009 في 6:15 ص  

    السلام عليكم
    انا فعلا مقدر اللى انتى فية بجد
    بس فى حاجة انتى ذكرتى مميزات كتيير فيها
    ولكن من الواضح ان جاء عيب او مشكلة ادت الى محو كل المميزات والذكريات
    تقولين انها تمثل بقاها 5 سنين ..فلا يستطيع انسان ان يمثل اقدر من 5 دقائق فقط...
    شخصية الانسان تعرف عمتا عندما تكونوا جالسين مع بعض لواحدكم .

    قد يخطئ الانسان خطأ ..وخطأ كبير ولكن ليس هذ دليل على انة يمتئ بالشر من داخلة..وانما قد يوقعة الشيطان فى هذا الخطأ.

    حاولى ان تساميحها ..ليس لها وانما ارضاء لله تعالى ...فأن قربت منك ففضل الله عليكى انها تكون بجابك قد تحتاجى اليها فى يوم من الايام
    وان بعدها الله عنكى فهى شر بعدة الله عنكى ..

    سامحها لله
    ووفقك الله الى كل خير

  • اعشق فى الليل ضوء القمر
    2 أغسطس 2009 في 8:22 ص  

    انا مش فاهم ايه سبب الكراهيه الموجود فى التدوين الفتره ديه وخصوصا بين البنات
    أنا عرفت تعليقك عندى سببه ايه
    على فكره انا كنت عارض حاجه تانيه لكن جرين ايس قالت لى اكتبها كده

    الصراحه انا مش عارف انت بتتعاملى معاها إزاى
    مش عارف
    اعانك الله
    وانت امامك ثلاثه حلول
    الأول : إما تبقى على وضعك ده و انا مش محبزه
    ثانيا: إما تسيبك منها و تتعاملى مع شخصيه تانيه وممكن تكون الشخصيه ديه العاشق فى الليل ضةء القمر وطبعا فكره مرفوضه
    ثالثا : الاختيار الأخير
    تقربى لله أكثر و إجعلى حبه فى قلبك نور الدنيا فهو أقرب لنا من حبل الوريد

    اتمنى لك الشفاء العاجل
    تقبلى مرورى و تقديرى

  • خيط ضعيف
    2 أغسطس 2009 في 9:16 ص  

    ليه يابنتى دا كله

    عشان مين اصلا

    انتى بتقولى متستاهلش

    خلاق روقى

    الحياه تجارب

    انا عيشين عشان نتعلم يامى

    وهنفضل نتعلم طول محنا عايشين

    ربنا يروق بالك يارب

  • حـــلـــم كـــان
    2 أغسطس 2009 في 2:36 م  

    الشاعر الحزين

    يسعدنى طبعآ انك تكون اول تعليق عندى

    بجد انا برضه حسيت ان قاسيه شويه بعد ماقرات التوبك تانى

    بس انا حبيت اكون صريحيه واقول اللى انا حاسه

    لانى كنت كل ماجى افكر ف الموضوع ده اهرب

    ومش افكر فى حاجه

    فحسيت ان نفسى اتكلم واقول اللى فى قلبى بصراحه عشان مبقاش بكدب

    يمكن هحاول اخد بنصاحتك واسامح
    بس برضه كنت محاتجه اعرف انا فى قلبى ايه

  • حـــلـــم كـــان
    3 أغسطس 2009 في 11:21 ص  

    بنجاواتى


    سعيده لزيارتك الاوله للمدونه

    وبجد انا بحاول اعمل كده

    ويارب قدرنى واقدر اعمل زى مابتقول

  • حـــلـــم كـــان
    3 أغسطس 2009 في 11:24 ص  

    المتبهـدلـون فـي الأرض


    فعلا تحياتى لمن دمر حياتى

  • حـــلـــم كـــان
    3 أغسطس 2009 في 11:25 ص  

    لورنس العرب

    يمكن الوقتى متنرفزه

    لكن انا اول ماعرفت مش قادره اوصفلك

    اد ايه كنت هاديه ومش بكلم

    اتمنى التواصل

  • حـــلـــم كـــان
    3 أغسطس 2009 في 11:26 ص  

    سعيد بزيارتك يامحمد

    وبجد ان كنت بكتب ومش عارفه بكتب ايه اساسا

  • حـــلـــم كـــان
    3 أغسطس 2009 في 11:29 ص  

    اتمنى يامصطفى يكون كلامك عنها صح

    لكن مش اتوقع لانى بعدها بدات اكتشف حاجات مش كانت باينه ليا

    وكمان انت بتقول ان الانسان ميقدرش يمثل اكتر من 5 دقائق

    بس ده الانسان

    بحاول بكل مافيا اسماحها عشان ربنا مش عشانها

    اسعدنى مرورك

  • حـــلـــم كـــان
    3 أغسطس 2009 في 11:33 ص  

    اعشق فى الليل ضوء القمر


    والله الموضوع ده من زمان بس انا قولت افضض بمناسبه التوبيك اللى كان قبله

    اما بالنسبه للحلول

    فالحل الاول فانا كمان مش محبدها

    اما التانى فدى حاجه تشرفنى ان اتعامل معاك

    والحل التالت اتمنى ربنا يقدرنى واعمله

    اسعدنى بجد مرورك

  • حـــلـــم كـــان
    3 أغسطس 2009 في 11:39 ص  

    صح انا عايشين عشان نتعلم

    والحياه فيها الحلو وفيها الوحش

    كفايه انك تكونى فى الحياه ياايمان

  • ريمان
    3 أغسطس 2009 في 1:44 م  

    السلام عليكم

    ازيك يا قمر


    انتى هتدخلى رياض اطفال؟

    اه طبعا رياض اطفال جميله جدا

    ادخلى وتوكلى على الله


    هتستفيدى جدا

    وكمان الكليه دى فرصتها حلوه فى الشغل وكمان فى السفر برا مصر


    توكلى على الله وادخليها يا قمر

    هى كدراسه وممارسه جميله اوى

  • المعتصم
    4 أغسطس 2009 في 7:55 ص  

    بسم الله الرحمن الرحيم
    السلام عليكم ورحمة الله وبركاته
    مى
    تحياتى
    اسعدنى مرورك الكريم بمدونتى
    وحبيت ارد الزيارة بس لقيت الموضوع صعب خالص وزعل بينك وبين صاحبتك
    قصدى اللى كانت صاحبتك
    يبقى مش هعلق عليه
    ان شاء الله هبقى اعلق على البوست الجديد اللى هتنزليه
    تقبلى مرورى وتحياتى
    والسلام عليكم ورحمة الله وبركاته

  • حـــلـــم كـــان
    4 أغسطس 2009 في 9:17 ص  

    ازيك ياريمان

    ان شاء الله هدخلها

    والله كنت محتاجه حد زيك يقولى ايه نظامها


    وانا برضه لما عرفت موادها حسيت انها كويسيه

    يلا هدخلها ع ضمنتك

  • حـــلـــم كـــان
    4 أغسطس 2009 في 10:55 ص  

    المعتصم

    بجد مبسوطه بزيارتك وكنت اتمنى تكون فى موضوع احسن من كده بس مش مشكله هستناك الموضوع الجاى

  • شبــ اون لاين ـــاب
    5 أغسطس 2009 في 3:17 ص  

    السلام عليكم ورحمة الله وبركاته

    اولا ازيك واخبارك ايه يا رب تكونى

    بخير

    نصحتى ليكى

    عادى عادى كبرى دماغك واستمرى فى

    حياتك

    فى رعايه الله

    joker

  • حـــــروف متــبعترة " عــمرو الشــايب
    5 أغسطس 2009 في 4:55 ص  

    أزال أحد مشرفي المدونة هذا التعليق.

  • blue-wave
    6 أغسطس 2009 في 3:39 ص  

    مين يستاهل انك تحرقى دمك وقلبك كدا علشانه او علشانها؟؟؟
    تتحرق
    بس كدا

  • حـــلـــم كـــان
    6 أغسطس 2009 في 11:54 ص  

    شباب اون لين


    انا الحمد لله تمام ازيك انت ياجوكر

    انا الحمد لله الوقتى الموضوع مش ف دناغى
    ذى الاول بس بينى وبينك بتعكنن لما افكر فيه

  • حـــلـــم كـــان
    6 أغسطس 2009 في 11:55 ص  

    blue-wave

    واللهجبت الخلاصه

 

Design by Amanda @ Blogger Buster