اول يوم جامعه  

الأربعاء، 14 أكتوبر، 2009



اسفه انى جيت متاخر ومش حكيت عن اول يوم جامعه يوم السبت ذى ماكنت قايله

بس والله النت كان متقحرط ومش عارفه اعمل اى حاجهوغير النت كنت بحاول

اظبط دماغى على النظام الجديدلانى فضلت اول يومين فى الدراسه اجى من الجامعه

انام لتانى يوم ام هند اول يوم فى الجامعه انا كان عند 4 محاضرات من 8 ل4 اليوم

ده من كنت مطابقه فيه مكنتش نايمه لان اليوم اللى قبله كنت صاحيه المغرب وانتو

عارفين ان مش انا لوحدى فى البيت مرحله جديده المهم الساعه جيت 6 ونص قولت

انا واختى نصحى اللى فى البيت كله بقا وانا اقترحت ان نصور فيديو اليوم ده عشان

ميرنا داخله اولى ابتدائى وتكون ذكرى حلوه وفعلآ اخدنا الموبيل وفعلآ كانت واحده

ماسكه الموبيل والتانيه بتصحى وفضلنا نصور لحد مالكل مشى انا بقا لبست بسرعه

وده مش الطبيعى بتاعى منت هنزل الجامعه اول يوم لوحدى لان انتمتى فى جامعه تانيه

وكنت زعلانه اوى بس اللى حصل لقت ناس زميلى كتير بيكلمونى عشان نتقابل

ونروح ووصل العدد ان لقيت ان فى 7 هينزلوا معايا وصلنا وكل واحده راحت على كليتها

المحاضره كانت 8 وانا وصلت 8 وعشره كده والدكتوره جيت على 9 كده طبعآ الكل عارف

اول محاضره بتكون كلام وتعارف وانا راحه اصلا عشان كده شويه وجه بنات الاتحاد

والصراحه كانوا مظبتين المدرج على الاخر غير انهم جابوا الجدول والاهم من كده كانوا

ماشين بيدو لكل حد لبان وشكولاته تانى محاضره جيت وجه الدكتور وهو لسه بيتكلم البوقين

اللى فى الاول جه العميد وفضل برضه يتكلم شويه ومشى بس الصراحه انا كنت شايفه الاتنين

اربعه لانى كنت هموت وانام وبدات بقا اجوع والحاله كانت قافله اوى ام هند الدكتور بدا شغل

بجد عجبتنى الماده اوى هى اسمها صحه الطفل والدكتور ده من كليه طب وفكرنى بقا ايام ماكنت

علمى والحاجات اللى كنت بحب اذكرها دى يلا اهى ايام ام هند الماده بصراحه فرحت لان الماده

معلومات عامه بس بصراحه بعد كده حسيت المواد كلها معلومات عامه وعجبتنى اوى كليتى تانى

يوم كان فى 4 محاضرات بس كان فى محاضرتين مهمين لازام احكى ليكم عنهم اول محاضره

دخلت الدكتوره وقالت ان فى كرنفال بكره ولازام كلنا نحضر عشان نرفع اسم الكليه وشويه الكلام

دول المشكله بقا فى اننا نحضر المشكله اننا نجيب بلونات واحنا رايحين عشان نمسكلها فى الكرنفال

طب بالذمه حد يقولى اروح اقول لابويا ده عايزين بلونات فى الجامعه دانا مقولتهاش وانا حضانه

تانى محاضره بفا دخلت دكتوره بس دخلت دخله جامده شويتن وكانت الصدمه الكبرى بالنسبه ليا

انى عرفت انى كليتى فيها خضور وغياب ام هند الدكتور قالت الكلمتين اللى فى الاول دول وقبل

ماتبدا شغل بجد قالت الكل يكتب فى كشكوله يتوقع ياخد ايه فى الماده انا كتبت كام حاجه كده كنت

عارفهم من ثانوى لان الماده اسمها النمو النفسى وانا كان معايا علم نفس وبعد عشر دقايق لقتها مره

واحده بتقول قومى يام بنى استنى ام بنى تقوم محدش قام انتى اللى فى الاخر برضه ولاالهوا اها انتى

ياللى بتصى ناحيتى فوقفت قولتلها انا قالتلى اه وطلعت ام بنى هى انا الصراحه كنت متوقعه انى اتلخبط

وانا بتكلم او حاجه بس مفيش اى حاجه من دى حصلت وحظها انى كنت جايبه 50 فى علم نفس ودى

مبتحصلش كتير خالص عرفت اجاوب عليها وضفت شويه على كنت كاتبه وعدت
بـــــــــــــس خـــــــــلاص
ايدى وجعتنى

AddThis Social Bookmark Button


27 التعليقات: to “ اول يوم جامعه

  • Pink Dreams
    14 أكتوبر، 2009 2:22 م  

    ههههههههههههههههههه

    دا كان يوم صعب قوى

    بس انا نفسى اعرف انتى فى كليه ايه

    انتى عارفه بقى انى مكنتش متابعه الاسبوعين اللى فاتوا عشان النت كان فاصل عندى

    بس صدقينى احلى ايام هى ايام الكليه اللى عمرها ما هتتعوض

    بس عجبتنى قوى حكايه البلالين دى

    هههههههههههههههههههههههههه

  • حـــلـــم كــــان
    14 أكتوبر، 2009 2:34 م  

    Pink Dreams

    انا فى كليه رياض اطفال

    وبعد كده تبعى معدتش هغششك حاجه تانى

    وبالنسبه بالبلالين بقا فانا اكيد مش جبت ورحت اخدت من اصحابى ومرحتش الكرنفال اصلا فضلت العب بها طول النهار

  • heba
    14 أكتوبر، 2009 3:00 م  

    السلام عليكم
    حلو التغير شوية دراسة وشوية نت التغير حلو بردو وربنا يكرمك يارب ويوفقك

    تقبلى مرورى

    heba

  • Darsh Basha
    14 أكتوبر، 2009 3:37 م  

    ايون مع انى كنت عايز اخد اول تعليق
    الا ان الجماعة سبقونى

    على العموم بالنسبة للبالونات لو كانت من ام بريزة تمشى ..ولو ربع جنية مخروم تبقى مية مية.

    وانا ان شاء الله اول مايجى اول يوم فى الجامعة هروحة هقولك حصل اية

    وداينى قولتلك اللى حصل وانا فى اللفة ..وحطتلك شوية صور ..كمان يمكن انتى ملحقتيش تشوفيها

    على العموم الجامعة حلوة ..ورياض اطفال حلوة برضة ..مش رياض اطفال دى برضة فى بيت شقتين فوق بعض برة الجامعة كدة .

    المهم ربنا يوفقك ..وتتخرجى وطلعى عينين العيال الصغنيتتين.

  • جمهورية شومبونجو العربية
    14 أكتوبر، 2009 3:48 م  

    السلام عليكم

    نورتى الدويلة بتعتك

    وبعدين انتى دوختى ام هند معاكى
    خدى هند وسيبى مامتها علشان تحضر الغدا ل ابو هند

    بس اول يوم بيكون جامد
    وبعدين
    ايام الكلية لا تعوض


    بلتوفيق ان شاء الله

    ......
    تحياتى

    رئيس الجمهورية

  • ابتسامة حزن
    15 أكتوبر، 2009 3:16 ص  

    يارب بس تكون مواعيد نومك اتظبطت

    وعايزاكى تدخلى داخله جامده كده
    اتحاد طلبه ونظام
    عيشى حياتك بقى فهمانى طبعا

  • 3mr wa2el
    15 أكتوبر، 2009 3:29 ص  

    ههههههههه

    فكرتيني بايام زمان و قول للزمان ارجع يا زمان

    انا حضرت اول محاضرة ليا تقريبا بعد الدراسة و الحمد لله الشلة كلها كانت معايا لاسباب شخصية جدا من كل حتى ف مصر و حظها كانت محاضرة رئيس مجلس تاديب الجامعة و كان شكلنا باين اننا مش ف الكلية دى و كنت عتفصل من التعليم بسبب منديل ههههههههه

    و الادهى من كدة لتالت سنة على التوالى ف الكامحة و حضرت 3 محاضرات و حدة ف كليتي و التانية استركشر ف هندسة ( الحلم الضائع ) و التالتة ف كلية تجارة كانت اقتصاد و يا قلبي لا تحزن و قول للزمان ارجع يا زمان ههههههههههه

  • MOHAMMED ELBANNA
    15 أكتوبر، 2009 4:50 ص  

    مي
    ربنا يقويكي ويعينك على النجاح .
    كل عام وانتى بخير
    مدونتك فعلاً جميلة
    تقبلي مروري
    محمد البنا
    طريق النجاح

  • حياتى
    15 أكتوبر، 2009 11:26 م  

    مدونه جميله

    بوست جميل وبيتميز بالبراءه

    انتى بتكتبى ببساطه عشان كده كلامك بيوصل بسرعه

    بتمنالك التوفيق5 فى حياتك الجامعيه

    ومتخفيش الجامعه ئىء جميل جدا وبتكونى صداقات من الجنسيين

    وبتتعرفى على ناس من ثقافات مختلفه
    وادمغه مختلفه يعنى بجد الجامعه تجربه غنيه جدا

    انا خلصت دراسه السنه اللى فاتت وكسبت من الجامعه دى اصدقاء وصديقات كتار زائد علم كنت بحبه

    انا مش عاوزك ترتبكى وتخافى خليكى ديما جريئه وقويه

    بتمنالك التوفيق وبجد مدونتك حلوه

    وشكرا

    صاحب مدونه الحياه

  • حياه بلا عنوان
    16 أكتوبر، 2009 5:19 ص  

    السلام عليكم ورحمه الله وبركاته
    اجمل ايام ايام الجمعه بجد الواحد بيحس انو مبسوط شويه بس بقا لو الجامعه مفهاش مذكره تكون احلى كمان ههههههه
    بس يله الجمدلله ربنا معاكى ويوفقك
    تحياتى

  • micheal
    16 أكتوبر، 2009 9:44 ص  

    ياااااااااه..رجعتيلي ذكريات أول يوم جامعة لما الواحد كان داخل ومستغرب ومستني صوت الجرس وفاكر أن فيها طابور زي المدرسة...الخ الخ
    أسلوبك في السرد لذيذ
    تحياتي

  • micheal
    16 أكتوبر، 2009 9:44 ص  

    ياااااااااه..رجعتيلي ذكريات أول يوم جامعة لما الواحد كان داخل ومستغرب ومستني صوت الجرس وفاكر أن فيها طابور زي المدرسة...الخ الخ
    أسلوبك في السرد لذيذ
    تحياتي

  • مي
    16 أكتوبر، 2009 1:29 م  

    ههههههههههههههههههههه والنبى عثل سيبك انتى لسة شفتى حاجة دى ايام جميلة يابنتى والله
    ربنا يوفقك يا ميوى
    ومستنية تانى يوم بقى ههههههههههه

  • غير معرف
    17 أكتوبر، 2009 1:33 م  

    ahmedsas98@yahoo.com
    يادي الجامعه ويادي بلاويها اللي بتنحدف علينا
    ربنا يوفقك

  • اللى موش عارف يتغير
    18 أكتوبر، 2009 2:55 ص  

    الجامعة وحكايتها وطرائفها
    عالم جميل
    ليته يعود يوما
    لاخبره ما فعل المشيب
    هههههه

  • حـــلـــم كــــان
    18 أكتوبر، 2009 10:23 ص  

    heba

    والله هو كان حلو التغير بس الوقتى مش بقا تغير ده بقا كل يوم

  • حـــلـــم كــــان
    18 أكتوبر، 2009 10:31 ص  

    Darsh Basha


    شفت الصور وجامده طحن

    والكليه مش البيت اللى شقتين دى بس تبقا الادراه احنا فى تربيه

    نورت

  • حـــلـــم كــــان
    18 أكتوبر، 2009 10:35 ص  

    جمهورية شومبونجو العربية

    يعنى بالذمه انا جيت جمب هند مهى اللى سابت امها تعمل الغدا وجيت

    نورت

  • حـــلـــم كــــان
    18 أكتوبر، 2009 10:36 ص  

    ابتسامة حزن


    طب والنبى دى عايزه وصايه

    دانا مى ياابتسامه

    امال لو مكنتش عارفنى

  • حـــلـــم كــــان
    18 أكتوبر، 2009 10:38 ص  

    3mr wa2el

    انا عايوه اعرف حكايه المنديل دى

  • حـــلـــم كــــان
    18 أكتوبر، 2009 10:39 ص  

    أزال المؤلف هذا التعليق.

  • حـــلـــم كــــان
    18 أكتوبر، 2009 10:47 ص  

    MOHAMMED ELBANNA

    الحمد لله ان مدونتى نالت اعجابك وبجد مبسوطه بزيارتك

    نورت

  • حـــلـــم كــــان
    18 أكتوبر، 2009 10:49 ص  

    حياتى

    ربنا يبارك ليك فى صداقتك وفى علمك وفى حياتك اللى بجد مش المدونه بس

    انا مش مرتبكه ولا خايفه الحمد لله
    ومبسوطه كمان

    الحمد لله ان المدونه جبتك وان شاء الله تعجبك كمان وكمان

    نورت

  • حـــلـــم كــــان
    18 أكتوبر، 2009 10:51 ص  

    حياه بلا عنوان

    كل ايام بتكون احلى ايام يعنى اكيد كلنا هنعيش ايام حلوه فى الجامعه وهنعيش احلى

    نورتى

  • سلمى
    19 أكتوبر، 2009 9:34 ص  

    السلام عليكم
    اولا احب اقولك مبروك على دخول الجامعه انا كمان اول سنه ليه فى الكليه السنه دى بس احنا مختلفين خااااااااالص عنكم على الاقل شفتم بنات الاتحاد وانا لحد دلوقت معرفش شكلهم ايه وكمان شفتوا العميد وانا لحد دلوقتى معرفش اسمه حتى هههههه شفتى بقى
    يلا ربنا يسترها معانا السنه دى ويجعلها علينا وعليكى سنه حلوه
    جميله مدونتك وجميل اسمك
    دمتى بخير

  • الحــ ــزين
    19 أكتوبر، 2009 11:07 ص  

    الحــ ــزين
    انتى فين

  • بقايا انسانه
    21 أكتوبر، 2009 5:39 م  

    هههههههههههههههه

    ربنا يكرمك يابت واشوفك حاجه جامده كدا


    يلا يابتاعة اولى جامعه

    دي الجامعه لمت يابت

 

Design by Amanda @ Blogger Buster