عدموك فى بني غازي ........ ياحجازى  

الأربعاء، 12 أغسطس 2009


امبارح وانا راحه الجامعه اخلص ورق التقديم والكلام ده فستغلت فرصه
ان صاحيه بدرى ووعديت على بتاع الجرايد قولت اشترى الجرنال اقرا فيه
وانا ف السكه
وفعلا جبت الدستور وبقلب فيه وانا فى المكروباص لقيت الصوره اللى فوق دى
تحتت عنوان ( وصول جثمان حجازي خلال ساعات بعد أن أعدمته السلطات الليبية رمياً بالرصاص )
الصراحه انا كنت ناويه اكتب عنه من يوم ماتعدام يوم الاحد اللى فات لكن بسبب انى مش كنت مشغوله شويه مش كتبت
الشخص ده من السماحيه الكبرى مركز بلقاس الدقهليه السماحيه دى بقا تبقا فيها بيت جدى اللى انا عشيت فيه مده كبيره
وانا صغيره وكمان دخلت هناك المدرسه لحد 3 ابتدائى عارفها شبر شبر
انا سمعت انا الموضوع من زمان لان حجازى ده بيتحاكم بقالى 5 سنين بالصدفه كنت هناك يوم الاحد يعنى يوم ماتعدم
وكان طبعآ البلد كلها مقلوبه لان الكل كان عنده امل ان يرجع
يومها عرفت ان حجازى اتعدم الساعه 10 الصبح تقربيآ واخر حاجه طالبها قبل مايتعدم ان يكلم مامته
ومش هعرف احكى ولا اتكلم عن حاله مامته لانى مهما اتكلمت مش هحكى المكالمه متولطش لان مامته وقعت من طولها
وهو بيقولها هيعدمونى الوقتى
حجازى اتعدم ليه بقا ؟
اقولك انا حكايه حجازى من الاول خالص
حجازى ده اتولد فى ابو ظبى لان باباه كان مسافر هناك وكانوا عايشين هناك
المستوى المادى بتاعم كويس جدآ لحد ما باباه اتوفى ورجعوا مصر
ولانهم كانوا عايشين ف مستوى كويس واكيد المستوى ده اتغير بعد وفاه ولده
لما كبر حجازى راح ليبيا عشان يشتغل زى اى حد دور فى بلده اللى مصر يعنى على
شغل وزى اى شاب ملاقش شغل
رح اشتغل مع واحد فى محل موبيلات اشتغل مده وجه يحساب الراجل مرضاش يعطى لحجازى الفلوس
راح حجازى اتخنق معاه وواخد موبيلات منه بدل فلوسه والظاهر ان الراجل ده بيعمل كده مع اى حد بيشتغل عنده
جه واحد تانى اتخنق معاه بعد حجازى بسبب الفلوس برضه وهو بيتخانق معاه راح ضربه او زقه تقربيآ راح الراجل
مات
فى التحققات بقا مين اللى معاه الموبيلات حجازى يبقا هو حجازى اللى قاتل
ورغم كبشه التناقضات وكلام الطب الشرعى الا ان كان برضه حجازى القاتل
رغم ان حجازى ده عمره ماعمل خناقه فى بلده ولا مع حد
وتلاقى كل البلد عارفه اخواته وهو لا لانه هادى وملوش ف حاجه
اعرف بقا ايه اللى عملته الحكومه او الخارجيه لحجازى غير انها وقفت تتفرج
زى مايكون فلم نازل فى موسم الصيف الستادى وبيتحضر له من 5 سنين
ايه زنبه بقا حد يقولى بالله عليكم ؟
يمكن يكون يذنبه انى من مصر والدول العربيه بدون استسناء بتعامل المصرين على انهم شحاتين ولاد شحاتين
زى مايكون الواحد رايح هنا يشحت مش يشتغل ومش انا لوحدى اللى بقول الكلام ده
وزنبه الحكومه وتنفضها للبيحصل للمصرين بره خلت ان المصرى ملوش قيمه بره بلده
ولا يمكن كان حجازى لاقى الشغل هنا كتير اوى لكن هو عشان طماع راح يشتغل بره بفلوس احسن
مفيش حد اتحرك عشان يلحقه مش مامى واحد راح يدافع عنه والخارجيه حاطه ايدها ف تلاجه
اهو واحد من ولادك يامصر شاف الزل فى السجن واتعذب بدنى ونفسى فى السجن وفى الاخر اتعدم
ايه اللى حااصل يعنى
لما مامته سفرت عشان تشوفه وراحت للخديجه القذافى بدون ادنى مساعده من الخارجيه كان ايه اللى حصل
وبعدين اهله كانوا يعملو ايه تانى البيت اتباع وكل حاجاه اتبعت والبلد جمعت فلوس وعرضوا الديه
وبرضه مفيش فايده
فى النهايه اتعدم من غير مايدافع عن نفسه ومن غير مايدافع حد عنه
وامه بتموت فى اليوم الف مره
وبقالها خمس سنين عامله ميتم لابنها
حسبى الله ونعم الوكيل
امبارح مروه الشربينى وكل اللى حصل مجرد اعتذار
النهارده حجازى ومن غير اعتذار
بكره يمكن اكون انا او انت او هى
وياعالم بانهى طريقه ؟
ربنا يرحمك ياشهيد كما اطلق عليك شباب السماحيه
اللينك بتاع الموضوع فى جريده الدستور

AddThis Social Bookmark Button


21 التعليقات: to “ عدموك فى بني غازي ........ ياحجازى

  • بسمة انور
    12 أغسطس 2009 في 8:59 ص  

    يالله

    لهذا الحد الحد وصلنا من البرود

    حسبى الله ونعم الوكيل
    ربنا يرحمه ويصبر امه

  • شبــ اون لاين ـــاب
    12 أغسطس 2009 في 9:25 ص  

    السلام عليكم ورحمة الله وبركاته

    no comment

    فى رعايه الله

    joker

  • الميكروباص
    12 أغسطس 2009 في 11:10 ص  

    معروف ان القضاء في ليبيا على ما تفرج
    انا لست مع القاتل لو ارتكب الجريمه ويجب ان نأخذ منه القصاص مهما كان
    ولكن في حالة دوله مثل ليبيا لا يوثق نهائيا في احكامهم على الناس لأنهم بالفعل يظلمون الأجانب -وخاصة العرب- وبشده
    لن اوجه اللوم للخارجيه فقد حاولت بقدر المستطاع وانقذت من الاعدام غيره والباقي ان شاء الله في الطريق
    لكن اكرر ان القضاء في ليبيا يسير حسب الاهواء مثله مثل التحقيقات

  • Kiara
    12 أغسطس 2009 في 12:49 م  

    اتهانافي بلدنا عاوزه اللي برا بلدنا يكرمونا

    حسبي الله ونعم الوكيل بجد

  • حـــــروف متــبعترة " عــمرو الشــايب
    12 أغسطس 2009 في 4:17 م  

    اولا ربنا يرحم اموات المسلمين جميعا

    الوقتي عشان مش اطول ف الكلام لان الكلام دة تخصصي و اتكلمت فية اكتر من مرة مع صحابي الى ف الخارج الى بيشتكوا من التعاملات ف البلاد سواء كانت عربية او اجنبية ايا كان

    المواطن المصري ملوش كرامة ف اى بلد ايا كانت حتى لو ف الصومال و اقرب مثال السفينة المصرية الى الناس واخدنها عافية و بقالنا 6 شهور و الحومة المصرية ووزيرنا احمد ابو الغط لا حياة لمن تنادى و خلاصة الحوار احنا ملناش كرامة ف بلدنا و يا دوب بنخاف و نرتعش لما نسمع اسم زوار الفجر ( امن الدولة ) هنعمل اية يعني ملناش كرامة ف بلدنا هيبقى لينا كرامة ف وطن تانى و لما يكون الى هنا اسف ف التشبيهة لو راقصة ف كبراية تعرف حد مهم كانت كلمتة عشان اى موضوع الحكومة كلها هتهتم انما الى ملوش ظهر يتعدم و يموت و يتخطف و الحكونمة يا قلبي لا تحزن اسف للاطالة

  • www.tadwina.com
    13 أغسطس 2009 في 3:20 ص  

    مرحباً
    لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

    قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
    يمكنك متابعة مدونتك على الرابط التالى:
    http://www.tadwina.com/feed/1617

    يمكنك متابعة باقى مدونات تدوينة دوت كوم على الرابط التالى:
    http://www.tadwina.com

    لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
    Tadwina@gmail.com
    لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

    و لكم جزيل الشكر،

    فريق عمل تدوينة دوت كوم.
    http://www.tadwina.com

  • حـــلـــم كـــان
    13 أغسطس 2009 في 4:13 ص  

    بـــــسمة انـــــــــور

    مش للحد ده بس لا يابسمه ولسه

    ربنا يصبر امه ويصبرنا كلنا ع اللى بيحصل فينا

  • حـــلـــم كـــان
    13 أغسطس 2009 في 4:16 ص  

    شبــ اون لاين ـــاب

    والله ليك حق ياجوكر متعلقش

  • حـــلـــم كـــان
    13 أغسطس 2009 في 4:22 ص  

    لورنس العرب


    انا لو معاك لو هو قاتل لازام ياخد القصاص

    بس الطب الشرعى قال ان اللى اتقتل ده واخد 28 طعنه باليد اليمنى

    مع العلم ان يد حجازى اليمنى فيها اعاقه تمنعه ان يقدر يضرب 28 او يتحكم فى السكينه
    المعلمومه دى مش من عندى انا قراته ع بعض المواقع

    حسبى الله ونعم الوكيل

  • حـــلـــم كـــان
    13 أغسطس 2009 في 4:24 ص  

    كــيــار

    والله ياكيار ياختى الواحد هو عمل ايه عشان الحاله الزفت اللى احنا عايشين فيها دى

  • حـــلـــم كـــان
    13 أغسطس 2009 في 4:27 ص  

    3mr wa2el

    عندك حق

    ماهو اللي ليه ضهر مايضربش على بطنه

  • حـــلـــم كـــان
    13 أغسطس 2009 في 4:35 ص  

    فريق عمل تدوينة دوت كوم.
    http://www.tadwina.com

    مبسوطه جدآ ان مدونتى موجود فى موقع تدوينه

    وان شاءالله هضيف الميل عشان

    البانر الخاص بتدوينه

    سعيده جدآ بوجودكم فى مدونتى المتواضعه

  • blue-wave
    14 أغسطس 2009 في 1:10 ص  

    عادى
    ما احنا بقينا رخاص اوى

  • Darsh Basha
    15 أغسطس 2009 في 4:08 ص  

    ربنا يرحمة
    وربنا ياخذ الظلمة اللى فى كل مكان
    فعلا احنا دمنا بقى رخيص جدا
    اذ كان هو رهيص فى بلدنا هيبقى غالى برة لية .

    ربنا يصبر اهلة ويدخلة الجنة

  • (green eyes)
    15 أغسطس 2009 في 5:03 ص  

    انا لله وانا اليه راجعون
    اعتقد انه الان في منزله الشهداء
    ربنا يصبر اهله جميعا

  • حـــلـــم كـــان
    16 أغسطس 2009 في 11:52 ص  

    blue-wave

    كلمه رخاص دى بقت كبيره علينا

  • حـــلـــم كـــان
    16 أغسطس 2009 في 11:52 ص  

    Darsh Basha

    يارب برحمه

    وربنا ان شاء الله اللى هيخد حقه

  • حـــلـــم كـــان
    16 أغسطس 2009 في 11:54 ص  

    (green eyes)


    ان شاء الله هيكون ف منزله الشهداء

  • صدفة جميلة
    17 أغسطس 2009 في 4:31 م  

    السلام عليكم
    متعرفيش انا مين بس الصدفه جبتنى هنا واسمك شدنى لانه غالى عليه جدااااااااا
    بصى يافندم او يانستى العزيزه اولا كده كده حجازى كان هايموت ونفس الموته لان دا قدره نصيبه وكل واحد مننا ليه نصيب وقدر هايشوفه يمكن انا مزعلتش الا لما اتخيلت امه وحسيت انى حجازى وبكلم امى حسيت انى دبحتها قبل ماندبح بس هانعمل ايه وياترى الهانعمله هايفيد باه
    انا مش سلبى بالعكس انا واحد من البلد دى وزعلت على الناس والشباب دى لانى فى الاول والاخر مسلم زى زيهم
    بس ..........................
    بجد مش لاقى كلام سلام

  • حـــلـــم كـــان
    20 أغسطس 2009 في 7:53 ص  

    صدفة جميلة

    انا معرفش مين بس اكبد هكسب لما اعرفك
    ولو كان ع اسم لو عايزه اتفضل

    ادعى له انت بس بالرحمه

  • ابتسامة حزن
    27 أغسطس 2009 في 3:46 ص  

    الله يرحمة ويصبر اهله

 

Design by Amanda @ Blogger Buster