يانونو يانونو  

الجمعة، 28 أغسطس، 2009



سالخير عليكم


عارفه ان الصيام عامل شغل معاكم تمام

والكل زمانه نازل نحل الوقتى فى المصحف

عارفه عارفه بس انا مش بحسد ولابقر خاااالص

ام هند انا جيت عشان اقول دخلت تربيه طفوله او رياض اطفال

هى هى يعنى نفس الكليه يعنى هبقا مس اطفال يانو يانو

اخترت الكليه دى عشان علاقه العض بينى وبين الاطفال

اصلى بحب العيال وكمان انا عيله يعنى هنعد نلعب سوا

تاني حاجه عشان المواد بتاعتها حلوه عجبتنى

تالت حاجه عشان هتنفعنى فى حياتى

رابع حاجه عشان مش عايزه ادخل اداب ولا تجاره ولا
وبينى وبين تربيه اساسى واحد فى الميه

خامس حاجه عشان كليه مش حد يعرفها كتير

سادس حاجه عشان دى اقرب حاجه من مجموعى

وبعدين دانا هظبتهم اللى هيدنى نص جنيه هخليه يخلع ويروح السيبر

واكيد محدش هينسا نصيب المس حببته فى السندوتشات لحسن والمصحف اشرشبهم

دانا هوريهم يااااااااااااااه وحظهم الالوان انى هنزل تدريب من اول سنه

يعنى اخد فرصتى بقا

وبعدين انا عايزه عيال ذى سلمى بنت اختى مع العلم انها عمرها مابتقولى ياخالتو

اقولها اسمى ايه ياسلمى تقولى مى اقولها لا التانى تقولى خالتو باحترام دى الحاله الوحيده
اللى اسمع فيها خالتو
عيال كده افضل اطلع فى روحهم واربيهم اوطى تربيه

كان عندى يوم الاربعاء اللى فات انترفيو فى الحر والصيام واولها زراقه كده معايا

اول مادخلت لقتهم بيقولوا 20 جنيه ورق الكشف الطبى اصطبحنا بيهم

وانا لسه مستنيه الدخول لقيت واحد جاى يقول يامنى يامنى تعالى ومنى دخلت

فقولت هى من اولها كوسه ولا ايه وعشان ربنا مش بيرضا بالكوسه لقتنى من ال 4 بنات اللى دخلو مع منى دى
ليقت دكتوره صغيره هى اللى عامله الانترفيو ده ومعاه دك صغير والعميد قابل المجموعات اللى كانت فى الايام اللى قبلنا

وسبنا للدكتوره الظاهر انه كان قرفان مننا لاما كان متخانق مع مراته قبل مايجى

ام هند الدكتوره دى بقا او مادخلت سالت ع الاسم رغم ان الورق فى ايده وفيه كمان الصوره

قولتلها مى
قالت ورينى ايديك
قولتلها نعم ايدى ؟
قالتلى اها ايدك
قولتلها اوك حطيت الحاجات اللى فى ايدى ع الكرسى وخلتها تشوف ايدى

ساعتها بقا افتكرت ابله ليلى سرنجه لما كانت بتعدى علينا واحنا فى الابتدائى
يوم السبت وتشوف الشعر متسرح ولا لا والمريله ( خد بالك من مريله دى مش يونى فورم ) نظيفه ولا لا
وواكيد الايدين والضوافر طويله ولا ومعاكى منديل ورق ولا هتستعملى الكم والحورات دى

هى : انتى كنتى كاتبه الرغبه انهى ؟
انا : الرغبه 2
هى : كنتى كاتبه ايه قبلها
انا : تربيه عام
هى :الهويات اللى بتحبها ايه ؟
انا : النت والقراءه
هى : يعنى ثقافى
انا : تقربيآ
هى :ايه اخر حدث سمعتى عنه غير انفلرنزا الخنازير والنبى ؟
انا : قولتلها ان ملف التقديم بتاع الشهادات المعادله اللى جايه من بره وصل تمانه من 300 اللى 500
بما انك ياختى تبع التعليم العالى والحقيقه كان بيان عليها انها اول مره تسمع الموضوع ده منى ولها حق مهى ملهاش دعوه بيه
بس الصراحه هى دكتوره عسوله



ام هند قالتى خالص روحى ادفعى المصاريف واختارى الحضانه اللى تحبى يكون تدربيك فيها فيها ورحى الكشف
بعدها روحت الكشف والصراحه ملوش اى لازامه غير ان احنا نمشى فى الحر وبس
واكيد روحت البيت عشطانه اوى ودخلت انام جرى وانا بقول لما صحونى ع المدفع
بس فى مشكله ناس تقولى التعامل مع العيال هيشلك
واللى يقول ياشخيه اجرى حولى
واللى يقول حلوه والصراحه مش عارفه عايزه رايكم ياجدعان

انتى يابت يام احمر انتى الجيبه تطول لحسن اولع فيكى ايوه
اياك تجى بكره كده سمعتى

AddThis Social Bookmark Button


23 التعليقات: to “ يانونو يانونو

  • Darsh Basha
    30 أغسطس، 2009 9:07 ص  

    اول تعليييييييييق

    قشطة

    مبرووووووووووووووووك
    على الكلية
    واللى شكلك هتخربى الاكفال من قبل ما تتدخلى اهوة
    يالا ربنا معاكى
    خلى بالك الكشق الطبى دة ملوش لزمة
    يعنى انا كنت روحتة ..
    جيت داخل لقيت واحدة بتسالنى انت لابس نضارة ..والعجيب انى كنت لابس النضارة قدامها ...جايبنلنا ناس عمى يشوفنا لابسين نضارة ولا لا.

    وفى النهاية اكتشفت انى اى حد بيدخل الكلية من غير كشف دة
    يالا ربنا معاكى ..قومى افطرى بقى

  • بنوتة مصرية
    30 أغسطس، 2009 10:35 ص  

    مبروك ع الكليةبس خلى بالك اطفال دلوقت غيرنا ايام زمان
    ومحتاجين لفن فى المعاملة
    انابحبهم جدا زيك
    بس فى اطفال شياطين بيوصلونى لمرحلة انى بحس انى هقتلهم فخلى بالك
    وربنايوفقك

  • blue-wave
    31 أغسطس، 2009 3:28 م  

    ههههههههههههه
    حرم عليكى دى طفله يا مفتريه:))

  • Sharm
    31 أغسطس، 2009 4:13 م  

    ما شاء الله الاطفال شكلهم حلو جدا
    منتى البراءة

  • THE illusionist
    31 أغسطس، 2009 4:56 م  

    بخخخخخخخخخخخخخخخخخخخخخخ
    اول زياره
    كمان
    بخ
    كمان بخ
    انا جيت اهه
    طيب مبروك الكليه ده اولا
    وحلو الكشف الطبى ده
    طالما مش كليه عسكريه
    روحى
    عشان هتحضرى فقره سيرك ببلاش
    كفايه تشوفى العمال
    دى لوحدها فقره المهرجين
    وبخ تالت
    ورمضان كريم

  • AhmeD 3llaM
    1 سبتمبر، 2009 10:50 ص  

    مبروك يا مي حلوه رياض الاطفال
    هتفيدك زي ما بتقولي
    بس واحده واحده ع الاطفال
    عشان مش يقولو عليكي حاجه وانتي عارفه العيال ولسانهم ههه عموما
    ربنا يكرمك في حياتك

  • rssamet_algera7
    1 سبتمبر، 2009 2:56 م  

    ههههههههههههههههه
    كتير لزيز اسلوبك..وجو المدونة كله على بعضه يشرح القلب
    موفقة ان شاء الله..والف مبروك ليكي

    احترامـيّ..

  • 3mr wa2el
    2 سبتمبر، 2009 11:21 ص  

    مبروووووووووووووووووووووووووك عليكي

    و مبرووووووووووووووووووك يا خالتوا من سلمى يا بنت اخت امها ههههههههههههههه

    كل سنة و انتى طيبة

    و مبروك التعامل مع العيال بس يا ترى يا هل تري العيال دول من سن كام لكام عشان ف سن لو زاد بيقى يا الله عليهم حاجة تجيب الضغط والشجر بعيد الشر عنك

    احسن التعامل مع ال خارجين مع القانون

    مبروك للمرة التانية يا انسة مي و عقبال التخرج

  • محمد الدخاخنى
    2 سبتمبر، 2009 10:22 م  

    بداية كل سنة وحضرتك طيبة..وألف مبروك لدخولك الجامعة

    أعتقد أن لكل منا حرية اختيار الكلية أو الجامعه التي يود الذهاب إليها ،ومن الخطأ أن يفرض علينا الآخرون أحلامهم ورغباتعم وآرائهم سواء كانوا أقرباء أم غير ذلك،لكن هذا لا يمنع من استقبال النصيحة برحابة وطلب المشورة.

    وفي النهاية:اجتهدي بأن تحصلي علي ماتريدين،وإلا ستكوني مجبره بأن تقبلي ما تحصلي عليه.

    تحياتي
    محمد الدخاخني

  • ابتسامة حزن
    4 سبتمبر، 2009 2:47 م  

    ربنا يوعدك بشويه عيال رزله يخلصوا منك القديم والجديد
    وبعدين دا اللى هتأمنك على ولادها هيا الخسرانه

    مش فاكره يوم ما كنا ماشين انا وانتى وسلمى وقبلنا كلب فى الشارع

    اقول ايه اللى حصل واسيحلك

  • بقايا انسانه
    5 سبتمبر، 2009 3:35 م  

    ههههههههههههههههههههه

    بجد اتفاجئت بيكي والله

    ايه يابت الجمال دا لالالابجد تمام

    ورأيي بقى في الكليه انتي عارفاه

    ان شاء الله خير

    بغض النظر عن رغبتي طبعا انك تدخلي حقوق

    واكيد كان المفروض تستفيدي بخبراتي انا واختك

    الا انه بجد كليتك جميله بس اعتبري

    العيال دي زي ولادك بردك بلاش

    تتعافي ع العيال احنا مستحميلينك بالعافيه


    بس دول موش هيستحملوكي

  • حـــلـــم كــــان
    9 سبتمبر، 2009 8:35 م  

    Darsh Basha


    الله يبارك فيك يامصطفى

    وبعدين انا هخرب الاطفال يامصطفى

    دانا غلبانه .......ودينى لقطع خبرهم

    هههههههههههههههههههههههه
    حلوه حكايه النضاره دى

  • حـــلـــم كــــان
    9 سبتمبر، 2009 8:37 م  

    بنوتة مصرية

    الله يبارك فيكى يابنوته

    وبعدين عيال الوقتى ع مين ع نفسهم مش عليا

    اسعدنى مرورك

  • حـــلـــم كــــان
    9 سبتمبر، 2009 8:50 م  

    blue-wave


    اصبر ولسه التقيل جاى وراء

  • حـــلـــم كــــان
    9 سبتمبر، 2009 8:53 م  

    Sharm

    براءه ؟

    مش عارفه انا ايه اللى رابط الاطفال بالبراءه

    بس والله صح العيال دول احسن حاجه

    دمت

  • حـــلـــم كــــان
    9 سبتمبر، 2009 9:07 م  

    THE illusionist

    براحه ياعم شويه اتخضيت

    يارب متكنش اخر زياره هستناك

    الله يبارك فيك يارب

    وفعلآ الكشف الطبى فقره سيرك ممكن اكتر لكن مش اقلل

    كل سنه وانت طيب

  • حـــلـــم كــــان
    9 سبتمبر، 2009 9:23 م  

    rssamet_algera7

    والله انتى اللى لذيذه

    منوره

  • حـــلـــم كــــان
    9 سبتمبر، 2009 9:39 م  

    3mr wa2el

    الله يبارك فيك

    وحلو خالتو دى

    مش دخله حقوق برضه

    خليك انت ياراجل القانون

    منور

  • حـــلـــم كــــان
    9 سبتمبر، 2009 9:39 م  

    محمد الدخاخنى

    الله يبارك فيك يامحمد

    وشكرآ ع النصيحه ربنا يخليك

  • حـــلـــم كــــان
    9 سبتمبر، 2009 9:42 م  

    ابتسامة حزن

    ياشيخه حرام عليكى

    وبعدين هيكون ارزل من سلمى يعنى معتقدش

    ده عندها كميه برود متطلع عنيك

    و ع فكره يوم الكلب محصلش حاجه دانا

    اخدت سلمى من ناحيه الكلب وروحت انا الناحيه اللى فيها الكلب

    واسكتى خالص لحسن يرفضونى من الكليه

  • حـــلـــم كــــان
    9 سبتمبر، 2009 9:45 م  

    بقايا انسانه

    لا لا لا لا لا بقايا هنا مره واحده

    تو تو تو تو تو مش مصدقه عنيا

    مش عارفه ايه كميه حقوق اللى طلبنى دى

    وبعدين اخش كليه انتى فيها انت واختى

    ده يبقا عليه العوض فيا دانا كنت معديش سنه اوله

    اسكتى والنبى اسكتى

    وبعدين انتى عارفه انا بتعامل مع الاطفال ازاى

    جميله رقيقه ذى الموج بتتحرك

    انا دى

  • شاب فقرى
    19 سبتمبر، 2009 12:09 ص  

    مبروك عالكلية وعقبال البكالوريوس

    انا كمان بعشق الاطفال وحلم من احلامى فى الحياة يكون عندى طفل زى سلمى بنت بنت خالتى :)

    سلمى برده :)

    لكى منى كل التحية

    ولنا عودة

    شاب فقرى

  • حـــلـــم كــــان
    23 سبتمبر، 2009 11:15 م  

    شاب فقرى

    الله يبارك فيك

    هبقا اخد سلمى بقا الحضانه

    وبعدين سلمى ده اسم غالى

    وطالما اسمها سلمى تبقا اكيد سكر

 

Design by Amanda @ Blogger Buster