اقصاقيص  

الخميس، 1 أكتوبر، 2009

اول اقصوصه

عايزه اعلق على البوست اللى فات بالنسبه انى مش بحترم حريه الاخرين ذى ماتقال وان دى حريه شخصيه والمفروض احترمها
اصحح المعلومه واقول انى بحترم الحريه الشخصيه وكل حاجه بس لما بيكون اللى قدامى بيحترمنى وبيتكلم باسلوب كويس لكن لو حد غلط واتكلم عنى او عن دينى بطريقه وحشه سورى يعنى مش محترمش حريته الشحصيه بس لا دانا احط صوابعى فى عينه وتبقا برضه دى حريتى الشخصيه اما بالنسبه للعنوان فده رد فعلى لما قريت الكلام اللى هى قالته ده نقفل الموضوع ونفكنا منه بقا

::::::::::::::::::::::::::::::::::::::::::::::::::::::

تانى اقصوصه

انا كنت راحه اكتب يوميات فقريه والفكره جاتلى لما كنت اعد على الجهاز والنت فصل ومكنتش لقيعه حاجه اعملها قولت هكتب حاجه للمدونه فجيت فى دماغى يوميات فقريه كتبت فيها كتير ةعجبتنى الفكره وسيفت الصفحه وعملت ريسترت للجهاز وبفتح الصفحه لقتها ابيض ياورد
فعرفت انها فقريه فقريه من اولها

::::::::::::::::::::::::::::::::::::::::::::::::::::::::::::::

تالت اقصوصه

الدرسه جيت ووبصراحه انا كنت عايزها تجى بس عايزه الدراسه القديمه بتاعت ثانوى والدروس ومدرسين كل سنه واصحابى الكتير اللى كنت اعرفهم وصحبتى للى هتروح السكن بكره ومش هشوفه غير نص ساعه كل اسبوع بعد ماكنت طول النهار معاها وفى كل الدروس مع بعض مش هكدب واقول انى مش حابه الجامعه وكده بس كنت بحب ايام ثانوى اكتر على الاقل كان معايا اصحاب اعدادى فى ثانوى وفضلز معايا ومعرفتش غيرهم الوقتى كل واحد فينا فى مكان وهنزل من اول يوم يعنى محدش يقولى اللى بينزل من اول يوم دول الفلاحين والعيال والنظام ده انا هنزل برضه بس فى سوال رخم كان اى حد بيشوفنى يسالنى السوال ده انت حضرتى نفسك للجامعه نفسى اعرف يعنى ايه حضرت نفسى جبت اليونى فورم والشنطه واستلمت الكتب واشتريت قلم رصاص بصراحه سوال بيغظنى عشان مش لاقيه له اجابه

::::::::::::::::::::::::::::::::::::::::::::::::::::::::::::::

رابع اقصوصه

بمناسبه الدراسه والمرحله الجديده اللى انا ادخله فمش انا لوحدى اللى هدخل مرحله جديده فى البيت فاهم شخصيه فى البيت البيج بوص بتاعت البيت داخله اوله ابتدائى وتخيل بقا فرحت الواحد وهو داخل المدرسه مش عارفه اوصف الاحساس طول النهار نزله قياسه فى اليونى فورم ولما تلبس اللى يونى فورم فلابد وحتمآ تلبس الشنطه امال لازام يبقا الطقم كله ومصممه انها تروح المدرسه بكره اللى هو الجمعه وانا اقولها وربى هو اسبوع واحد وهتحلفى بغربتك اما اختى التانيه بقا اها التانيه متعدش متعدش محنا كتير كل ماتشوف وشى تقولى انا عايزه اشترى طرحه بنى اقولها لا البسى بيضه عشان الابله بتاعت الالعاب هتطلعك مخالف كانت بتعملها فيا كتير انا عارفها بقول كده كطريقه من طرق الخلع تقولى خلاص انزلى اشترى واحده بيضه وكده طول النهار واحده شغاله تقيس والتانيه ماشيه ورايا عشان الطرحه شغال ينوى فرسال

:::::::::::::::::::::::::::::::::::::::::::::::::::::::::::

خامس اقصوصه

طولت عليكم وجبتلكم صداع ان شاء الله هجيب ليكم صداع تانى يوم السبت هحكى اوى يوم جامحه

AddThis Social Bookmark Button


37 التعليقات: to “ اقصاقيص

  • بدراوى
    1 أكتوبر، 2009 5:59 م  

    كل ديه اخطاء مطبعية
    !!!!
    راجعى البوست تانى
    :-)
    و سنة اولى جامعة لحد رابعة
    او سادسة او سابعة
    حسب الكلية طبعاً
    سعيدة عليكى

  • جمهورية شومبونجو العربية
    1 أكتوبر، 2009 6:19 م  

    مس ممكن
    التعليق التانى
    انا محظوظ

  • جمهورية شومبونجو العربية
    1 أكتوبر، 2009 6:24 م  

    لا
    بجد والتالت
    كدة كتير عليا
    وكمان راس حرب
    هههههههه

  • جمهورية شومبونجو العربية
    1 أكتوبر، 2009 6:43 م  

    اولاّّ سيبك من الناس الحقودة ومتزعليش نفسك
    ثانياّّ بل نسبة انك فقرية ف مش لوحدك
    الفقرين كتير
    ثالثاّّّ ايام الاعدادى وثانوى متدعوتش
    بس ايام الدروس الخصوصية هى اجمل حاجة فى الدراسة وبل زات درس علم النفس كان اليوم دة بعشقة ونفسى يجى تانى
    رابعاّّ ربنا يخليهم ليكى
    ويخليكى ليهم
    وبعدين لو مكنتيش هتتعبى ليهم هتتعبى لمين
    خامساّّ بل نسبة للصداع ففى طلبية جاية من شوبونجو مجانا لزوار المدونة
    فيها كيتوفان
    علشان محدش يبقى لية حجة
    ومستنين الصداع
    يابرنسيسا
    ..........
    اسف على الاطالة

    تحياتى

    رئيس الصداع
    (اسف اصلى صدعت)
    رئيس الجمهورية

  • شبــ اون لاين ـــاب
    1 أكتوبر، 2009 11:56 م  

    بما انى لسه مستجد هنا

    اعتبر نفسى من اهل البيت

    اولا مبروك عليكى اولى جامحه مش عارف ازاى جامحه


    ثانيا انتى من حقك تقولى اللى عايزه الوقت اللى انتى عايزه

    ولو حد زعلك اعرفى انى وراكى رجاله و قت الشده ماتلاقيش حد فيهم


    ---------------------------
    كان معكى من امام الكيبورد
    واحد مخه لاسع شويه
    شبـــ اون لاين ــاب
    الاسكندريه
    ---------------------------

  • Darsh Basha
    2 أكتوبر، 2009 4:48 ص  

    اولا بالنسبة ليوميات فقرية ..فبدل لقيتى الصفحة فاضية ..يبقى خلاص اطمنى اليوميات دى هتنجح ..والدليل انها اثرها جة بسرعة ..وكويس ان مكانتش حاجة تانية فى الكمبيوتر.

    وبالنسبة للجامعة ..وحشتك ايام الثانوى قبل ماتروحى الجامعة ..لما تروحى الجامعة بقى ..هتلاقى اصحاب تانين وهتلاقى مغامرات تانية ..يعنى مثلا تخلعى من المحاضرات وتروحى للبغل .. وتلاقى الينات اللى معاكى كتير منهم مغتربات ..وهكذا ..

    ومتعقديش البنت اختك من صغرها ..لسة راحة المدرسة ..وعلى وشها التفائل ..اوعى تحكيلها على السواد اللى داخل عليها دى..جايز تنجح ولا حاجة .

    يالا ربنا معاكى

  • اعشق فى الليل ضوء القمر
    2 أكتوبر، 2009 5:22 ص  

    ربنا يعينك

  • الحــ ــزين
    2 أكتوبر، 2009 6:29 ص  

    الحــ ــزين
    ربنا يوفقك انتى حد جميل وتستاهلى كل خير ودراسة سعيدة عليكى ان شاء الله ومفيش احسن من ايام الجامعة اسالينى انا مع انى مش كملت المهم ابقى احكيلى بقا بكرة بس على المدونة بتاعتى بقا هااااااااااا..سلام ياقمر كبرتى بقا ههههه

  • شوشو
    3 أكتوبر، 2009 5:24 ص  

    مبرررررروك سنه اولى جامعه يا قمر


    وبلاش صدااااااااااااااااع


    انا صدعت


    بااااى



    .........


    تحياتى

  • (green eyes)
    3 أكتوبر، 2009 6:04 ص  

    معاكي حق بصراحة في اول اقصوصة
    كله الا الدين
    كل سنة وانتي طيبة

  • 7akwena
    3 أكتوبر، 2009 9:22 ص  

    اول قصقوصه متفق معاكى تماما
    تانى قصقوصه ايه الفقر ده ههههههه
    الباقيين عن الجامعه وانا امتنع عن الكلام فى المواضيع الحساسه دى اللى بتهز الامن القومى لمشاعرى
    والبسى اى حاجه متعصبوناش بقى
    والسلام عليكم

  • with you
    5 أكتوبر، 2009 2:41 ص  

    السلام عليكم ورحمة الله وبركاته

    بارك الله فيك

    ومن قال أن ما كتبتيه يخالف إحترام الرأي هي " إيناس الدغيدي " أساسا لم تحترم الرأي لأن الصحيح أن الحرية تقف حيث تبدأ حرية الأخرين


    تحياتي للكام أقصوصة الرائعين


    تحياتي

    تقبل أول زيارة

    محمد حياتنا

    أتمني أن تلغي موضوع كلمة التأكيد عند التعليق

  • المشخبطاتى
    5 أكتوبر، 2009 3:55 م  

    نقول مبروك على الجامعة الأول...وبصراحة الواحد اشتاق لل[الفقرية]...بس ولا يهمك الحاجات دى بتحصل معيا كتير وإن شاء الله القلم اللى كتب الأولى هايكتب التانية..

  • جنات
    6 أكتوبر، 2009 10:13 ص  

    يابنت صدعيتنا وناويه ثاني كمان

    مبروك على الجامحه او الجامعه والله قريتو جامحه بس شاكه ههههههههه


    ربي يوفقك ...

    جنات :)

  • حـــلـــم كــــان
    6 أكتوبر، 2009 5:52 م  

    بدراوى

    والله من ساعات ماكتبت الموضوع مش قراته لحد الوقتى

    ربنا يخليك واشوفك دايمآ هنا
    منورنى

  • حـــلـــم كــــان
    6 أكتوبر، 2009 7:31 م  

    جمهورية شومبونجو العربية


    ياعم اسف على الاطاله ايه

    طول انت وملكش دعوه

    وبجد بجد يعنى الكوتفان بتاعك تمام

    نورت

  • حـــلـــم كــــان
    6 أكتوبر، 2009 7:33 م  

    شبــ اون لاين ـــاب

    طبعآ مش مستجد واهل بيت كمان

    مدونتكم من المدونه اللى انا بحبه جدآ

    وكمان الجوكر دايمآ منورنى ذى منتا نورتنى الوقتى

    وبعدين مليش دعوه اسمها جامحه

    وربنا يخليك يارب وتبقا وراءى كده دايما

    بس اوعى تطبق نظريه الجرى نص الجدعنه

    نورت

  • كاتب مصري
    8 أكتوبر، 2009 4:56 ص  

    وحشتني المدونة جدا وحشني الحلم الي فيها ووحشني المكان واصحابه

    ازيك أنا جي أسلم وأمسي ع السريع وليا عودة للقراءة

    بس ده إعلام لكي يعني اني رجعت لمدونتي تاني بعد فترة طويلة من الإهمال بسبب ظروف خاصة

    هرجع هنا وهكون موجود علطول بإذن الله

    دمتي بكل ود

    تحياتي

  • حـــلـــم كــــان
    8 أكتوبر، 2009 6:10 ص  

    Darsh Basha
    والله انا اول ماشفت الصفحه بيضه عرفت انها فقريه فقريه يعنى

    اكيد يعنى مغامرات البغل والحجاز مش بتخلص انت هتقولى

    والله اختى خلاص بقت بتمشى ورايا عشان اكتبلها الواجب من دلوقتى دى وش نجاح برضه

    نورررررررررررت

  • حـــلـــم كــــان
    8 أكتوبر، 2009 6:12 ص  

    اعشق فى الليل ضوء القمر

    ربنا يخليك يارب

    وتنورنى دايمآ

  • حـــلـــم كــــان
    8 أكتوبر، 2009 6:12 ص  

    اعشق فى الليل ضوء القمر

    ربنا يخليك يارب

    وتنورنى دايمآ

  • حـــلـــم كــــان
    8 أكتوبر، 2009 6:21 ص  

    الحــ ــزين


    ربنا يخليك يارب

    والله انا كنت هحكى فعلآ بس النت زفت عندى

  • حـــلـــم كــــان
    8 أكتوبر، 2009 6:25 ص  

    شوشو

    الله يبارك فيكى يارب

    وبعدين ياستى انت حظك حلو

    انى مش صدعتك يوم السبت بس مش هسبيك برضه
    نورتى

  • حـــلـــم كــــان
    8 أكتوبر، 2009 6:27 ص  

    (green eyes

    تقولك حريه تقولك جزر ملناش دعوه كله الا الدين

    نورتى

  • حـــلـــم كــــان
    8 أكتوبر، 2009 6:46 ص  

    7akwena

    متعصب ليه ياعم انت
    براحه شويه

    منور يامان

  • 3mr wa2el
    8 أكتوبر، 2009 9:34 ص  

    اولا اول قصوصة براحتك الحرية انك تقولي بحرية من غير ما تحرجي حد بس ابليس الدغيدي زى ما قالت مدونة

    القصاقيص عشان الزهايمر بس

    مبروك ع الحياة الجديدة يا اختى و ان شاء الله مرحلة من العمر تكون احلى مرحلة ف حياتك و البيج بوص الكيد زى العسل ف اليونيفورم و الشنطة الجديدة بس بلاش ضرب ف المدرسين هههههههههههههه

    و الدنيا بجد هتحلوى ف عيونك من جديد

    مش لاقي كلام اقولة اكتر من ان ربنا يحميكي يارب ان شاء الله

  • الحــ ــزين
    9 أكتوبر، 2009 5:47 ص  

    الحــ ــزين
    انتى فين من زمان
    اتمنى عودتك والجديد

  • NilE_QueeN
    9 أكتوبر، 2009 9:52 ص  

    مى

    انا عايزه اشوفك ان مكانش عندك مانع
    انا بكون ف الجامعه كل يوم من الساعه 8

    وعلى فكره انا سعيدة جدا و متحمسة جدا لدخول الجامعه

    خلاص ولت ايام اليونيفورم

  • مي
    10 أكتوبر، 2009 6:11 ص  

    انا جيت متاخر يالهووووز طب انا عايزة شنطة ويونى فورم جديد ههههههههه ماليش دعوة بقى تعرفى احلى ايام الكلية اهىء اهىء
    على فكرة اول اقصوصة ممكن اجى اتف معاكى عليها لانها بجد انسانة مش محترمة وبلاش ازود عشان الرقابة
    اه من حق قوليلى انتى جهزتى للكلية ولا لسه
    تحياتى ياقمر

  • حـــلـــم كــــان
    10 أكتوبر، 2009 10:01 ص  

    with you

    ياهلا ياهلا باول زياره
    وبجد والله اتقال ان اانا مش بحترام حريه حد وده جه فى التعليقات

    نورت

  • حـــلـــم كــــان
    10 أكتوبر، 2009 10:08 ص  

    المشخبطاتى

    الله يبارك فيك

    وان شاء الله فقريه هاكتبها وانت اول واحد تعلق

  • حـــلـــم كــــان
    10 أكتوبر، 2009 10:10 ص  

    جنات

    لازام اصدعكم امــــــــــــال؟

    الله يبارك فيكى

    واسمها جامحه صدقنى يابنتى

  • حـــلـــم كــــان
    10 أكتوبر، 2009 10:12 ص  

    كاتب مصري

    ايه يابنى انت فين

    حمدلله على السلامه

    ويارب تكون كويس

  • حـــلـــم كــــان
    10 أكتوبر، 2009 10:15 ص  

    3mr wa2el

    اكيد ياعمرو الحريه ان اقول اللى انا عايزه من غير ماجرح فى حد بس اللى يجرح فيا اكيد هجرح فيه

    اكيد دى ميرنا يعنى عامله شغل جامد بقا

    ربنا يخليك ياعمرو واشوفك دايمآ منور وموجود علطول

  • حـــلـــم كــــان
    10 أكتوبر، 2009 10:24 ص  

    الحــ ــزين

    ربنا يخليك يارفع معنوياتى وتسال عليا

    والله بس النت كان بايظ خالص عشان كده مش كنت بفتح بس جيت تانى اهو اى خدعه

  • حـــلـــم كــــان
    10 أكتوبر، 2009 10:30 ص  

    NilE_QueeN

    ياااااااااه مانع مين

    ياريت اشوفك

    خلاص بصى انا عايزين نتفق ونتقابل بس بشرط انتى تكونى ماشكه ورده حمرا

    بجد والله عايزين نشوق بعض
    هدخل مدونتك ونقرار هنشوف بعض ازاى

  • حـــلـــم كــــان
    10 أكتوبر، 2009 10:33 ص  

    مي

    انا زحلانه منك يامى

    جايه متخر ليه
    وكمان عايزه شنظه ويونى فورم
    وابعدين انتى تعمل اللى انت عايزه
    احنا اساسا عايزين نغرقه

    بلاش السوا لده متخلنش نخسر بعض
    هههههههههههههههههههههه

 

Design by Amanda @ Blogger Buster