يارب قلبى ميكنش منقط  

الاثنين، 19 أكتوبر 2009


فى يوم فضلت محتاره وفى دماغى اسئله كتير كان نفسى اى حد يرد عليا
كنت بتمنى اى حد يريحنى ويخلصنى من الحيره اللى انا فيها ولقيتنى فى حوار
مع نفسى
انا : هو احنا ليه بنحزن
نفسى :عشان نفرح
انا : ياسلام هنهرج بقا لتتكلمى كلام مظبوط لاما انام
نفسى : وانا ههرج معاكى ليه مش انتى اللى بتسالى
انا : منتى بتهرجى اهو ازاى بنحزن عشان نفرح فهمنى تجى ازاى دى والاتنين عكس بعض تماما ؟
نفسى : منتى لو محستيش بطعم الحزن مش هتعرفى تحسى بطم الفرح
يعنى بمعنى اصح هيبقا الفرح ملوش لازامه ولا قيمه
انا : طب ياريت الفرح كان يبقا موجود علطول حتى لو محستش بيه بس مكنتش احس بالحزن
ولا كان يكسرنى
نفسى : بتهايقلك كنتى هتتمنى تفرحى ومكنتشى هتعرفى يابنتى الحزن بيعرفك صحبك من عدوك ويفرق بين اللى بيحبك واللى بيكرهك وهيعرفك مين اللى هيقف جمبك
انا : طب لما لو محدش وقف جمبى هبقا كسبت ايه
نفسى : كسبتى انك عرفتى انك خساره فى اللى حواليكى وان مفيش حد يستهالك وانك تدورى على الصاحب اللى بجد وعلى الحبيب اللى بجد
انا : طب ليه الحزن بيتعبنى اوى كده وليه بيكسرنا اوى كده هو الحزن بيعمل فينا ايه ؟
نفسى : بيعمل نقط
انا : انا اساسا غلطانه انى بتكلم معاكى وانتى عامله تسخرى منى
نفسى : والله مابسخر منك دانا نفسك
انا : امال ايه حكايه النقط دى كمان ممكن افهم
نفسى : كل حزن بيروح بيسيب نقطه سودا فى قلبنا فى حزن بيسيب نقط كبيره وفى حزن بيسيب نقط مش بتبان
وفى نقط بتروح وبتختفى وفى نقط بتفضل موجوده وفى ناس بتقدر تتغلب على الحزن وتسامح وبالطريقه دى
قلبها مش بيفضل فيه نقط
انا : وياترى انا انهى حد فيهم
يارب قلبى ميكنش منقط ولا يتنقط بعد كده



AddThis Social Bookmark Button

by حـــلـــم كـــان


28 التعليقات: to “ يارب قلبى ميكنش منقط ”

إرسال تعليق

الاشتراك في: تعليقات الرسالة (Atom)
 

Design by Amanda @ Blogger Buster